kalanjali_200
Comments
0
Recommend
0
Views
81
పరీక్షా కేంద్రాల్లో జామర్లు
ఈనాడు, దిల్లీ: అత్యాధునిక సాంకేతికతను వక్రమార్గంలో ఉపయోగించుకుంటూ పరీక్షాకేంద్రాల్లో చరవాణులు, బ్లూటూత్‌ వంటి ఎలక్ట్రానిక్‌ పరికరాల ద్వారా విద్యార్థులు ఎలాంటి మోసాలకు పాల్పడకుండా అడ్డుకునేందుకుగాను విశ్వవిద్యాలయాల నిధుల సంఘం(యూజీసీ) పటిష్ఠ చర్యలు చేపడుతోంది. రేడియో తరంగాల ప్రసార పౌనఃపుణ్యాన్ని పూర్తిగా నిలువరించేందుకుగాను... పరీక్షాకేంద్రాల వద్ద తక్కువ శక్తిగల జామర్లను తప్పనిసరిగా ఏర్పాటు చేయాల్సిందిగా అన్ని కేంద్రీయ విశ్వవిద్యాలయాలను యూజీసీ ఆదేశించింది. మార్చిలో ప్రారంభమయ్యే పరీక్షల సీజన్‌కు ముందుగానే ఏర్పాట్లు పూర్తవ్వాలని సూచించినట్లు తెలిసింది. యూజీసీ ఆదేశాల నేపథ్యంలో... హైదరాబాద్‌లోని హెచ్‌సీయూ, మౌలానాఆజాద్‌ జాతీయ ఉర్దూ విశ్వవిద్యాలయం, ఆంగ్లం-విదేశీ భాషల విశ్వవిద్యాలయం(ఈఎఫ్‌ఎల్‌యూ)ల్లో పరీక్షాకేంద్రాల్లో జామర్లను ఏర్పాటు చేయనున్నారు.
Your Rating:
-
Overall Rating:
0