జంతు హింసపై కేసు నమోదు

కుక్కను హింసిస్తున్న వినోద్‌

ఆలూరు గ్రామీణ, న్యూస్‌టుడే: కర్నూలు జిల్లా ఆలూరు పట్టణానికి చెందిన వినోద్‌ తన పెంపుడు కుక్కను హింసించాడు. దీంతో అతనిపై కేసు నమోదైంది. వినోద్‌ కుక్క రెండు కాళ్లు పట్టుకొని పైకి లేపి తిప్పుతూ ఇబ్బందికి గురి చేశాడు. ఈ ఘటనను అతని స్నేహితులు వీడియో తీసి ఇన్‌స్టాగ్రామ్‌లో అప్‌లోడ్‌ చేశారు. ఆ వీడియో చూసిన తెలంగాణకు చెందిన స్ట్రే యానిమల్‌ ఫౌండేషన్‌ ఆఫ్‌ ఇండియా సంస్థ ప్రతినిధులు... వినోద్‌ కుక్కను హింసించాడని కోర్టులో కేసు వేశారు. కోర్టు ఆదేశాల మేరకు అతనిపై కేసు నమోదు చేసినట్లు ఆలూరు పోలీసులు వెల్లడించారు.