Breaking | Feedback | ePratibha | E-PAPER | Pratibha

Iswarya Menon: ‘స్పై’ బ్యూటీ.. ఇప్పుడు ‘బ్యూటిషియన్‌’గా

‘స్పై’లో ఏజెంట్‌ పాత్రలో నటించి మెప్పించిన కోలీవుడ్‌ బ్యూటీ ఐశ్వర్యా మేనన్‌ (Iswarya Menon). ‘భజే వాయు వేగం’ (Bhaje Vaayu Vegam)తో మరోసారి తెలుగు ప్రేక్షకులను పలకరించేందుకు సిద్ధమైంది. కార్తికేయ గుమ్మకొండ (Kartikeya Gummakonda) హీరోగా తెరకెక్కిన ఈ సినిమా ఈ నెల 31న విడుదల కానుంది. ఈ నేపథ్యంలో ఐశ్వర్య గురించి కొన్ని సంగతులు..

Updated : 30 May 2024 19:56 IST

1/15

ఈరోడ్‌ (తమిళనాడు)కు చెందిన ఈమె విద్యార్థి దశలో సాంస్కృతిక కార్యక్రమాల్లో ప్రదర్శనలు ఇచ్చేది. భరతనాట్యంలో ప్రావీణ్యం పొందింది.

2/15

అలా ఈ భామకు చదువుకునే రోజుల్లోనే సినీ అవకాశాలు వస్తే అప్పుడు తిరస్కరించింది.

3/15

ఇంజినీరింగ్‌ పూర్తిచేశాక కొన్నాళ్లు ఓ ఐటీ కంపెనీలో పనిచేసింది. ఆ ఉద్యోగం సంతృప్తినివ్వకపోవడంతో.. ఇండస్ట్రీలోకి రావాలని ప్రయత్నాలు మొదలుపెట్టింది.

4/15

ఆ క్రమంలోనే ‘కాదలిల్‌ సోదప్పువదు యెప్పడి’ (2012) తమిళ సినిమాలో చిన్న అవకాశం దక్కించుకుంది. అదే తెలుగులో ‘లవ్‌ ఫెయిల్యూర్‌’ పేరుతో విడుదైంది. సిద్ధార్థ్‌, అమలాపాల్ హీరోహీరోయిన్లు.

5/15

ఆ తర్వాత, ‘యాపిల్‌ పెన్నే’, ‘సమ్‌థింగ్‌ సమ్‌థింగ్‌’, ‘నమో భూతాత్మ’, ‘మాన్‌సూన్‌ మ్యాంగోస్‌’.. ఇలా తమిళ్‌, తెలుగు, కన్నడ, మలయాళ చిత్రాల్లో విభిన్న పాత్రలు పోషించింది. ‘తమిళ్‌ రాకర్స్‌’ వెబ్‌సిరీస్‌లోనూ మెరిసింది.

6/15

గతేడాది విడుదలైన ‘స్పై’తో హీరోయిన్‌గా టాలీవుడ్‌లోకి ఎంట్రీ ఇచ్చింది. ఏజెంట్‌ వైష్ణవిగా ఆమె నటన మెప్పించినా.. సినిమా అలరించలేకపోయింది.

7/15

తెలుగులో ఆమె సైన్‌ చేసిన తొలి చిత్రం ‘భజే వాయు వేగం’ కాగా.. రెండో సినిమా ‘స్పై’ ముందుగా విడుదలైంది.

8/15

కొత్త సినిమాలో బ్యూటిషియన్‌ ఇందుగా కనిపించనుంది. ‘స్వతహాగా నాకు మన సంప్రదాయం ఉట్టిపడే దుస్తుల్ని ధరించడానికే ఇష్టపడతా. ఇందుగా అలానే కనిపిస్తా’ అని ఓ సందర్భంలో చెప్పింది.

9/15

‘కమర్షియల్‌ హీరోయిన్‌ అనే పేరు తెచ్చుకోవడం ముఖ్యమే. అదే సమయంలో నటనకి ప్రాధాన్యమున్న పాత్రలూ చేయాలనేది నా ఆలోచన. ఆడిపాడేందుకే అన్నట్టుగా అలా వచ్చి ఇలా వెళ్లిపోయే తరహా పాత్రల కంటే, కథలో ప్రాధాన్యం ఉండే పాత్రలంటేనే ఇష్టం’ అని తెలిపింది.

10/15