ఆదిమ సమాజం ఆచరణలో సమజీవనం!

జనరల్‌ స్టడీస్‌ చరిత్ర

చరిత్ర అధ్యయనంలో తొలి దశ ఆదిమానవుడి గురించి తెలుసుకోవడంతో మొదలవుతుంది. నాగరికత ఆవిర్భవానికి పూర్వం శిలాయుగంలో జీవనవిధానం, ఆహార సేకరణ తీరు, వేటకు వాడిన రాతి పనిముట్లు, నిప్పుతో పొందిన ప్రయోజనాలు, తీరిక వేళల్లో వేసిన చిత్రాలు తదితరాలన్నీ ఆసక్తికర అంశాలే. సంచార జీవనం నుంచి స్థిర నివాసిగా మారే క్రమంలో జరిగిన మార్పులు, పండించిన పంటలు, మచ్చిక చేసుకున్న జంతువులు, ఆ పరిణామాలకు కేంద్రాలుగా ఉన్న ప్రదేశాల గురించి పరీక్షార్థులు తెలుసుకోవాలి.  తెలుగు రాష్ట్రాల్లో ఆదిమానవుడి ఆనవాళ్లు వెలుగు చూసిన ప్రాంతాలతోపాటు నేటి అటవీ జాతులు, ప్రధాన గిరిజన సమూహాలు, వారు పాటిస్తున్న ఆచార వ్యవహారాలు, పాలనా నియమాలపై అవగాహన కలిగి ఉండాలి.