Breaking | Feedback | ePratibha | E-PAPER | Pratibha

News in pics: చిత్రం చెప్పే విశేషాలు (01-07-2024)

నిత్యం మన చుట్టూ ఎన్నో సంఘటనలు జరుగుతూ ఉంటాయి. అందులోని కొన్ని ఆసక్తికరమైనవి మీకోసం..

Updated : 01 Jul 2024 12:37 IST

1/12

కరీంనగర్‌లోని ఎన్టీఆర్ విగ్రహం వద్ద పార్టీ కార్యకర్తలతో మాట్లాడుతున్న మాజీ మంత్రి కేటీఆర్‌

2/12

జగిత్యాలకు వెళుతున్న మాజీ మంత్రి కేటీఆర్‌కు కరీంనగర్‌లోని ఎన్టీఆర్ విగ్రహం వద్ద స్వాగతం పలికిన నగర భారాస అధ్యక్షుడు రవిశంకర్, కార్పొరేటర్లు తదితరులు

3/12

ములుగు జిల్లా వాజేడు మండలంలోని బొగత జలపాతం పొంగిపొర్లుతోంది. కురుస్తున్న వర్షాలకు జలపాతం ఉద్ధృతంగా ప్రవహిస్తోంది. దీంతో జలపాతం అందాలను చూసేందుకు పర్యాటకులు భారీగా తరలి వస్తున్నారు.

4/12

చుట్టూ నీరు.. మధ్యలో భూభాగం ఉంటే ద్వీపం అనడం సహజం. ఇలాంటి దృశ్యాలు నదులు, సముద్రాలు, సరస్సుల్లో కనిపిస్తుంటాయి. నాగార్జునసాగర్‌ ప్రాజెక్టు జలమట్టం తగ్గిపోవడంతో నల్గొండ జిల్లా చందంపేట మండలంలోని నల్లమల అడవులను ఆవరించి ఉన్న కృష్ణా వెనుక జలాల్లో ఇలా ఓ ద్వీపం తేలింది.

5/12

గుంటూరు: తాడేపల్లిలోని కొండ మంచు కమ్ముకొని ఆదివారం ఇలా హిమగిరిలా కనిపించింది. ఆ ప్రకృతి రమణీయత జాతీయ రహదారి వెంట వెళుతున్న వారికి కనువిందు చేసింది.

6/12

ఆదిలాబాద్‌: ఎగువన మహారాష్ట్రలో కురుస్తున్న వర్షాలతో వేమనపల్లి సమీపంలోని ప్రాణహిత నదిలో నీటి ప్రవాహం కొంతమేరకు పెరిగింది. వేసవిలో ఎండిపోయినట్లుగా కనిపించిన నదికి ఈ వర్షాకాలంలో తొలిసారి జలకళ కనిపించింది.

7/12

తమిళనాడు: కొడైకెనాల్‌లో ఆదివారం ఆహ్లాదకరమైన వాతావరణం నెలకొంది. ఆదివారం తెల్లవారుజామున పొగమంచుతో తర్వాత తేలికపాటి జల్లులతో, సాయంత్రం మళ్లీ పొగమంచుతో ఆదివారం అధిక సంఖ్యలో వచ్చిన పర్యాటకులకు కనువిందు చేసింది.

8/12

విశాఖపట్నం: తాండవ నదిలో జలకళ ఉట్టిపడుతోంది. నాలుగు రోజులుగా కురుస్తున్న వర్షాలతో తాండవలోకి నీరు చేరుతోంది. దీంతో భూమి, ముఠా ఆనకట్టల వద్ద జలాలు కనువిందు చేస్తున్నాయి.

9/12

హైదరాబాద్‌: నగరంలో ఆదివారం సాయంత్రం మల్కాజిగిరి, శేరిలింగంపల్లి, కూకట్‌పల్లి, ఎల్బీనగర్‌ ప్రాంతాల్లో వర్షం కురిసింది. ఖైరతాబాద్‌లో జోరువానలో ముందుకు సాగుతున్న మెట్రో రైలును చిత్రంలో చూడొచ్చు.

10/12

హైదరాబాద్‌: కూకట్‌పల్లి రంగధాముడి చెరువు సమీపంలోని ఖాళీ స్థలంలో చిన్నా పెద్దా ఎవరికి వారే జట్లుగా విడిపోయి.. వికెట్ల స్థానంలో రాళ్లు పాతుకొని క్రికెట్‌ ఆడుతూ సందడి చేశారు.

11/12

తమిళనాడు: పుదుచ్చేరిలో ‘టెంపుల్‌ అడ్వెంచర్‌’ పేరుతో స్కూబా డైవింగ్‌ శిక్షణ ఇస్తున్న అరవింద్‌ తరుణ్‌శ్రీ క్రికెట్‌ టీ20 ప్రపంచకప్‌ పోటీల్లో భారత్‌ ఘన విజయం సాధించిన నేపథ్యంలో సముద్రంలో 50 అడుగుల లోతులో జాతీయ జెండా, ప్రపంచకప్‌ నమూనా ప్రదర్శించారు.

12/12

విశాఖపట్నం: తారాబు జలపాతంలో ఉద్ధృతి పెరిగింది. నిత్యం పాల నురగలా పారే జలపాతం ప్రస్తుతం వర్షపు నీటితో ఎరుపెక్కింది. జలపాతం అందాలు ఆస్వాదించేందుకు పర్యటకులు తరలివస్తున్నారు.

Tags :