- TRENDING
- NEET Row
- Union Budget 2024
- T20 World Cup 2024
Investors: పెట్టుబడుల్లో ఈ విషయాలు పట్టించుకోవద్దు
స్టాక్ మార్కెట్లు కొత్త జీవన కాలగరిష్ఠాలకు చేరుకున్నాయి. దీంతో చాలామంది పెట్టుబడులు పెట్టాలనే ఆలోచనతో వస్తున్నారు. అదే సమయంలో ఇప్పటికే మదుపు చేసిన వారు లాభాలను స్వీకరించేందుకు సిద్ధం అవుతున్నారు.
స్టాక్ మార్కెట్లు కొత్త జీవన కాలగరిష్ఠాలకు చేరుకున్నాయి. దీంతో చాలామంది పెట్టుబడులు పెట్టాలనే ఆలోచనతో వస్తున్నారు. అదే సమయంలో ఇప్పటికే మదుపు చేసిన వారు లాభాలను స్వీకరించేందుకు సిద్ధం అవుతున్నారు. ఈ నేపథ్యంలో దీర్ఘకాలిక వ్యూహంతో మార్కెట్లో మదుపు చేసే వారు పట్టించు కోకూడని విషయాలు కొన్ని ఉంటాయి. అవేమిటో పరిశీలిద్దాం..
పెట్టుబడి అనేది వ్యక్తిగత ప్రయాణం. మీ లక్ష్యాలు ఇతరులతో పోల్చినప్పుడు భిన్నంగా ఉంటాయని మర్చిపోవద్దు. అనుకున్న లక్ష్యాన్ని సాధించేందుకు అనువైన పథకాన్ని ఎంచుకోవాల్సింది మీరే. ఇతరులకు ప్రయోజనం చేకూర్చినవి మీకు నప్పకపోవచ్చు. అందుకే, పెట్టుబడి నిర్ణయాలు ఎప్పుడూ మీ సొంత పరిశోధనపైనే ఆధారపడి ఉండాలి.
ఇతరుల సంపాదన గురించి అనవసరం
స్టాక్ మార్కెట్లో తాము పెద్ద మొత్తంలో సంపాదిస్తున్నాం అంటూ ఇటీవలి కాలంలో సామాజిక వేదికలపై చెబుతున్న వారు పెరిగారు. ఇలాంటి వాటిలో ఎంత మేరకు వాస్తవం ఉందో ఎవరూ చెప్పలేరు. ఒక షేరు ధర పెరుగుతుంది, తగ్గుతుంది అని చెబుతూ ఉన్న వారి మాటలు పట్టించుకోవద్దు. వారు సంపాదిస్తున్నారు కదా అని మనమూ ఆయా షేర్లలో మదుపు చేయడం ప్రారంభిస్తే, నష్టపోయే ప్రమాదం ఉంది. మనం పెట్టుబడులు పెట్టే సమయానికి వారు ఆ షేర్ల నుంచి బయటకు రావచ్చు. తర్వాత వాటిని ఎప్పుడు అమ్మాలో మనకు తెలియదు. తగ్గితే.. ఎప్పుడు కోలుకుంటాయో ఎవరూ చెప్పరు. సామాజిక వేదికలపై తమను అనుసరించే వారిని పెంచుకునేందుకు చెప్పే మాటలు విశ్వసించకూడదు. సెబీ ఇప్పటికే ఈ విషయంపై మదుపరులను పలు సందర్భాల్లో హెచ్చరించిన సంగతి మర్చిపోవద్దు. ప్రతి పెట్టుబడిదారుడి పరిస్థితి ప్రత్యేకంగా ఉంటుంది. ఆర్థిక లక్ష్యాలు, పెట్టుబడి వ్యూహాలు, నష్టభయం భరించే శక్తి మారుతూ ఉంటాయి. వారి తీసుకున్న నిర్ణయాల ప్రభావం మన మీద ఉండకుండా చూసుకోవాలి. ఎవరైనా ఒక షేరు గురించి విపరీతంగా ప్రచారం చేస్తుంటే.. దానికి దూరంగా ఉండటమే కొన్నిసార్లు మేలని స్టాక్ మార్కెట్ నిపుణుల సూచన.
