kalanjali_200
Comments
0
Recommend
0
Views
934
ఇస్రోకు మరిందరు శాస్త్రవేత్తలు!
నియామకాలకు ప్రతిపాదన
ఈనాడు, బెంగళూరు: భవిష్యత్తు సవాళ్లను ఎదుర్కొనేందుకు భారత అంతరిక్ష పరిశోధన సంస్థ (ఇస్రో) మరికొందరు శాస్త్రవేత్తలు, నిపుణుల్ని చేర్చుకోనుంది. ఇందుకోసం ప్రస్తుతం కేటాయిస్తున్న బడ్జెట్‌లో 50 శాతం పెంచాలని కేంద్ర ప్రభుత్వానికి సిఫార్సు చేస్తామని విజ్ఞానశాస్త్ర, సాంకేతిక, పర్యావరణ, అటవీ అంశాల పార్లమెంటరీ స్థాయి సమితి అధ్యక్షుడు అశ్వినికుమార్‌ తెలిపారు. ఇక్కడి ఉపగ్రహ పరీక్ష కేంద్రంలో ఇస్రో ఛైర్మన్‌ కిరణ్‌కుమార్‌, ఇతర ప్రముఖులతో సమావేశమైన తర్వాత ఆయన శుక్రవారం విలేకరులతో మాట్లాడారు. ఇప్పటివరకూ పదవీ విరమణ పొందిన సిబ్బంది, నిపుణుల స్థానంలోనే ఉద్యోగుల్ని తీసుకుంటున్నారని వివరించారు. ఈ ఏడాది ఇస్రో ప్రణాళిక బడ్జెట్‌ రూ.5,800 కోట్లు ఉందని, దీనిలో 50 శాతాన్ని వచ్చే బడ్జెట్‌లో పెంచాలని కేంద్రానికి సిఫార్సు చేస్తామని అశ్వినికుమార్‌ తెలిపారు. నిధులు కేటాయించాక ఎందరు శాస్త్రవేత్తలు, నిపుణుల్ని నియమించాలో నిర్ణయిస్తామని కిరణ్‌కుమార్‌ తెలిపారు. వచ్చే నెల 16న ప్రయోగించనున్న ఐఆర్‌ఎన్‌ఎస్‌ ఉపగ్రహం సేద్యం, నౌకాయానం, ఇతర రంగాలకు ఉపయోగపడుతుందని వివరించారు. నగరాలను పట్టిపీడిస్తున్న వివిధ రకాల కాలుష్యం దిగ్భ్రాంతికరమని కిరణ్‌కుమార్‌ వ్యాఖ్యానించారు.
Your Rating:
-
Overall Rating:
0