Prince: ‘ప్రిన్స్‌’గా శివ కార్తికేయన్‌.. ఉర్రూతలూగిస్తున్న ఫస్ట్‌ సింగిల్‌

ఇంటర్నెట్‌ డెస్క్‌: తమిళ నటుడు శివ కార్తికేయన్‌ (Siva karthikeyan) హీరోగా టాలీవుడ్‌ దర్శకుడు అనుదీప్‌ కె. వి. (Anudeep KV) తెరకెక్కిస్తున్న ద్విభాషా చిత్రం ‘ప్రిన్స్‌’ (Prince). ఉక్రెయిన్‌ నటి మరియా ర్యాబోషప్క కథానాయికగా నటిస్తోంది. ఈ ఏడాది దీపావళికి సినిమాను విడుదల చేయనున్న నేపథ్యంలో చిత్ర బృందం ప్రచారాన్ని ప్రారంభించింది. ఈ నేపథ్యంలో తాజాగా తొలి పాటని విడుదల చేసింది. రామజోగయ్య శాస్త్రి రాసిన ‘బింబిలికి’ అనే ఈ హుషారైన గీతాన్ని రామ్‌ మిర్యాల, రమ్య బెహర, సాహితి చాగంటి ఆలపించారు. తమన్‌ స్వరాలందించారు. ఫ్యామిలీ ఎంటర్‌టైనర్‌గా రూపొందుతోన్న ఈ సినిమాలో సత్యరాజ్‌ కీలక పాత్రధారి. డబ్బింగ్‌ చిత్రాలు ‘రెమో’, ‘డాక్టర్‌’, ‘కాలేజ్‌ డాన్‌’లతో శివ కార్తికేయన్‌ తెలుగు ప్రేక్షకుల్ని మెప్పించిన సంగతి తెలిసిందే.