స్వల్పకాల హెచ్చుతగ్గులు
స్టాక్ మార్కెట్లో ఏం జరుగుతుందన్న విషయాన్ని ఎప్పటికప్పుడు తెలుసుకోవడం మంచిదే. కానీ, రోజువారీ హెచ్చుతగ్గుల్ని చూసి సంతోషించడం లేదా విచారించడం మాత్రం సరికాదు. ముఖ్యంగా దీర్ఘకాలిక వ్యూహంతో మదుపు చేస్తున్న వారు స్వల్పకాలిక విషయాలను పట్టించుకోవద్దు. మీరు ఎంచుకున్న షేర్లలో కొన్ని పెరుగుతుంటాయి. మరికొన్ని తగ్గుతాయి. తగ్గిన షేర్లను ఎంచుకోవడం మీరు చేసిన పొరపాటేమీ కాదు. కేవలం కొన్ని సాంకేతిక కారణాల వల్ల అవి తాత్కాలికంగా తగ్గొచ్చు. స్వల్పకాలిక పనితీరును చూసి, దీర్ఘకాలిక అంచనాకు రాలేమని గుర్తించాలి. పెట్టుబడి దీర్ఘకాలిక ప్రయాణం. మీ లక్ష్యాలకు తగ్గట్టుగా అవి ఉన్నాయా లేదా అని మాత్రమే పరిశీలించాలి. క్రమశిక్షణగా, ఓపికగా ఉండాలి. మార్కెట్లో ఎంత ఎక్కువ సమయం ఉంటే.. అంత మంచి రాబడులు వస్తాయని చరిత్ర చెబుతోంది.
భావోద్వేగాలు
స్టాక్ మార్కెట్లో మదుపు చేయాలంటే ఉన్నత విద్యావంతులై ఉండాలి అనే అపోహ ఇప్పటికీ చాలామందిలో ఉంది. ఇది నిజం కాదు. మార్కెట్ గురించి అర్థం చేసుకునే పరిజ్ఞానం ఉంటే చాలని ఇప్పటికే చాలామంది మదుపరులు నిరూపించారు. క్రమశిక్షణ, ఒత్తిడిలోనూ ప్రశాంతంగా ఉండగల సామర్థ్యం ఉంటే చాలు. భావోద్వేగాలను నియంత్రణలో ఉంచుకోవడంతోపాటు, హేతుబద్ధమైన నిర్ణయాలు తీసుకోవడం ప్రధానం. ఆశ, అత్యాశకు మధ్య తేడా తెలుసుకోలేకపోతే పేలవమైన పెట్టుబడి నిర్ణయాలకు దారి తీస్తుంది.
ఎంత ధరకు కొంటున్నాం
ఒక షేరు కోసం ఎంత ధర చెల్లించారు అన్నది ఎప్పుడూ కీలకమే. మంచి షేరును, మంచి ధరకు కొనుగోలు చేయాలన్నది మార్కెట్ సూత్రం. ఉదాహరణకు మీరు ఒక షేరును రూ.200 వద్ద కొనుగోలు చేశారు. కంపెనీ పనితీరు బాగాలేక దాని ధర రూ.150కి పడిపోయిందనుకుందాం. సగటు చేసే క్రమంలో మరిన్ని షేర్లను కొంటుంటారు. రూ.100కు పడినా దాన్ని వదలకుండా కొంటూనే ఉంటారనుకుందాం. అప్పుడు మీ దగ్గర ఆ షేర్ల సంఖ్య పెరుగుతుంది. కానీ, లాభాలు కాదు. ధర పడిపోతున్న షేర్లను కొంటూ సగటు చేయాలన్న ఆలోచన ఉండకూడదు. ఒక సంస్థ వాటాలను కొనుగోలు చేసేప్పుడు గత పనితీరు కాకుండా, వర్తమాన, భవిష్యత్తుపై దృష్టి పెట్టాలి. వ్యాపారావకాశాలు ఎలా ఉంటాయని చూడాలి. అప్పుడే లాభదాయకమైన నిర్ణయాలు తీసుకోగలరు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
రిటర్నులు..ఇవన్నీ తెలుసుకున్నాకే
నిర్దేశించిన పరిమితికి మించి ఆదాయం ఉన్నప్పుడు.. నిర్ణీత శ్లాబుల్లో పన్ను చెల్లించాలి. నిబంధనల మేరకు ఆదాయపు పన్ను రిటర్నులనూ సమర్పించాలి. అప్పుడే ఆదాయం చట్టబద్ధమైనదిగా గుర్తింపు పొందుతుంది. -
మ్యూచువల్ ఫండ్లు యూనిట్ల లెక్క చూసుకున్నారా?
