ఈ విజయం ఆ‘చంద్రా’ర్కం
నేను విన్నాను.. నేను ఉన్నాను.. ఇంతకీ నేనెవరో తెలుసా..? నా భక్తులను లెక్కచేయని వారిపై కఠినంగా సాగిపోయే కాలాన్ని. అహంకార హరుణ్ని. లోకసంరక్షున్ని.. ధర్మపక్షపాతిని.. మీ కలియుగ దైవాన్ని..
నేను విన్నాను.. నేను ఉన్నాను.. ఇంతకీ నేనెవరో తెలుసా..? నా భక్తులను లెక్కచేయని వారిపై కఠినంగా సాగిపోయే కాలాన్ని. అహంకార హరుణ్ని. లోకసంరక్షున్ని.. ధర్మపక్షపాతిని.. మీ కలియుగ దైవాన్ని.. అభయాన్ని.. అరాచకాలను చూస్తూ ఊరుకుంటానా.. అక్రమాలను సహిస్తానా.. మౌనపాత్ర వహిస్తానా..? అందుకే ఈ ఎన్నికల్లో బుద్ధి చెప్పక తప్పలేదు. కర్ణుడి చావుకు సవాలక్ష కారణాలన్నట్లు.. వైకాపా ఓటమికీ ఎన్నో కారణాలు.. దారుణాలు.. ఇదిగో తిరునగరిలోని ఈయణ్ను చూడండి.. నమ్మి ఎన్నుకున్న జనంపై కాస్తయినా ‘కరుణ’ చూపవయ్యా.. అంటే లేనిపోని ‘అభి’మానం ఒలకబోస్తివి. తిరుధామానికి నామాలు పెట్టాలని చూస్తివి. ఇప్పుడు చూడు.. ఫలితం అనుభవిస్తివి. మరో ఆయన అరాచకాలపై భగవం‘తుడా’ నీవే రక్షించు.. అని ప్రజలు వేడుకున్నా ‘చెవి’కెక్కించుకున్న పాపానపోలేదు. ఓటమి తప్పలేదు. శ్రీకాళహస్తి చెంత భక్తులకు ‘మధు’ర క్షణాలు లేకుండా చేశావు.. అధికార ‘మదం’తోటి.. అహకారం తోటి.. ముక్కంటినే లెక్కచేయను పొమ్మంటివి.. తగినశాస్తి కంటివి.. ‘రోజమ్మా’ ఏ రోజమ్మా నీవు ప్రజల గురించి ఆలోచించింది.. మేలు ఆకాంక్షించింది. చాలమ్మా వంచించింది.. ఇప్పుడు చూడు తలదించితివి. ఎక్కడ ‘పెద్ద’రికం తప్పటడుగులు వేస్తుందో.. అక్కడ ‘సత్య’మేవ జయతే అని నిరూపితవుతుంది. ‘ఆదిమూలా’ల్లోకి వెళ్లాల్సి వచ్చింది. గెలుపు తలుపు తెరిచింది. కిలివేటి.. నోరు మెదపవేంటి... ఫలితాలు చూసి మూర్చబోయావా ఏంటి..? గ్రావెల్ అల్పాహారాలుగా తింటివి.. నీ ఓటమికి ‘సంజీవ’ సాక్ష్యమిది.. నేదురుమల్లి.. నాకు ఎదురులేదు.. న్యాయానికి ఎదురెళ్లి.. విర్రవీగుతా అంటే.. కర్రుకాల్చి వాత పెట్టారు.. అక్రమాలపై సునీల్కుమార్.. ‘పాశం’ విసిరారు.. ప్రజల గుండెల్లో ‘గూడు’కట్టుకున్నారు.. ఎవరిని మార్చినా.. నా ‘గీత’ మార్చలేరు కదా.. అందుకే ఇప్పుడు పూ‘తలపట్టు’కునే దుస్థితి వచ్చింది. ‘నారాయణ’ ‘నారాయణ..’ అవేం దూషణలు, దుర్భాషలు తట్టుకోలేక ‘కృపా’ కటాక్షం నీకు కలుగలేదు. స్మగ్లర్లను అసెంబ్లీకి పంపాలని చూస్తే చిత్తూరులో ‘చిత్తు’గా ఓడించారు. వెంకటేగౌడ.. కూలిందా నీ దౌర్జన్యాల గోడ. కుప్పంలో గెలుపంటే హనుమంతుడి ముందు కుప్పిగంతులేయడమే. అక్కడంతా అభిమాన ‘చంద్ర’మే. అసాధ్యమే. దుర్భేధ్యమే.. ఎందుకంటే అక్కడ ఉంది అధినేత.. ప్రజానేత.. అభివృద్ధి, సంక్షేమాల కలబోత. మొత్తంగా ఎంతో సంతృప్తిగా ఉన్నాను.. సంతోషంగా వెళ్లొస్తాను. చివరగా ఒక్కమాట.. ఎక్కడ అక్రమాలు పెచ్చుమీరుతాయో.. ఎక్కడ అన్యాయం రొమ్మువిరుస్తుందో.. ఎక్కడ సామాన్యుడు కన్నీరుపెడతాడో.. అక్కడ నేను ఉంటాను.. వారి బాధ వింటాను. ఆపదమొక్కులవాడిగా ఆదుకుంటాను. ధర్మో రక్షతి రక్షితః
న్యూస్టుడే బృందం
పుత్తూరులో ఆరేటమ్మ ఆలయం వద్ద టెంకాయలు కొడుతున్న తెదేపా శ్రేణులు
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
రెస్కో.. అందినంత దోచుకో
[ 06-07-2024]
వడ్డించేవారు మనవారయితే చాలన్నట్లు.. కుప్పం గ్రామీణ విద్యుదీకరణ సంస్థ (రెస్కో) పరిస్థితి తయారైంది. -
దొంగ ఓట్లకు అండదండలు
[ 06-07-2024]
విద్యాశాఖలో పలువురు అధికారులు వైకాపాకు అంటకాగుతూ ఐదేళ్లూ అక్రమాలు కొనసాగించారు. -
సర్వదర్శనానికి 16 గంటలు
[ 06-07-2024]
శ్రీవారి సర్వదర్శనానికి ఎస్ఎస్డీ టోకెన్లు లేకుండా శుక్రవారం సాయంత్రానికి క్యూలైన్లలో వచ్చిన భక్తులు వైకుంఠం క్యూ కాంప్లెక్స్-2లోని 29 కంపార్ట్మెంట్లలో వేచిఉన్నారు. -
పెంపుడు జంతువులకు.. ఆధునిక వైద్యం
[ 06-07-2024]
మూగజీవాలు మన జీవన విధానంలో భాగమయ్యాయి. సమాజంలో ఆదరణ పెరుగుతోంది. -
అప్రమత్తమైతేనే..!
