Sainik School Key: సైనిక పాఠశాలల ప్రవేశ పరీక్ష ఆన్షర్‌ కీ విడుదల

ఇంటర్నెట్ డెస్క్‌:  సైనిక పాఠశాలల్లో ప్రవేశాల కోసం నిర్వహించిన పరీక్ష కీ విడుదలైంది. దేశ వ్యాప్తంగా జనవరి 28న ప్రవేశ పరీక్ష నిర్వహించగా.. తాజాగా ప్రాథమిక కీని అందుబాటులోకి తీసుకొచ్చారు. ఈ పరీక్ష రాసిన విద్యార్థుల అప్లికేషన్‌ నంబర్‌, పుట్టిన తేదీ, సెక్యూరిటీ పిన్‌ను ఎంటర్‌ చేయడం ద్వారా కీని పొందొచ్చు. ఈ కీపై ఫిబ్రవరి 27 సాయంత్రం 5.30 గంటల వరకు అభ్యంతరాలు తెలిపేందుకు వీలు కల్పించారు. ఛాలెంజ్‌ చేసేందుకు ఒక్కో ప్రశ్నకు రూ.200 (నాన్‌ రిఫండ్‌) చెల్లించాల్సి ఉంటుంది.

రక్షణ మంత్రిత్వ శాఖ పరిధిలోని 33 సైనిక స్కూళ్లలో 2024-2025 విద్యా సంవత్సరానికి సంబంధించి 6, 9వ తరగతి ప్రవేశాల కోసం కేంద్ర ప్రభుత్వం అఖిల భారత సైనిక పాఠశాలల ప్రవేశ పరీక్ష(AISSEE -2024) నోటిఫికేషన్ విడుదల చేసిన విషయం తెలిసిందే. దీని కోసం నిర్వహించే ప్రవేశ పరీక్షను సైనిక్ స్కూల్ సొసైటీ నిబంధనల ప్రకారం నేషనల్ టెస్టింగ్ ఏజెన్సీ(ఎన్టీఏ) నిర్వహిస్తోంది.

ప్రాథమిక కీ కోసం క్లిక్‌ చేయండి