అన్నవరం వేదపాఠశాల విద్యార్థులకు అతిసారం

కాకినాడలో చికిత్స పొందుతున్న విద్యార్థినిని పరామర్శిస్తున్న డీఎంహెచ్‌వో నరసింహనాయక్‌

అన్నవరం, న్యూస్‌టుడే: కాకినాడ జిల్లా అన్నవరం దేవస్థానం స్మార్త ఆగమ పాఠశాల విద్యార్థులు బుధవారం అతిసారం బారినపడ్డారు. వాంతులు, విరేచనాలతో అస్వస్థతకు గురైన ఎనిమిది మందికి దేవస్థానం సిబ్బంది వైద్యసేవలు అందించారు. తాగునీటి నమూనాలు సేకరించి పరీక్షలకు పంపించారు.

కాకినాడలో విదేశీ విద్యార్థినులకు అస్వస్థత

కాకినాడ (మసీదుసెంటర్‌), న్యూస్‌టుడే: కాకినాడలో పలువురు విదేశీ విద్యార్థినులు అతిసారం బారినపడ్డారు. జింబాబ్వే, నైజీరియాకు చెందిన వీరంతా గండేపల్లి మండల పరిధిలోని ఓ కళాశాలలో బి.ఫార్మసీ చదువుతున్నారు. కాకినాడలోని వసతి గృహంలో ఉంటున్న వీరికి మంగళవారం రాత్రి నుంచి వాంతులు, విరేచనాలు మొదలయ్యాయి. వీరిలో ఏడుగురుని స్థానిక ప్రైవేటు ఆసుపత్రిలో చేర్పించి చికిత్స అందిస్తున్నారు. మరికొందరు ప్రాథమిక చికిత్స తీసుకుని వెళ్లిపోయారు.