మోసం చేశాడని ప్రియుడి మర్మాంగం కోసిన వైద్యురాలు

ఈటీవీ భారత్‌: పెళ్లి చేసుకుంటానని చెప్పి మోసం చేశాడన్న ఆరోపణతో ప్రియుడి మర్మాంగం కోసేసింది ఓ వైద్యురాలు. ఈ ఘటన బిహార్‌లోని సారణ్‌ జిల్లా మధురా పోలీస్‌స్టేషన్‌ పరిధిలో జరిగింది. హాజీపుర్‌కు చెందిన నిందితురాలు(25), స్థానిక వార్డు కౌన్సిలర్‌ మధ్య ప్రేమ వ్యవహారం నడుస్తోంది. తనను పెళ్లి చేసుకోవాలని నిందితురాలు తరచూ ఒత్తిడి తెచ్చేది. ఈ క్రమంలో సోమవారం వీరిద్దరి మధ్య రిజిస్టర్‌ పెళ్లి గురించి చర్చ నడిచింది. ఈ వివాహానికి బాధితుడు నిరాకరించాడు. దీంతో కోపోద్రిక్తురాలైన వైద్యురాలు అతడి మర్మాంగం కోసేసింది. సమాచారం అందుకున్న పోలీసులు బాధితుడిని ఆసుపత్రికి తరలించారు. మహిళా డాక్టర్‌ను అదుపులోకి తీసుకుని విచారిస్తున్నారు.