kalanjali_200
Comments
0
Recommend
0
Views
728
సుప్రీంకోర్టు ఆదేశంపై ఐఎంఏ హర్షణీయం
నర్సుల పనిభార నియంత్రణ విషయంలో
దిల్లీ: దేశంలో నర్సుల పనిభారాన్ని నియంత్రించటానికి, వారికి కనీస వేతనాన్ని నిర్ధరించటానికి మార్గదర్శకాలను రూపొందించాలంటూ సుప్రీంకోర్టు కేంద్ర ప్రభుత్వాన్ని ఆదేశించటాన్ని భారత వైద్య సంఘం (ఐఎంఏ) స్వాగతించింది. భారత నర్సింగ్‌ మండలి నిబంధనల మేరకు వైద్య కళాశాలల సాధారణ వార్డుల్లో ప్రతి ముగ్గురు రోగులకు ఒక నర్సు, జిల్లా ఆసుపత్రుల్లో ప్రతి ఐదుగురు రోగులకు ఒక నర్సు ఉండాలి. బయటిరోగుల గదిలో ఒక నర్సు.. ఐసీయూ, ఐసీసీయూ, ఇతర కీలక, అత్యవసర సేవల విభాగాల్లో ఒక రోగికి ఒక నర్సు చొప్పున ఉండాలి. ‘‘నర్సులు-రోగుల నిష్పత్తి సరిగా లేకపోతే చికిత్స సంబంధ సేవలు దెబ్బతింటాయి. నర్సులపై పని భారం కూడా పెరుగుతుంది. ఇదీ రోగుల సేవలను దెబ్బతీస్తుంది. సుప్రీంకోర్టు ఆదేశం స్వాగతించదగింది. ఇది రోగులకు చేసే సేవలను మెరుగుపరుస్తుంది’’ అని ఐఎంఏ జాతీయ అధ్యక్షుడు డాక్టర్‌ ఎస్‌.ఎస్‌.అగర్వాల్‌ పేర్కొన్నారు. ప్రైవేటు ఆసుపత్రుల్లో నర్సులకు తగినంత వేతనం చెల్లించటం లేదని ఐఎంఏ ప్రధాన కార్యదర్శి డాక్టర్‌ కె.కె.అగర్వాల్‌ పేర్కొన్నారు. ఇది మంచి వేతనం కోసం నర్సులు ఇతర దేశాలకు వలస వెళ్లటానికి.. మనదేశంలో నర్సుల కొరతకు దారితీస్తోందన్నారు.
Your Rating:
-
Overall Rating:
0