AP TET 2024: ఏపీ టెట్‌ షెడ్యూల్‌ విడుదల.. సిలబస్‌ ఇదే..

అమరావతి: ఏపీలో 16వేలకు పైగా టీచర్‌ ఉద్యోగాల భర్తీకి మెగా డీఎస్సీ నిర్వహించనున్న తరుణంలో ఉపాధ్యాయ అర్హత పరీక్ష (టెట్‌)కు షెడ్యూల్‌ విడుదలైంది. ఆగస్టు 5 నుంచి 20వ తేదీవరకు టెట్‌ పరీక్షలు జరగనున్నాయి. ఈ మేరకు పాఠశాల విద్యాశాఖ అధికారులు సోమవారం రాత్రి టెట్‌ షెడ్యూల్‌ను విడుదల చేశారు. ఆన్‌లైన్‌ విధానంలో జరగనున్న ఈ పరీక్షలకు సంబంధించిన పూర్తి వివరాలను cse.ap.gov.in వెబ్‌సైట్‌లో తెలుసుకోవచ్చని సూచించారు. మరోవైపు, మెగా డీఎస్సీకి వచ్చే వారం ప్రత్యేక ప్రకటన విడుదల చేయనున్నారు. డీఎస్సీలో టెట్‌కు 20శాతం వెయిటేజీ ఉన్న విషయం తెలిసిందే.

టెట్ షెడ్యూల్‌ ఇదే..

• టెట్‌ నోటిఫికేషన్‌: జులై 2న
• ఫీజు చెల్లింపు: జులై 3 నుంచి 16వరకు
• ఆన్‌లైన్‌ దరఖాస్తులు: జులై 4 నుంచి 17వరకు
• జులై 16 నుంచి ఆన్‌లైన్‌ మాక్‌ టెస్టు అందుబాటులోకి
• హాల్‌టికెట్ల డౌన్‌లోడ్‌: జులై 25 నుంచి
• పరీక్షలు: ఆగస్టు 5 నుంచి 20వరకు (రెండు సెషన్లలో)
• ప్రొవిజినల్‌ కీ : ఆగస్టు 10
• ప్రాథమిక కీపై అభ్యంతరాల స్వీకరణ: ఆగస్టు 11 నుంచి 21వరకు
• తుది కీ విడుదల: ఆగస్టు 25
• ఫలితాలు విడుదల: ఆగస్టు 30

టెట్‌ సిలబస్‌ కోసం క్లిక్‌ చేయండి