దీర్ఘకాలిక ఆర్థిక లక్ష్యాలను సాధించేందుకు పెట్టుబడులు పెడుతుంటాం. ఇవన్నీ పూర్తిగా డిజిటల్లోనే ఉంటున్నాయి. -
ఇండెక్సేషన్ అంటే ఏంటి ? ఇది పన్ను భారాన్ని ఎలా తగ్గిస్తుంది?
Indexation: పెట్టుబడులు, కొనుగోలు ధరల విలువ ద్రవ్యోల్బణానికి అనుగుణంగా తరిగిపోకుండా సర్దుబాటు చేసే పద్ధతే ఇండెక్సేషన్. ఇది పన్ను భారాన్ని ఎలా తగ్గిస్తుందో చూద్దాం..! -
ప్రమాదంలో ఆర్థిక ధీమా
ప్రమాదం జరిగినప్పుడు గాయాలు అవడంతోపాటు, కొన్నిసార్లు శాశ్వత వైకల్యమూ సంభవిస్తుంది. ప్రమాద తీవ్రత అధికంగా ఉంటే మరణించే ఆస్కారమూ ఉంది. -
ఆరోగ్య బీమా.. టాపప్ చేస్తున్నారా?
వైద్య ద్రవ్యోల్బణం ఎప్పటికప్పుడు పెరుగుతోంది. దీన్ని తట్టుకోవాలంటే ఆరోగ్య బీమా పాలసీ తప్పనిసరిగా మారింది. మరోవైపు అధికంగా ఉన్న ప్రీమియం రేట్లు కలవరపెడుతున్నాయి. -
అత్యవసరంలో ఆదుకునేలా
అత్యవసరం ఎప్పుడు, ఏ రూపంలో వస్తుందో చెప్పలేం. ఈ పరిస్థితికి ఎల్లవేళలా సిద్ధంగా ఉండటమే మనం చేయాల్సిన పని. ముఖ్యంగా ఆర్థిక అత్యవసరాలు కొన్నిసార్లు మానసికంగా ఆందోళనను కలిగిస్తాయి. -
Mutual Funds: స్మాల్ క్యాప్ ఫండ్లపై రాబడులివే
స్మాల్ క్యాప్ ఫండ్లలో రిస్క్ ఉన్నప్పటికీ, దీర్ఘకాలంలో గణనీయమైన రాబడిని అందించగల సామర్థ్యాన్ని కలిగి ఉన్నాయి. ఈ ఫండ్లలో మంచి ఫలితాలను అందించిన కొన్నింటిని ఇక్కడ చూడొచ్చు. -
ఆదాయ పన్ను రిటర్నులు.. మీకు ఏ ఫారం వర్తిస్తుందో తెలుసా?
ITR: పొరపాటున తప్పు ఫారాన్ని ఎంచుకుంటే ఆదాయపు పన్ను శాఖ దానిని ‘డిఫెక్టివ్ రిటర్ను’గా పరిగణించే ప్రమాదం ఉంది. -
మ్యూచువల్ ఫండ్లు మీ ఎంపిక సరైనదేనా?
స్టాక్ మార్కెట్లు కొత్త గరిష్ఠాలను నమోదు చేస్తున్నాయి. ఈ క్రమంలో ఎంతోమంది మదుపరులు కొత్తగా మ్యూచువల్ ఫండ్లలో పెట్టుబడులు పెట్టేందుకు ఆసక్తి చూపిస్తున్నారు. -
ఇంటికి ఇద్దాం.. బీమా రక్ష
కలల ఇంటిని కష్టపడి నిర్మించుకుంటాం. ఇది మనకు అతి పెద్ద పెట్టుబడి. ఇల్లు, ఇంట్లో ఉండే మనం, వస్తువులు సురక్షితంగా ఉండేలా అన్ని భద్రతా చర్యలూ తీసుకుంటాం. -
50 షేర్లలో పెట్టుబడి..
ఆదిత్య బిర్లా సన్ లైఫ్ మ్యూచువల్ ఫండ్ కొత్తగా ఒక క్వాంట్ ఫండ్ను ఆవిష్కరించింది. ఆదిత్య బిర్లా సన్ లైఫ్ క్వాంట్ ఫండ్ అనే ఈ పథకం ఎన్ఎఫ్ఓ ఈ నెల 24 వరకూ అందుబాటులో ఉంటుంది. -
మిడ్ క్యాప్ ఫండ్లపై రాబడులు ఎంతెంత?
