kalanjali_200
Comments
0
Recommend
0
Views
402
శబరిమలలో మహిళల ప్రవేశానికి మహేశ్‌ శర్మ మద్దతు
లింగ భేదం ఆధారంగా వివక్ష చూపకూడదని వ్యాఖ్య
దిల్లీ: శబరిమల దేవాలయంలోకి మహిళల ప్రవేశంపై కేంద్ర మంత్రి మహేశ్‌ శర్మ పెదవివిప్పారు. లింగ భేదం, కులం ఆధారంగా వివక్ష చూపకూడదని ఆయన అభిప్రాయం వ్యక్తంచేశారు. గుడి లోపలకు మహిళలను అనుమతించేందుకు మద్దతు పలికారు. అన్ని ధార్మిక ప్రాంతాల్లోనూ ఏ విధమైన వివక్షా లేకుండా ఉండాలని ప్రభుత్వం భావిస్తున్నట్లు చెప్పారు. . గుడిలోకి 10 నుంచి 50 ఏళ్ల వయసున్న మహిళల ప్రవేశంపై నిషేధాన్ని సుప్రీం కోర్టులో కేరళ ప్రభుత్వం సమర్థించిన నేపథ్యంలో ఆయన ఈ వ్యాఖ్యలు చేశారు.

సుప్రీం జోక్యం అభ్యంతరకరం: రాజీవ్‌ చంద్రశేఖర్‌
శబరిమల దేవాలయ సంప్రదాయాల్లో సుప్రీం కోర్టు జోక్యం అభ్యంతరకరమని రాజ్యసభ ఎంపీ రాజీవ్‌ చంద్రశేఖర్‌ వ్యాఖ్యానించారు. హిందువుల ఆచార వ్యవహారాలు, విలువలను గౌరవించాలని చెప్పారు. ‘కఠోర దీక్షతో అవిరామంగా 22 ఏళ్లుగా శబరిమల క్షేత్రానికి వెళ్తున్నాను. పవిత్రమైన ఈ దేవాలయ సంప్రదాయాల్లో అత్యున్నత న్యాయస్థానం కలగజేసుకునేందుకు చేస్తున్న ప్రయత్నాలు అభ్యంతరకరంగా అనిపిస్తున్నాయి’అని ఆయన వ్యాఖ్యానించారు.

Your Rating:
-
Overall Rating:
3.0