Lonavala: జలపాతం సందర్శనకు వెళ్లి.. ఒకే కుటుంబంలో అయిదుగురు గల్లంతు!

ఇంటర్నెట్‌ డెస్క్‌: సెలవు రోజు సరదాగా గడిపేందుకు విహారయాత్రకు వచ్చిన ఓ కుటుంబానికి తీరని విషాదం మిగిలింది. ఓ జలపాతం వద్ద మహిళ, నలుగురు చిన్నారులు గల్లంతయ్యారు. ఇందులో ముగ్గురి మృతదేహాలు లభ్యం కాగా.. మిగతా ఇద్దరి కోసం గాలింపు చర్యలు కొనసాగుతున్నాయి. మహారాష్ట్ర (Maharashtra)లో లోనావాలా ప్రాంతంలో ఈ ఘటన చోటుచేసుకుంది. బాధితుల వివరాలు వెల్లడించాల్సి ఉంది.

మణిపుర్‌ సమస్య మోదీ సర్కార్‌కు పట్టడం లేదు: జైరాం రమేశ్‌

పోలీసులు తెలిపిన వివరాల ప్రకారం.. ఓ కుటుంబం ఆదివారం లోనావాలాలో డ్యామ్‌ సమీపంలోని జలపాతం సందర్శనకు వచ్చింది. అంతలోనే ఓ మహిళ (40), ముగ్గురు బాలికలు, ఓ బాలుడు ప్రమాదవశాత్తు అందులో జారిపడిపోయారు. నీటి ప్రవాహంలో కొట్టుకుపోయి రిజర్వాయర్‌లో మునిగిపోయారు. ఈ మేరకు సమాచారం అందుకున్న సహాయక బృందాలు వెంటనే రంగంలోకి దిగాయి. మహిళ, ఇద్దరు బాలికల మృతదేహాలు లభ్యమైనట్లు పోలీసులు వెల్లడించారు. మిగతా ఇద్దరి కోసం ముమ్మరంగా గాలిస్తున్నట్లు తెలిపారు.