Crime news: నార్సింగిలో ఇంజినీర్‌ దారుణ హత్య.. వాహనం వదిలి పరార్‌

నార్సింగి: రంగారెడ్డి జిల్లా నార్సింగిలో ఓ ఇంజినీర్‌ దారుణ హత్యకు గురయ్యాడు. ప్రాథమిక సమాచారం ప్రకారం... ఇజాయత్‌ అలీ అనే ఇంజినీర్‌ 20 రోజుల కిందట దుబాయ్‌ నుంచి ఇండియాకు వచ్చాడు. అతడు శనివారం ఓ నిర్మానుష్య ప్రాంతంలో దారుణ హత్యకు గురయ్యాడు. ఓ కారులో వచ్చిన గుర్తు తెలియని దుండగులు అతడి గొంతు కోసి పరారైనట్లు తెలుస్తోంది. వారిలో ఇద్దరు యువకులు కాగా.. ఓ యువతి ఉన్నట్లు సమాచారం. హత్య అనంతరం క్వాలిస్‌ వాహనాన్ని అక్కడే విడిచిపెట్టి పరారయ్యారు. సమాచారం అందుకున్న పోలీసులు సంఘటనా స్థలానికి చేరుకున్నారు. నిందితుల వాహనాన్ని, రెండు ఫోన్లను సీజ్‌ చేశారు. ఎందుకు ఈ దారుణానికి పాల్పడ్డారనే విషయంపై దర్యాప్తు చేస్తున్నారు.