kalanjali_200
Comments
0
Recommend
0
Views
114
కేంద్రప్రభుత్వ భోజనశాలల్లోని
నియామకాలకు ఇంటర్య్వూలు రద్దు
దిల్లీ: కేంద్ర ప్రభుత్వ భోజనశాలల్లో దిగువ స్థాయి ఉద్యోగ నియామకాలకు ఇంటర్వ్యూలను కేంద్రం రద్దు చేసింది. కేవలం నైపుణ్య పరీక్షల ద్వారానే తీసుకోవాలని సిబ్బంది, శిక్షణ సంస్థ(డీఓపీటీ) శుక్రవారం ఆదేశాలు జారీ చేసింది. వ్యక్తిత్వ పరిశీలన అవసరం లేనటువంటి గ్రూప్‌-3,4 ఉద్యోగాలకు ఇంటర్వ్యూలు నిర్వహించే విధానానికి స్వస్తి పలకాలని ప్రధానమంత్రి నరేంద్రమోదీ స్వాతంత్య్ర దినోత్సవం సందర్భంగా పేర్కొన్నారు. దీని ద్వారా నియామకాల్లో అవినీతి తొలగడంతో పాటు పారదర్శకత పెరుగుతుందని అభిప్రాయపడ్డారు. ప్రధాని మోదీ సూచన మేరకు కేంద్ర ప్రభుత్వ కార్యాలయాల్లోని భోజనశాలల్లో నాన్‌ గెజిటెడ్‌, నాన్‌ మినిస్టీరియల్‌ గ్రూప్‌-బీ, సీ ఉద్యోగ నియామకాల్లో ఇంటర్య్వూలను రద్దు చేస్తున్నట్లు డీఓపీటీ ప్రకటించింది. రాత, నైపుణ్య పరీక్షల ద్వారానే నియామకాలు చేపట్టాలని సంబంధిత అధికారులకు ఆదేశాలు జారీ చేసింది.
Your Rating:
-
Overall Rating:
0