kalanjali_200
Comments
0
Recommend
0
Views
40
35 కోట్ల మందికి ఈఎస్‌ఐ సేవలు
ప్రణాళికలు సిద్ధం చేస్తున్నామన్న కేంద్రమంత్రి దత్తాత్రేయ
హైదరాబాద్‌, న్యూస్‌టుడే: రాబోయే రెండేళ్లలో దేశవ్యాప్తంగా 35 కోట్ల మందికి సామాజిక భద్రత అందించాలనే లక్ష్యంతో ఈఎస్‌ఐ సేవల విస్తరణకు ప్రణాళికలు సిద్ధం చేస్తున్నట్లు కేంద్ర మంత్రి బండారు దత్తాత్రేయ వెల్లడించారు. రెండు రాష్ట్రాల్లో కార్మిక రాజ్య బీమా సంస్థ (ఈఎస్‌ఐసీ) పథకాలపై కార్మికులకు అందుతున్న సేవలపై సోమవారం హైదరాబాద్‌ ఆదర్శనగర్‌లోని ఈఎస్‌ఐసీ ప్రాంతీయ కార్యాలయంలో సమీక్షా సమావేశం జరిగింది. అనంతరం దత్తాత్రేయ మాట్లాడుతూ.. తెలంగాణలో సుమారు 10.6లక్షలు, ఆంధ్రప్రదేశ్‌లో 8.5 లక్షల మంది సేవలు పొందుతున్నారని తెలిపారు. ప్రస్తుతం ఈఎస్‌ఐ డిస్పెన్సరీలను ఆరు పడకల ఆసుపత్రిగా అభివృద్ధి చేయబోతున్నామన్నారు. హైదరాబాద్‌ సనత్‌నగర్‌లో 2016 సెప్టెంబరు నాటికి ఈఎస్‌ఐ వైద్య కళాశాల అందుబాటులోకి రాబోతోందని.. ఇక్కడ కార్మికుల పిల్లలు వైద్య విద్య చదువుకోవడానికి ప్రత్యేక రిజర్వేషన్‌ ఉంటుందని పేర్కొన్నారు. నాచారంలోని రెండు వందల పడకల ఆసుపత్రిని 350పడకల ఆసుపత్రిగా అభివృద్ధిచేయడంతోపాటు అక్కడ హృద్రోగం, నెఫ్రాలజీ, క్యాన్సర్‌ తదితర సేవలను అందుబాటులోకి తీసుకురావాలని ప్రతిపాదనలు సిద్ధమయ్యాయని చెప్పారు. తెలంగాణ, ఆంధ్రప్రదేశ్‌లోనూ ఈఎస్‌ఐ సేవల విస్తరణకు ప్రణాళికలు తయారుచేసినట్లు దత్తాత్రేయ తెలిపారు. అమరావతిలో సూపర్‌ స్పెషాలిటీ ఆసుపత్రి నిర్మించాలని నిర్ణయం తీసుకున్నామన్నారు.
Your Rating:
-
Overall Rating:
0