సీఎంఎఫ్‌ బ్రాండ్‌ అంబాసిడర్‌గా రష్మిక

Nothing: ప్రముఖ టెక్‌ కంపెనీ నథింగ్ తన సబ్ బ్రాండ్ సీఎంఎఫ్‌ (CMF)కు సినీనటి  రష్మిక (Rashmika mandanna)ను  ప్రచారకర్తగా ఎంపిక చేశారు. ఈ విషయాన్ని నథింగ్‌ ఓ ప్రకటనలో తెలిపింది. రష్మికను సీఎంఎఫ్‌ బ్రాండ్‌ అంబాసిడర్‌గా నియమించడం పట్ల నథింగ్‌ ఇండియా ప్రెసిడెంట్ విశాల్‌ భోలా ఆనందం వ్యక్తం చేశారు. వినియోగదారులకు అవసరమైన పరికరాలను రూపొందించడంలో సీఎంఫ్‌ ముందుంటుందని తెలిపారు. 

ప్రధాన బ్యాంకుల్లో ఫిక్స్‌డ్‌ డిపాజిట్‌ వడ్డీ రేట్లు ఇవే..

సీఎంఎఫ్‌కు బ్రాండ్‌ అంబాసిడర్‌గా తనను నియమించడంపై రష్మిక సంతోషం వ్యక్తం చేశారు. కంపెనీ ప్రత్యేకమైన ఉత్పత్తులు, రంగులు ఆకర్షించాయని తెలిపారు. ప్రముఖ టెక్‌ సంస్థతో కలసి పనిచేయడానికి ఉత్సాహంగా ఉన్నట్లు పేర్కొన్నారు. మరోవైపు సీఎంఎఫ్‌ ఫోన్‌1 డిజైన్‌ను ఆవిష్కరించింది. ఈ మొబైల్‌ నలుపు, ఆరెంజ్‌, లైట్‌ గ్రీన్‌, బ్లూ రంగుల్లో లభిస్తుందని తెలిపింది. వాచ్‌ ప్రో2, బడ్స్‌ ప్రో 2తో పాటు సీఎంఎఫ్‌ ఫోన్‌1 ను జులై8న లాంచ్‌ చేసేందుకు కంపెనీ సిద్ధమవుతోంది.