రూ.10.61 లక్షల విలువైన రేషన్‌ బియ్యం పట్టివేత

రైసు మిల్లు యజమానిపై కేసు నమోదు

రైసు మిల్లులోని రేషన్‌ బియ్యం వద్ద అధికారులు

రంగంపేట, న్యూస్‌టుడే: రూ.లక్షల విలువైన రేషన్‌ బియ్యం ఓ రైసు మిల్లులో అధికారులకు పట్టుబడింది. తూర్పుగోదావరి జిల్లా రంగంపేట మండలం పెదరాయవరంలోని శ్రీరామకృష్ణ రైసు మిల్లుపై గురువారం సివిల్‌ సప్లయ్‌ అధికారులు దాడులు చేశారు. అక్కడ రూ.10.61 లక్షల విలువ చేసే 23,330 కిలోల బియ్యాన్ని గుర్తించి, యజమాని కొనుజుల శ్రీధర్‌పై క్రిమినల్‌ కేసు నమోదు చేశారు. స్వాధీనం చేసుకున్న బియ్యాన్ని వడిశలేరులోని ఓ మిల్లుకి తరలించినట్టు అధికారులు తెలిపారు. ఈ బియ్యం స్థానికంగా సేకరించిందా? లేక తెలంగాణ నుంచి వచ్చిందా? అనే దానిపై వారు విచారణ చేస్తున్నారు.