kalanjali_200
Comments
-
Recommend
0
Views
0
సోనియా, రాహుల్‌ అభ్యర్థనలను మన్నించిన సుప్రీంకోర్టు
హెరాల్డ్‌ కేసులో నేడు వాదనలు
దిల్లీ: నేషనల్‌ హెరాల్డ్‌ కేసులో తమ వాదనల్ని సత్వరం ఆలకించాలని కాంగ్రెస్‌ అధ్యక్షురాలు సోనియాగాంధీ, ఉపాధ్యక్షుడు రాహుల్‌గాంధీ చేసుకున్న అభ్యర్థనల్ని సుప్రీంకోర్టు గురువారం మన్నించింది. ప్రధాన న్యాయమూర్తి జస్టిస్‌ టి.ఎస్‌.ఠాకుర్‌, జస్టిస్‌ ఆర్‌.భానుమతిలతో కూడిన ధర్మాసనం శుక్రవారమే వాదనలు ఆలకిస్తామని ప్రకటించింది. హెరాల్డ్‌ కేసులో జారీ అయిన సమన్లను కొట్టివేయడానికి నిరాకరిస్తూ దిల్లీ హైకోర్టు ఇచ్చిన తీర్పుపై సోనియా, రాహుల్‌లు సుప్రీంను ఆశ్రయించిన విషయం తెలిసిందే. వారి తరఫున సీనియర్‌ న్యాయవాది కపిల్‌ సిబల్‌ వాదనలు వినిపించారు. వ్యక్తిగత హాజరు నుంచి తాత్కాలిక ఉపశమనం పొందడంలో తల్లి, తనయుడు విఫలమైతే ఫిబ్రవరి 20న మళ్లీ మేజిస్ట్రేట్‌ న్యాయస్థానంలో వారు హాజరు కావాల్సి ఉంటుందని చెప్పారు. భాజపా నేత సుబ్రమణ్యస్వామి దాఖలు చేసిన కేసులో సోనియా, రాహుల్‌లతో పాటు సుమన్‌ దూబే, మోతీలాల్‌వోరా, ఆస్కార్‌ ఫెర్నాండెజ్‌, శాం పిట్రోడా నిందితులుగా ఉన్నారు. వారంతా తమకు వచ్చిన సమన్లను సవాల్‌ చేశారు.
Your Rating:
-
Overall Rating:
0