3, 5, 10 సంవత్సరాలలో అత్యుత్తమ పనితీరు కనబరిచిన మిడ్క్యాప్ మ్యూచువల్ ఫండ్ పథకాలు ఇక్కడ ఉన్నాయి. -
గృహ రుణ దరఖాస్తుదారులూ... ఈ విషయాలు తెలుసుకోండి..
చాలా మంది వ్యక్తులు హోమ్ లోన్ ద్వారా తమ సొంత ఇంటి కలను నెరవేర్చుకోవడానికి ప్రయత్నిస్తారు. ఈ రుణాన్ని తీసుకునే వారు ఏయే విషయాలను పరిగణనలోకి తీసుకోవాలో ఇక్కడ తెలుసుకుందాం. -
తెలుసుకుంటే.. ఆస్తి మీ వెంటే!
ఏ ఆస్తి అయినా కొనే ముందు మనం చూడాల్సిన మొట్ట మొదటి విషయం ఏంటంటే అమ్మే వారికి ఉన్న హక్కులు ఏంటని. ఇలాంటి విషయాల గురించి ఇప్పుడు తెలుసుకుందాం. -
ఐటీఆర్ ఫైలింగ్.. ఈ తప్పులు చేయొద్దు..!
ITR filing: ఆడిట్ అవసరం లేని వ్యక్తులు జులై 31 వరకూ ఆదాయపు పన్ను రిటర్నులు దాఖలు చేయాల్సి ఉంటుంది. లేదంటే జరిమానా చెల్లించాల్సి వస్తుంది. అలా అని తొందరపడి ఎలాంటి పొరపాట్లు చేయొద్దు. సాధారణంగా ఐటీఆర్ ఫైలింగ్ సమయంలో చేసే తప్పులేంటో చూద్దాం.. -
పదవీ విరమణ ప్రశాంతంగా సాగాలంటే
పదవీ విరమణ.. ఎన్నో ఏళ్ల ఉద్యోగ జీవితం తర్వాత విశ్రాంతంగా ఉండే సమయం. ఈ కాలంలో ఆర్థికపరమైన ఒత్తిడి లేకుండా ఉన్నప్పుడే ప్రశాంతంగా ఉండగలం. దీనికోసం ఆర్జిస్తున్న సమయంలోనే కచ్చితమైన ప్రణాళికలు వేసుకోవాలి -
ఇంటి రుణం తొందరగా తీర్చేద్దాం
సొంతిల్లు.. ఎంతో మంది కల. అత్యంత ఖరీదైన పెట్టుబడుల్లో ఒకటి. దీన్ని నిజం చేసుకునే క్రమంలో గృహరుణం చాలామందికి తప్పనిసరి. కొంత కాలంగా రెపో రేటు స్థిరంగా ఉన్నప్పటికీ, బ్యాంకులు గృహరుణ వడ్డీ రేటును సవరిస్తూ ఉన్నాయి. -
వివిధ లార్జ్ క్యాప్ ఫండ్లపై రాబడులివే..
3, 5, 10 సంవత్సరాల్లో అత్యుత్తమ పనితీరు కనబరిచిన లార్జ్ క్యాప్ మ్యూచువల్ ఫండ్ పథకాలు ఇక్కడ ఉన్నాయి. -
చిన్నారుల కలలు నిజం అయ్యేలా..
కొత్త విద్యా సంవత్సరం ప్రారంభం కానుంది. పిల్లలకు బడిలో చేరింది మొదలు.. ఉన్నత విద్య వరకూ అంతా డబ్బుతోనే ముడిపడి ఉంటుంది. ఆర్థికంగా ఇదొక సవాలు లాంటిదే. చిన్నారులు వృద్ధిలోకి రావడానికి తల్లిదండ్రులు నిరంతరం శ్రమిస్తూనే ఉంటారు. -
మ్యూచువల్ ఫండ్లు మదుపు మార్గంలో వైవిధ్యంగా
కష్టపడి సంపాదించిన సొమ్మును స్టాక్ మార్కెట్లో మదుపు చేయాలనుకుంటున్నారా? నేరుగా షేర్లు కొనడం అందరికీ సాధ్యం కాకపోవచ్చు.