Hero MotoCorp: హీరో మోటోకార్ప్‌ వాహన ధరలు పెంపు.. 1 నుంచి కొత్త ధరలు

Hero MotoCorp | దిల్లీ: ప్రముఖ ద్విచక్ర వాహన తయారీ సంస్థ హీరో మోటోకార్ప్‌ (Hero MotoCorp) తన వాహనాల ధరలను (Price hike) పెంచనుంది. ఎంపిక చేసిన మోటార్‌ సైకిళ్లు, స్కూటర్ల ధరలు పెంచుతున్నట్లు హీరో మోటోకార్ప్‌ సోమవారం తెలిపింది. గరిష్ఠంగా రూ.1500 వరకు ఈ పెంపు చేపడుతున్నట్లు పేర్కొంది. జులై 1 నుంచి పెరిగిన ధరలు అమల్లోకి రానున్నట్లు వెల్లడించింది.

ఉత్పత్తి వ్యయం పెరిగినందునే ధరలు పెంచాల్సి వచ్చిందని హీరో ఓ ప్రకటనలో తెలిపింది. మోడల్‌ను బట్టి, మార్కెట్‌ను బట్టి ఈ పెంపు ఉంటుందని తెలిపింది. హీరో సంస్థ స్ప్లెండర్‌, హెచ్‌ఎఫ్‌ డీలక్స్‌, గ్లామర్‌ వంటి మోటార్‌ సైకిళ్లతో పాటు జూమ్‌, డెస్టినీ 125 ఎక్స్‌టెక్‌ వంటి స్కూటర్లను విక్రయిస్తోంది. హీరో మోటోకార్ప్ షేరు స్వల్ప లాభంతో రూ.5,477 వద్ద ట్రేడవుతోంది.