కరెంట్‌ అఫైర్స్‌

మాదిరి ప్రశ్నలు

• దేశంలో 2017-18లో 92 కోట్లుగా నమోదైన యూపీఐ (యూనిఫైడ్‌ పేమెంట్స్‌ ఇంటర్‌ ఫేస్‌-ఏకీకృత చెల్లింపుల వ్యవస్థ) లావాదేవీల సంఖ్య 2023-24 చివరికి ఎంత మొత్తానికి చేరుకున్నట్లు అధికారిక గణాంకాలు వెల్లడించాయి? (విశ్వవ్యాప్త డిజిటల్‌ లావాదేవీల్లో 46 శాతం వాటా భారత్‌దేనని వెల్లడైంది. యూపీఐ లావాదేవీల్లో 86 శాతం వరకు ఫోన్‌ పే, గూగుల్‌ పే పద్దుల్లోనే నమోదయ్యాయి.)

జ: 13,100 కోట్లు

అంతర్జాతీయ కుటుంబాల దినోత్సవాన్ని ఏటా ఏ రోజున నిర్వహిస్తారు? (ఏ సమాజంలోనైనా ప్రాథమిక వ్యవస్థ కుటుంబమే. అందుకే, ప్రపంచవ్యాప్తంగా కుటుంబాలను ప్రభావితం చేస్తున్న అంశాల పట్ల అందరికీ అవగాహన పెంపొందించే లక్ష్యంతో ఐరాస సర్వ ప్రతినిధి సభ 1993లో ఈ తేదీని అంతర్జాతీయ కుటుంబాల దినోత్సవంగా ప్రకటించింది. ‘కుటుంబాలు - వాతావరణ మార్పులు’ అనేది ఈ ఏడాది ఈ దినోత్సవ నినాదం.)

జ: మే 15

విద్యార్థులను ఎలాంటి ఒత్తిళ్లకు గురి చేయకుండా, చదువుల పట్ల ఆసక్తి కలిగించే ‘యుతోరీ’ విద్యా విధానాన్ని చేపట్టిన ఏ దేశం విద్యారంగంలో అపూర్వ ఫలితాలను సాధిస్తోంది? (‘నేను విన్నది మరచిపోతాను.. నేను చూసింది గుర్తుంచుకుంటాను.. నేను చేసేదానిపై అవగాహన పెంచుకుంటాను’ అనే సూత్రం ఈ దేశ విద్యా విధానానికి వెన్నెముక. ఆచరణ ద్వారా అభ్యసనం అనే ఈ సూత్రం ఈ దేశంలో ప్రాజెక్టు ఆధారిత అభ్యసన (పీబీఎల్‌)కు పునాది వేసింది.)

జ: జపాన్‌