IIT Madras: ఐఐటీ మద్రాస్‌ ‘సమ్మర్‌ ఫెలోషిప్‌’ ప్రోగ్రామ్‌.. స్టైఫండ్‌ ఎంతంటే?

చెన్నై: ఈ వేసవిలో తమ నైపుణ్యాలు పెంచుకొనే అవకాశాల కోసం చూస్తున్న విద్యార్థులకు గుడ్‌న్యూస్‌. వేసవిలో చేపట్టనున్న ఫెలోషిప్‌ ప్రోగ్రామ్‌ కోసం ఔత్సాహిక విద్యార్థుల నుంచి ఐఐటీ మద్రాస్‌ దరఖాస్తులు ఆహ్వానిస్తోంది. ఆసక్తి గల అర్హులైన అభ్యర్థులు తమ వెబ్‌సైట్‌ https://sfp.iitm.ac.in/లో మార్చి 31 సాయంత్రం 5గంటల వరకు దరఖాస్తు చేసుకోవచ్చని IITM తెలిపింది. రెండు మాసాల పాటు జరిగే ఈ సమ్మర్‌ ఫెలోషిప్ ప్రోగ్రామ్‌ మే 22న ప్రారంభమై జులై 21తో ముగియనుంది. అయితే, విద్యార్థుల సౌకర్యాన్ని దృష్టిలో ఉంచుకొని ఈ షెడ్యూల్‌లో మార్పులు చేసే అవకాశం ఉంటుంది. దీనికి ఎంపికైన అభ్యర్థులకు నెలకు రూ.6వేలు చొప్పున గరిష్ఠంగా రెండు నెలల పాటు స్టైఫండ్‌ ఇవ్వనున్నారు. ఐఐటీ విద్యార్థులు ఈ దరఖాస్తులకు అనర్హులు.

అర్హులు వీరే..

బీఈ/బీటెక్‌/బీఎస్సీ (ఇంజినీరింగ్‌) మూడో సంవత్సరం లేదా ఇంటిగ్రేటెడ్‌ ఎంఈ/ఎంటెక్‌ ప్రోగ్రామ్‌లలో మూడు/ నాలుగో సంవత్సరం చదువుతున్నవారితో పాటు మంచి అకడమిక్‌ రికార్డు కలిగిన ఎంఈ/ఎంటెక్‌/ఎమ్మెస్సీ/ఎంఏ/ఎంబీఏ మొదటి సంవత్సరం చదువుతున్నవారు దరఖాస్తు చేసుకోవచ్చని పేర్కొంది. 
ఈ వేసవి ఫెలోషిప్‌లో పాల్గొనే ఇంజినీరింగ్‌ విభాగాలు ఇవే..

• ఏరోస్పేస్‌ ఇంజినీరింగ్‌
• అప్లైడ్‌ మెకానిక్స్‌ అండ్‌ బయో మెడికల్‌ ఇంజినీరింగ్‌
• బయో టెక్నాలజీ
• కెమికల్‌ ఇంజినీరింగ్‌
• సివిల్‌ ఇంజినీరింగ్‌
• కంప్యూటర్‌ సైన్స్‌ అండ్‌ ఇంజినీరింగ్‌
• ఇంజినీరింగ్‌ డిజైన్‌
• ఎలక్ట్రికల్‌ ఇంజినీరింగ్‌
• మెకానికల్‌ ఇంజినీరింగ్‌
• మెడికల్‌ సైన్స్‌ అండ్‌ టెక్నాలజీ
• మెటలర్జికల్ అండ్‌ మెటీరియల్స్ ఇంజినీరింగ్
• ఓషన్ ఇంజినీరింగ్
• సైన్స్‌ విభాగంలో పిజిక్స్‌, కెమిస్ట్రీ, మ్యాథమెటిక్స్‌
• హ్యుమానిటీస్‌ అండ్‌ సోషల్‌ సైన్సెస్‌
• మేనేజ్‌మెంట్‌ స్టడీస్‌