Nellore: పింఛను దారుల సమస్యలు పరిష్కరించాలి

కావలి: రాష్ట్ర దేవాదాయ శాఖ మంత్రి ఆనం రామనారాయణ రెడ్డిని రిటైర్డ్ టీచర్స్ అసోసియేషన్, నెల్లూరు శాఖ నాయకులు కలిసి అభినందించారు. ఈ సందర్భంగా పింఛను దారుల సమస్యలను మంత్రికి వివరించి వినతిపత్రం అందజేశారు. ప్రధానంగా నిధి యాప్‌లో రిటైర్డ్ టీచర్‌కి సంబంధించినటువంటి పెన్షన్లు ఎప్పటికప్పుడు చూసుకునేటట్లు అవకాశం కల్పించాలని కోరారు. మంత్రి వెంటనే చేస్తానని వారికి తెలిపారు. కేతా సుధాకర్ రెడ్డి రాష్ట్ర కార్యనిర్వాహక అధ్యక్షుడు, విశ్రాంత డీఈవో నరసింహారెడ్డి, నెల్లూరు జిల్లా ప్రధాన కార్యదర్శి కే రామి శెట్టి, బాలాజీ, పరమేశ్వరయ్య, ఓబుల్ రెడ్డి, వెంకటేశ్వర్లు, ఎస్.కె చాంద్ బాషా, ఏకే రాయల్ తదితరులు ఉన్నారు.