kalanjali_200
Comments
0
Recommend
0
Views
206
బడ్జెట్‌ సమావేశంలో జీఎస్టీ బిల్లు ఆమోదం పొందుతుంది
ఆశాభావం వ్యక్తం చేసిన వెంకయ్యనాయుడు
ముంబయి: వస్తు సేవల పన్ను(జీఎస్‌టీ) బిల్లు, స్థిరాస్తి నియంత్రణ బిల్లులు రాబోయే బడ్జెట్‌ సమావేశాల్లో ఆమోదం పొందుతాయని ఆశిస్తున్నట్లు కేంద్ర పట్టణాభివృద్ధిశాఖ మంత్రి వెంకయ్యనాయుడు పేర్కొన్నారు. గత రెండు పర్యాయాలు కాంగ్రెస్‌ పార్టీ పార్లమెంటును అడ్డుకోవడం వల్ల ఈ బిల్లులను ఆమోదించలేకపోయామని, అయితే పరిపాలనలో 5 దశాబ్దాల సుదీర్ఘ అనుభవమున్న కాంగ్రెస్‌ ఈ సారి సహకరిస్తుందన్న విశ్వాసంతో ఉన్నామని మంత్రి చెప్పారు. ఇప్పటికే చాలా సమయం వృద్ధా అయిందని, ఇకనైనా అందరూ కలిసి బిల్లును ఆమోదింపజేయాలన్నారు. ప్రభుత్వం తమను సంప్రదించడంలేదని కాంగ్రెస్‌ ఆరోపించడటం సరికాదని, ఆర్థికమంత్రి అరుణ్‌జైట్లీతో కలిసి తాను కాంగ్రెస్‌ నేతాగణంతో మాట్లాడానని, సోనియా, రాహుల్‌గాంధీలను కూడా కలుసుకున్నామని వెంకయ్యనాయుడు తెలిపారు.
Your Rating:
-
Overall Rating:
0