బస్తర్‌ ఫైటర్‌ను హత్య చేసిన మావోయిస్టులు

దుమ్ముగూడెం, న్యూస్‌టుడే: ఛత్తీస్‌గఢ్‌ రాష్ట్రం నారాయణపూర్‌ జిల్లా నెలంగూర్‌ గ్రామానికి చెందిన సన్ను ఉసెండి(30) అనే బస్తర్‌ ఫైటర్‌ను మావోయిస్టులు ఆదివారం అర్ధరాత్రి హత్య చేశారు. దండకారణ్య ప్రాంతంలో మావోయిస్టు ఉద్యమ కదలికలపై ఎక్కువగా అవగాహన ఉండే యువకులను ప్రభుత్వం బస్తర్‌ ఫైటర్స్‌గా నియమించింది. ఉసెండి నారాయణపూర్‌ వెదురు క్రాఫ్ట్‌ కాలనీలో ఆయన బస్తర్‌ ఫైటర్‌గా కొనసాగుతున్నాడు. ఆదివారం సాయంత్రం స్వగ్రామం అయిన నెలంగూర్‌కు వస్తుండగా మార్గమధ్యలో కొందరు మావోయిస్టులు అతడిని కిడ్నాప్‌ చేశారు. సమీప అటవీ ప్రాంతానికి తీసుకెళ్లి పోలీస్‌ ఇన్‌ఫార్మర్‌ నెపంతో ఆయుధాలతో నరికి హత్య చేశారు. అనంతరం మృతదేహాన్ని బతుంపర మార్గంలో పడేశారు.