కరెంట్‌ అఫైర్స్‌

మాదిరి ప్రశ్నలు

టీ20 ప్రపంచ కప్‌ - 2024, బ్రాండ్‌ అంబాసిడర్‌ ఎవరు? (2024, జూన్‌ 1 నుంచి 29 వరకు వెస్టిండీస్, అమెరికాలో ఈ టోర్నీ జరుగుతున్న నేపథ్యంలో వెస్టిండీస్‌ జట్టులో భాగమైన జమైకా దేశ క్రీడాకారుడిని అంతర్జాతీయ క్రికెట్‌ మండలి (ఐసీసీ) ఈ టోర్నీ బ్రాండ్‌  అంబాసిడర్‌గా ఎంపిక చేసింది. కొన్నేళ్ల కిందటే ఆటకు వీడ్కోలు పలికిన ఈ ఫాస్టెస్ట్‌ స్ప్రింటర్‌ పేరిట ప్రస్తుతం 100, 200 మీటర్ల ప్రపంచ రికార్డులున్నాయి. తాజా టోర్నీలో మొత్తం 20 జట్లు పోటీ పడుతున్నాయి.)

జ: ఉసేన్‌ బోల్ట్‌

దేశంలోనే అత్యంత తేలికపాటి తూటా రక్షణ కవచాన్ని డీఆర్‌డీవోకు చెందిన డీఎంఎస్‌ఆర్‌డీఈ (డిఫెన్స్‌ మెటీరియల్స్‌ అండ్‌ స్టోర్స్‌ రిసెర్చ్‌ అండ్‌ డెవలప్‌మెంట్‌ ఎస్టాబ్లిష్‌మెంట్‌) ఇటీవల అభివృద్ధి చేసింది. ఇది ఏ నగరంలో ఉంది? (ఈ తూటా రక్షణ కవచం అత్యధిక స్థాయి ‘లెవల్‌ 6’ ముప్పు నుంచి కూడా రక్షణ కల్పిస్తుందని సంస్థ వెల్లడించింది. దీన్ని  మోనోలిథిన్‌ సిరామిక్‌ ప్లేటు, పాలిమర్‌తో తయారు చేసినట్లు పేర్కొంది. ఇది         7.62 × 54 ఆర్‌ఏపీఐ తూటాలను నిలువరిస్తుందని  శాస్త్రవేత్తలు వెల్లడించారు.)

జ: కాన్పుర్‌

రామకృష్ణ మఠం, రామకృష్ణ మిషన్‌ నూతన అధ్యక్షుడిగా ఇటీవల ఎవరు ఎన్నికయ్యారు? (ఇటీవల కోల్‌కతాలో మరణించిన మఠం అధ్యక్షుడు స్వామి స్మరణానందాజీ మహారాజ్‌ వారసుడిగా ఈ 95 ఏళ్ల స్వామి బాధ్యతలు చేపట్టారు. ఈయన రామకృష్ణ మఠం, రామకృష్ణ మిషన్‌ల 17వ అధ్యక్షుడిగా వార్తల్లో నిలిచారు.)

జ: స్వామి గౌతమానంద్‌ జీ మహారాజ్‌

భారత్‌ ఎకానమీ ప్రస్తుత 2024-25 ఆర్థిక సంవత్సరంలో ఎంత శాతం వృద్ధిని నమోదు చేస్తుందని డెలాయిట్‌ ఇండియా సంస్థ ఇటీవల అంచనా వేసింది?

జ: 6.6 శాతం