అత్యాచార ఘటనపై నిష్పక్షపాత దర్యాప్తు జరపాలి

డీజీపీకి జాతీయ మహిళా కమిషన్‌ ఆదేశం

ఈనాడు-హైదరాబాద్‌: ఉద్యోగం కోసం పక్క రాష్ట్రం నుంచి హైదరాబాద్‌ నగరానికి వచ్చిన యువతికి మత్తు మందు ఇచ్చి ఇద్దరు అత్యాచారం చేసిన ఘటనపై సకాలంలో నిష్పక్షపాతంగా దర్యాప్తు జరపాలని డీజీపీని జాతీయ మహిళా కమిషన్‌(ఎన్‌సీడబ్ల్యూ) ఆదేశించింది. మియాపూర్‌ ఠాణా పరిధిలో చోటుచేసుకున్న ఈ ఘటనపై మూడు రోజుల్లోగా సమగ్ర నివేదిక పంపాలని స్పష్టంచేసింది. ఈ మేరకు డీజీపీకి లేఖ పంపినట్లు జాతీయ మహిళా కమిషన్‌ ‘ఎక్స్‌’లో పోస్టు చేసింది. 

యువతిపై అత్యాచారం కేసులో నిందితులు సంగారెడ్డి, జనార్దన్‌రెడ్డిలను మియాపూర్‌ పోలీసులు రిమాండ్‌కు తరలించారు. వారిని విచారణ నిమిత్తం కూకట్‌పల్లి కోర్టులో హాజరుపరిచారు.