kalanjali_200
Comments
0
Recommend
0
Views
726
రామజన్మభూమి కేసులో ‘కురువృద్ధ వ్యాజ్యకర్త’ ఆసుపత్రిలో చేరిక
లఖ్‌నవూ: రామ జన్మభూమి- బాబ్రీ మసీదు వివాదం కేసుతో ఏళ్లుగా సంబంధమున్న మహమ్మద్‌ హషీం అన్సారీ గుండె పోటుతో ఆసుపత్రిలో చేరారు. ప్రస్తుతం ఆయన పరిస్థితి స్థిమితంగానే ఉన్నప్పటికీ ఐసీయూ పర్యవేక్షణలో ఉంచినట్లు వైద్యులు సోమవారం వెల్లడించారు. 96 ఏళ్ల వయసున్న అన్సారీని శనివారమిక్కడి కింగ్‌జార్జ్‌ వైద్య విశ్వవిద్యాలయ ఆసుపత్రిలో చేర్పించారు. 1961లో సున్నీ కేంద్ర వక్ఫ్‌ బోర్డు దాఖలు చేసిన అయోధ్య ప్రధాన కేసులోని ఆరుగురు వ్యాజ్యకర్తల్లో ఈయన కూడా ఒకరు. ఈ ఆరుగురులో ప్రాణాలతో ఉన్నది అన్సారీ మాత్రమే. 1949లో బాబ్రీ మసీదులో రాముడి విగ్రహాన్ని ప్రతిష్ఠించినప్పటి నుంచీ ఈ వివాదంతో అన్సారీకి సంబంధముంది. 1954లో మసీదులో నమాజ్‌ చేద్దామని పిలుపునిచ్చిందుకు ఫైజాబాద్‌ న్యాయస్థానం ఈయనకు రెండేళ్ల కారాగార శిక్ష విధించింది.
Your Rating:
-
Overall Rating:
0