[ 06-07-2024]
ప్రస్తుత సమాజంలో ప్రతి ఇంట్లో పెంపుడు జంతువులు కనిపిస్తున్నాయి.. వీటి ఆరోగ్యం విషయంలో పలు జాగ్రత్తలు అవలంబించాలి.. లేనిపక్షంలో మన ప్రాణాలకు ముప్పు తప్పదని వైద్యులు హెచ్చరిస్తున్నారు.. -
రాజకీయాలకు అతీతంగా అభివృద్ధి
[ 06-07-2024]
చిత్తూరు నగర సమగ్రాభివృద్ధికి రాజకీయ పార్టీలకు అతీతంగా కార్పొరేటర్లు పనిచేయాలని ఎమ్మెల్యే గురజాల జగన్మోహన్ పిలుపునిచ్చారు. -
ఆరు ప్రాణాలు నిలిపిన అవయవదానం
[ 06-07-2024]
పుట్టెడు దుఃఖంలోనూ పలువురి ప్రాణాలు కాపాడేందుకు ఆ కుటుంబం ముందుకు వచ్చింది. -
చంద్రగిరిలో తుడా లెక్కలు తేల్చండి
[ 06-07-2024]
చంద్రగిరి నియోజకవర్గంలో తుడా చేపట్టిన అభివృద్ధి పనుల లెక్కలు తేల్చాలని ఎమ్మెల్యే పులివర్తి నాని అధికారులను కోరారు. -
‘తితిదే అక్రమాలు సీఎం దృష్టికి తీసుకెళ్తాం’
[ 06-07-2024]
గత ప్రభుత్వంలో తితిదేలో జరిగిన అక్రమాలను సీఎం చంద్రబాబునాయుడు దృష్టికి తీసుకెళ్తామని భాజపా రాష్ట్ర అధికార ప్రతినిధి భానుప్రకాష్రెడ్డి తెలిపారు. -
గంజాయి, అక్రమ మద్యంపై ఉక్కుపాదం
[ 06-07-2024]
గంజాయి, అక్రమ మద్యం, మాదకద్రవ్యాలు, సారా వ్యాపారులపై ఉక్కుపాదం మోపాలని, నిఘా వ్యవస్థ పటిష్టం చేసి అక్రమార్కులను అరెస్టు చేసి న్యాయస్థానంలో శిక్ష పడేలా చూడాలని జిల్లా ప్రత్యేక ఎన్ఫోర్సుమెంట్ అధికారి (డీఎస్ఈవో) సుబ్బరాజు ఆదేశించారు. -
అంతర్రాష్ట్ర దొంగల ముఠా అరెస్టు
[ 06-07-2024]
జల్సాలకు అలవాటుపడి ద్విచక్రవాహనాలు అపహరించి విక్రయించి సొమ్ము చేసుకుంటున్న ఇద్దరు అంతర్రాష్ట్ర దొంగలను వి.కోట పోలీసులు పట్టుకున్నారు.
![ap-districts](https://assets.eenadu.net/_assets/_images/ap-districts.jpg)
![ts-districts](https://assets.eenadu.net/_assets/_images/ts-districts.jpg)
తాజా వార్తలు (Latest News)
-
ఓపెనర్గా రావాలనుకుంటున్నా.. రోహిత్, కోహ్లీ స్థానంపై కన్నేసిన శుభ్మన్ గిల్
-
భారాసనే ఫిరాయింపులను ప్రోత్సహించింది: జీహెచ్ఎంసీ మేయర్
-
నెల్లూరు నగరపాలక సంస్థ కమిషనర్ సంతకం ఫోర్జరీ.. మేయర్ భర్తపై కేసు
-
ఆ ఒక్కటి తక్కువైంది.. ద్రవిడ్ మాటను నెరవేర్చాలి!
-
నిఖత్కు సాటిలేరు.. ఒలింపిక్స్ బరిలో ఇందూరు బాక్సర్
-
గుంతకల్లు రైల్వే DRM ఆఫీస్లో ముగిసిన సోదాలు.. సీబీఐ అదుపులో 8 మంది