Adilabad: టేకు దుంగలు తరలిస్తున్న ఇద్దరిపై కేసు

ఎదులాపురం: అక్రమంగా టేకు దుంగలను తరలిస్తూ పట్టుబడిన ఇద్దరు నిందితులపై బుధవారం కేసు నమోదు చేసినట్లు ఆదిలాబాద్ ఫారెస్ట్ రేంజ్ అధికారి గులాబ్సింగ్ తెలిపారు. మూడు టన్నుల టేకు దుంగలను తరలిస్తున్న బొలెరో పికప్ వాహనాన్ని ఆదిలాబాద్ టూటౌన్ పోలీసులు మంగళవారం రాత్రి పట్టుకుని అటవీశాఖ అధికారులకు అప్పగించిన విషయం తెలిసిందే. ఆ వాహనంలో సుమారు రూ.40 వేల విలువైన టేకు దుంగలు ఉన్నట్లు అంచనా వేసినట్లు ఎఫ్ఆర్ఓ పేర్కొన్నారు. వీటిని రవాణా చేస్తున్న నిందితులు ఆదిలాబాద్ మండలం దహిగూడకు చెందిన సాకటి దస్రు, సిడం గంటులను కోర్టులో హాజరు పరుస్తామని తెలిపారు.