Nellore: జగన్‌ పర్యటనలో దొంగల హల్‌చల్‌

సెల్‌ఫోన్లు దొంగిలించాడని యువకుడిని కొడుతున్న వైకాపా కార్యకర్తలు

నెల్లూరు(నగరపాలకసంస్థ), న్యూస్‌టుడే: మాజీ సీఎం జగన్‌ పర్యటనలో దొంగలు చేతివాటం ప్రదర్శించారు. గురువారం నెల్లూరులోని సెంట్రల్‌ జైలు వద్దకు రాగా.. ఆయన్ను చూసేందుకు వైకాపా కార్యకర్తలు పెద్దఎత్తున గుమిగూడారు. ఈ సందర్భంగా తోపులాట చోటు చేసుకుంది. ఇదే సమయంలో దొంగలు చేతులకు పని చెప్పారు. వెంకటాచలం మండలానికి చెందిన ఓ వైకాపా నాయకుడి జేబు నుంచి రూ.5వేలు కొట్టేశారు. అలాగే 13 సెల్‌ఫోన్లను దొంగతనం చేశారు. ఓ దొంగను వైకాపా నేతలు పట్టుకుని చితకబాదారు.