kalanjali_200
Comments
-
Recommend
0
Views
0
పెరుగుతున్న ఉద్యోగుల వ్యాజ్యాల సంఖ్య
ఫిర్యాదులపై చట్టాన్ని అమలు చేయని కేంద్రం
ఈనాడు, హైదరాబాద్‌: ఉద్యోగుల నుంచి వచ్చే ఫిర్యాదుల పరిష్కారానికి దిల్లీలో ఒక యంత్రాంగముండాలనే నిబంధనను కేంద్రం విస్మరించింది. దీంతో వివిధ కోర్టుల్లో ఉద్యోగులు దాఖలు చేస్తున్న వ్యాజ్యాల సంఖ్య క్రమేణా పెరిగిపోతోంది. తుది కేటాయింపుల్లో అన్యాయం జరిగిందనే ఉద్యోగి వాదన వినేందుకు ప్రస్తుతం ఏర్పాట్లంటూ ఏవీ లేవన్న భావనతో కోర్టులు ఆయా వ్యాజ్యాలన్నింటినీ స్వీకరిస్తున్నాయి. వీటిని పరిష్కరించేందుకు వెంటనే ఒక యంత్రాంగాన్ని ఏర్పాటు చేయాలని కమలనాథన్‌ నేతృత్వంలోని సలహా సంఘం కేంద్రాన్ని తాజాగా కోరింది. ఇప్పటికి దాదాపు ఏడు వేల మంది ఉద్యోగుల కేటాయింపులు నిలిచిపోవడం పట్ల ఆందోళన కనబరుస్తోంది. తాత్కాలిక పంపిణీపై ఉద్యోగుల నుంచి వచ్చే అభ్యంతరాలను పరిష్కరించాకనే తుది కేటాయింపులపై కేంద్రానికి సిఫార్సులు చేస్తోంది. వీటికనుగుణంగా కేంద్రం తది కేటాయింపు జాబితాలను వెలువరిస్తోంది. ఇప్పటికి ఇలా 74 శాఖల్లోని 15,707 మంది ఉద్యోగులకు తుది జాబితాలు జారీ అయ్యాయి. ఇటువంటి తుది కేటాయింపులపైనా ప్రస్తుతం కోర్టుల్లో వ్యాజ్యాలు దాఖలవుతున్నాయి. తుది కేటాయింపులపై వచ్చే ఫిర్యాదులను పరిశీలించేందుకు కేంద్రంలో ఒక యంత్రాంగం ఉండాలంటూ పునర్‌వ్యవస్థీకరణ చట్టంలోని సెక్షన్‌ 77(3) చెబుతుండగా ఇంతవరకు దాన్ని ఏర్పాటు చేయలేదు. ప్రస్తుతం పరిపాలన ట్రైబ్యునల్‌లో 52, హైకోర్టులో 8 వాజ్యాలున్నాయి. తుది విభజన చేపట్టాల్సిన ఉద్యోగులు దాదాపు 40వేల మంది ఉండటంతో ఈ వ్యాజ్యాల సంఖ్య బాగా పెరిగే అవకాశముంది.
Your Rating:
-
Overall Rating:
0