మహిళపై దాడి చేసి తల లాక్కెళ్లిన చిరుత

శిరివెళ్ల, మహానంది, న్యూస్‌టుడే: వంట చెరకు కోసం వెళ్లిన ఓ మహిళపై చిరుత దాడి చేయడంతో ఆమె అక్కడికక్కడే మృతి చెందారు. ఈ విషాద ఘటన నంద్యాల జిల్లాలోని శిరివెళ్ల, మహానంది మండలాల సరిహద్దు ప్రాంతంలోని పచ్చర్ల గ్రామంలో చోటుచేసుకుంది. స్థానికులు, పోలీసులు తెలిపిన వివరాల ప్రకారం.. శిరివెళ్ల మండలంలోని పచ్చర్లకు చెందిన మాజీ ఉప సర్పంచి షేక్‌ మెహరూన్‌బీ (45) మంగళవారం ఉదయం వంట చెరకు కోసం అటవీ ప్రాంతంలోకి వెళ్లారు. ఇంటికి రాకపోవడంతో ఇద్దరు కుటుంబీకులు అటవీ ప్రాంతంలోకి వెళ్లి గాలిస్తుండగా.. మెహరూన్‌బీ ఛాతీ, తల, కడుపు భాగాన్ని చిరుత తినేందుకు ప్రయత్నిస్తోంది. ఈ క్రమంలో వారు గట్టిగా కేకలేస్తూ కర్రలతో అక్కడికి వెళ్లేందుకు యత్నిస్తుండగా.. మెహరూన్‌బీ తల భాగాన్ని చిరుత లాక్కెళ్లిపోయింది.