kalanjali_200
Comments
0
Recommend
0
Views
809
రాష్ట్రపతితో గవర్నర్‌ నరసింహన్‌ భేటీ
ఈనాడు, దిల్లీ: తెలుగు రాష్ట్రాల గవర్నర్‌ ఈఎస్‌ఎల్‌ నరసింహన్‌... రాష్ట్రపతి ప్రణబ్‌ ముఖర్జీతో దిల్లీలో సోమవారం భేటీ అయ్యారు. ఉభయ రాష్ట్రాల్లో ప్రస్తుతం జరుగుతున్న అభివృద్ధి కార్యక్రమాల గురించి ప్రణబ్‌కు ఆయన వివరించారు. తమిళనాడు గవర్నర్‌ కె.రోశయ్య కూడా ప్రణబ్‌తో సమావేశమయ్యారు. కుటుంబ సమేతంగా విచ్చేసిన రోశయ్య... తమిళనాడులో అభివృద్ధి కార్యక్రమాలను రాష్ట్రపతికి వివరించారు.

నేటి నుంచి గవర్నర్ల సదస్సు: తీవ్రవాద వ్యతిరేక వ్యూహాలు, యువతకు ఉపాధి కల్పన ప్రధానాంశాలుగా 47వ గవర్నర్ల సదస్సు రాష్ట్రపతి భవన్‌లో మంగళవారం ప్రారంభంకానుంది. రెండ్రోజులపాటు జరగనున్న ఈ సదస్సుకు రాష్ట్రపతి ప్రణబ్‌ముఖర్జీ అధ్యక్షత వహించనున్నారు. 23 మంది గవర్నర్లు, ఇద్దరు లెఫ్టినెంట్‌ గవర్నర్లు పాల్గొననున్న ఈ సమావేశాలకు ప్రధాని నరేంద్ర మోదీ కూడా హాజరవుతారు. స్వచ్ఛభారత్‌ అభియాన్‌, అందరికీ ఇళ్లు వంటి ప్రభుత్వ పథకాల అమలు, ఉన్నత విద్య నాణ్యత పెంపు తదితర అంశాలను సదస్సులో చర్చించనున్నారు. ఉపరాష్ట్రపతి హమీద్‌ అన్సారీ, హోంమంత్రి రాజ్‌నాథ్‌సింగ్‌, విదేశాంగ మంత్రి సుష్మాస్వరాజ్‌, పట్టణాభివృద్ధిశాఖ మంత్రి వెంకయ్యనాయుడు తదితరులు సదస్సుకు హాజరుకానున్నారు.

Your Rating:
-
Overall Rating:
0