ఎంఎస్‌ఎంఈ సంస్థలకు యాక్సిస్‌ బ్యాంకు ప్రత్యేక సదుపాయాలు
అంతర్జాతీయ ఎంఎస్‌ఎంఈ దినోత్సవాన్ని పురస్కరించుకొని యాక్సిస్‌ బ్యాంకు పలు ఆఫర్లు ప్రకటించింది.
ఈనాడు, హైదరాబాద్: అంతర్జాతీయ ఎంఎస్‌ఎంఈ దినోత్సవాన్ని పురస్కరించుకొని యాక్సిస్‌ బ్యాంకు పలు ఆఫర్లు ప్రకటించింది. సూక్ష్మ, చిన్న, మధ్యతరహా సంస్థలు (ఎంఎస్‌ఎంఈ) తమ వ్యయాలను తగ్గించుకునేందుకు, సులువుగా నిధులు పొందేందుకు, బ్యాంకింగ్‌ లావాదేవీలను వేగంగా నిర్వహించేందుకు ఈ ఆఫర్లు వీలుకల్పిస్తాయి. అంతేగాకుండా ఎంఎస్‌ఎంఈ వినియోగదార్లకు ప్రాసెసింగ్‌ ఫీజులో 50 శాతం రాయితీపై సెక్యూర్డ్‌ వర్కింగ్‌ క్యాపిటల్, ఈఎంఐ ఆధారిత సెక్యూరిటీ లేని రుణాలు మంజూరు చేసే సదుపాయాలను అందుబాటులోకి తీసుకువచ్చింది. దేశ ఆర్థిక వ్యవస్థలో ఎంఎస్‌ఎంఈ సంస్థలు ఎంతో క్రియాశీలకమైన పాత్ర పోషిస్తున్నట్లు, అందువల్ల ఈ రంగాన్ని ప్రోత్సహించేందుకు తాము కట్టుబడి ఉన్నట్లు యాక్సిస్‌ బ్యాంకు అధ్యక్షురాలు అర్నికా దీక్షిత్‌ తెలిపారు. ఈ ఏడాది మార్చి 31 నాటికి ఎంఎస్‌ఎంఈ రుణాల్లో యాక్సిస్‌ బ్యాంకుకు 8.4 శాతం వాటా ఉంది. ఈ రంగానికి తాము మంజూరు చేసే రుణాలు ఏటా 17 శాతం పెరుగుతున్నట్లు ఆమె వివరించారు. అంతర్జాతీయ ఎంఎస్‌ఎంఈ దినోత్సవం సందర్భంగా హైదరాబాద్, వరంగల్, కరీంనగర్, ఖమ్మం... తదితర నగరాల్లోని 350 మందికి పైగా ఎంఎస్‌ఎంఈ వినియోగదార్లను యాక్సిస్‌ బ్యాంకు సత్కరించింది. తమ శాఖల్లో ఈ వేడుకలు ఘనంగా నిర్వహించినట్లు యాక్సిస్‌ బ్యాంకు వివరించింది.
Trending
గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
భారతీయ వివాహ వైభోగమే!
భారతీయ వివాహ పరిశ్రమ పరిమాణం సుమారు రూ.10 లక్షల కోట్లు (130 బిలియన్ డాలర్లు)గా ఉందని బ్రోకరేజీ జెఫ్రీస్ నివేదిక పేర్కొంది. -
పరిమిత శ్రేణిలోనే ట్రేడింగ్
స్టాక్ మార్కెట్లు ఈ వారం చాలా తక్కువ శ్రేణిలోనే కదలాడొచ్చని విశ్లేషకులు అంటున్నారు. ఎటువంటి ప్రధాన వార్తలూ లేకపోవడానికి తోడు, కొద్ది రోజుల ర్యాలీతో షేర్ల ధరలు అధిక స్థాయిలకు చేరడం ఇందుకు కారణంగా నిలవవచ్చని చెబుతున్నారు. -
3 ఐపీఓలు.. రూ.2,700 కోట్ల సమీకరణ లక్ష్యం
నిధుల సమీకరణ కోసం ఈ వారం రెండు మెయిన్ బోర్డ్ ఐపీఓలు, ఒక ఎస్ఎంఈ ఐపీఓ రాబోతున్నాయి. మొత్తం రూ.2,700 కోట్ల సమీకరణ లక్ష్యంతో ఇవి వస్తున్నాయి. -
పత్తి సానుకూలమే!
పసిడి ఆగస్టు కాంట్రాక్టు ఈవారం సానుకూల ధోరణిలో చలిస్తే రూ.72,044 వద్ద నిరోధం ఎదురయ్యే అవకాశం ఉంది. -
77400- 78000 పాయింట్ల శ్రేణి కీలకం!
దేశీయ గణాంకాలు, అంతర్జాతీయ సంకేతాల మద్దతుతో గత వారం మార్కెట్లు జీవనకాల తాజా గరిష్ఠాలను అధిరోహించాయి. ఎఫ్ఐఐ, డీఐఐ కొనుగోళ్లు ఇందుకు అండగా నిలిచాయి. -
లిక్విడేషన్ ప్రక్రియ పర్యవేక్షణకు ఎలక్ట్రానిక్ ఫామ్లు: ఐబీబీఐ
దివాలా పరిష్కార వృత్తి నిపుణులకు నిబంధనల భారం సులభతరం చేసేందుకు, లిక్విడేషన్ ప్రక్రియను ప్రభావవంతంగా పూర్తి చేసేందుకు వీలుగా దివాలా స్మృతి (ఐబీసీ) కింద ఎలక్ట్రానిక్ ఫామ్లను ఇన్సాల్వెన్సీ అండ్ బ్యాంక్రప్టసీ బోర్డ్ ఆఫ్ ఇండియా (ఐబీబీఐ) తీసుకొచ్చింది. -
సంక్షిప్త వార్తలు
భారత సైన్యం చేతికి తొలిసారిగా దేశీయ పరిజ్ఞానంతో తయారు చేసిన చిప్ ఆధారిత 4జీ మొబైల్ బేస్ స్టేషన్ చేరింది. బెంగళూరు సంస్థ సిగ్నల్ట్రాన్ ఈ 4జీ బేస్ స్టేషన్ను భారత సైన్యానికి అందించింది. -
భారత్లో చదువు కంటే వివాహాలపైనే ఖర్చెక్కువ: జెఫరీస్
Indian Weddings: భారత్లో వివాహాల సమయంలో జరిగే ఆడంబరాల గురించి జెఫరీస్ నివేదిక కీలక విషయాలు వెల్లడించింది. చేసే ఖర్చు, వివిధ రంగాలకు లభించే గిరాకీ గురించి ప్రస్తావించింది.
Powered By Margadarsi Computers
Contents of eenadu.net are copyright protected.Copy and/or reproduction and/or re-use of contents
or any part thereof, without consent of UEPL is illegal.Such persons will be prosecuted.
This website follows the DNPA Code of Ethics.
