మద్యం కేసులో వైకాపా నేత అరెస్టు

తాడేపల్లి, న్యూస్‌టుడే: అనధికారికంగా మద్యం నిల్వ చేసిన కేసులో.. మంగళగిరి వైకాపా అభ్యర్థినిగా పోటీచేసిన మురుగుడు లావణ్య తండ్రి, వైకాపా నాయకుడు కాండ్రు శివనాగేంద్రంను అరెస్టు చేసినట్లు సెబ్‌ సీఐ ప్రసన్న ఆదివారం తెలిపారు. మంగళగిరిలోని కాండ్రు వారి వీధిలో దామర్ల వీరాంజనేయులు నివాసంలో జూన్‌ 1న 6,528 మద్యం సీసాలను నిల్వ చేశారు.సెబ్‌ అధికారులు వాటిని స్వాధీనం చేసుకుని వీరాంజనేయులును అరెస్టు చేశారు.లావణ్య తండ్రి శివనాగేంద్రంను శనివారం అరెస్టుచేసి మంగళగిరి కోర్టులో హాజరుపరచగా 15 రోజుల పాటు రిమాండ్‌ విధించింది.