Sat, February 13, 2016

Type in English and Give Space to Convert to Telugu


రాధమ్మ మహిమ అనంతం
భాద్రపద శుక్ల అష్టమిని రాధాష్టమి అని అంటారు. సకలలోక జగజ్జనని రాధాదేవి అవతార సందర్భాన్ని స్మరించుకుంటూ ఆమె మహిమను ధ్యానిస్తూ ఈ పండుగను చేసుకుంటారు. శ్రీకృష్ణ పరమాత్ముడి అర్ధాంగి రాధాదేవి అని, ఆమె శ్రీకృష్ణుడికంటే భిన్నమైనది కాదని బ్రహ్మవైవర్త పురాణం నలభైఎనిమిదో అధ్యాయం వివరిస్తోంది. ఈ అధ్యాయంలో పార్వతీదేవికి పరమేశ్వరుడు స్వయంగా రాధ చరిత్రను వివరించాడు. రాధ తనకు ఇష్టదైవమైన శ్రీకృష్ణుడి భార్యేనని పార్వతికి వివరించాడు పరమేశ్వరుడు. పూర్వం బృందావనంలో ఉన్న రాసమండలంలో శతశృంగ పర్వతం మీద రత్నసింహాసనంపై శ్రీకృష్ణపరమాత్మ కూర్చొని ఉన్నప్పుడు జగత్తుకంతటికీ శ్రేయస్సును కలిగించే ఓ విచిత్రం జరిగింది. స్వేచ్ఛామయుడైన ఆ శ్రీకృష్ణపరమాత్ముడికి ఎందుకో తాను ఆడుకోవాలనే కోరిక కలిగింది. ఆయన సంకల్పాన్ని అనుసరించి ఆ మరుక్షణంలోనే ఆయనే రెండు రూపాలుగా మారాడు. ఆ రూపాలలో కుడివైపున ఉన్నది శ్రీకృష్ణుడిగాను, ఎడమవైపు ఉన్నది రాధాదేవిగాను రూపుదాల్చాయి.

ఆమె పేరు పలికితే వైకుంఠధామమే..
రాధాదేవి రూపం అమూల్య రత్నాభరణాలను ధరించి ఉంది. బంగారువన్నెగల వస్త్రాలను ధరించి ఓ అద్భుతమైన రత్నసింహాసనం మీద కూర్చొని ఉంది. ఆమె శరీరకాంతి కూడా బంగారు వర్ణంలోనే ఉంది. చక్కని పలువరుస కలిగి చిరునవ్వుతో ఆమె కనిపించింది. శరత్కాలంలోని పద్మం వంటి ముఖంతో మాలతీ పుష్పమాల చుట్టిఉన్న కొప్పుతో, సూర్యతేజస్సు వంటి తేజస్సు కలిగిన రత్నాల మాలను, గంగానది ధారలాంటి ముత్యాలమాలను ధరించి ఆమె ఎంతో అందంగా కనిపించింది. నవయవ్వనంతో ఉన్న ఆమెను చూడగానే శ్రీకృష్ణుడు ఎంతో ఆనందించాడు. కృష్ణుడి ఆనందాన్ని చూసి రాధాదేవి తన అందాన్ని మరింతగా ఇనుమడింపచేసింది. ఆ ఇద్దరూ పరస్పరం ఎంతో అనురాగాన్ని ప్రదర్శించుకున్నారు. ఇద్దరి మధ్య అన్ని విషయాల్లోను సమానత్వం కనిపించింది. ఆ రాసమండలంలోని మాలతి, మల్లికా పొదలలో శ్రీకృష్ణుడు రాధాదేవితో క్రీడించడమే కాక నిత్యం ఆమెను స్మరించడం, ఆమె నామాన్నే జపిస్తూ ఉండేవాడు. రాధ అనే పేరే ముక్తిపథానికి సోపానం లాంటిదని కృష్ణుడే స్వయంగా అన్నాడు. ‘రా’ అనే అక్షరాన్ని పలికిన భక్తుడు అత్యంత దుర్లభమైన ముక్తిని పొందుతాడు. ‘ధ’ అనే అక్షరాన్ని పలకగానే శ్రీహరి నివసించే వైకుంఠధామానికి ఎలాంటి అడ్డంకులు లేకుండా నేరుగా వెళ్లిపోతాడు. ఆ కారణం చేతనే రాధానామ జపానికి అత్యంత ప్రాధాన్యం ఏర్పడింది.

శ్రీకృష్ణుడి వక్షస్థలమే రాధ నివాసం
అలా రాధాకృష్ణులు రాసమండలంలో మనోహరంగా విహరిస్తున్నప్పుడే విశ్వసృష్టి కూడా విస్తరించింది. శ్రీకృష్ణుడి వామపార్శ్వం నుంచి రాసేశ్వరి అయిన రాధాదేవి ఆవిర్భవించింది ఆమె అంశ వల్ల, అంశాంశ వల్ల దేవతా స్త్రీలంతా ఆవిర్భవించారు. అలాగే ఆమె నుంచే సర్వగోపికాసంఘం ఉత్పన్నమైంది. అదేవిధంగా శ్రీకృష్ణుడి నుంచి సమస్త గోపజనం ఆవిర్భవించారు. రాధాదేవి ఎడమ పార్శ్వం నుంచి మహాలక్ష్మి ఆవిర్భవించింది. ఆ మహాలక్ష్మి జగత్తు అంతటికీ అధిష్ఠాన దేవతగా, గృహలక్ష్మిగా కూడా పిలుపులందుకుంది. వైకుంఠనాథుడు, చతుర్భుజుడు అయిన నారాయణుడికి ఆ మహాలక్ష్మి భార్య అయింది. ఆమె అంశ స్వరూపమే రాజలక్ష్మి కూడా. ఆ దేవి రాజులకు రాజసంపదలను ఇస్తూ ఉంటుంది. రాజలక్ష్మి అంశ స్వరూపమే మర్త్యలక్ష్మి. ఆ దేవి భూలోకంలో అందరి ఇళ్లలోను దీపాధిష్ఠాన దేవతగా అయింది. అలా సర్వదేవతా స్త్రీలకు మూలకారణమైన ఆ రాధాదేవి శ్రీకృష్ణుడి వక్షస్థలం మీద ఎప్పుడూ ఉంటుంది. ఆమె ఆ పరమాత్మ ప్రాణాలకు అధిష్ఠాన దేవత. సృష్టిలోని చరాచరాలన్నిటికీ రాధాకాంతుడైన ఆ పరమాత్మే పతి. అయితే ఆయనకు ఇష్టసఖి రాధ. రాధాదేవి కృష్ణుడికి తన ప్రాణాలకంటే ప్రియమైనది, విష్ణువుకు మాత కూడా ఆమే. ఆమెనే మూల ప్రకృతి అని కూడా అంటారు. సత్పురుషులకు తప్ప బ్రహ్మాది దేవతలకు సైతం ఆ రాధాదేవి దర్శనం సులభంగా లభించదు. శ్రీకృష్ణుడు అనేక సందర్భాల్లో అనేకచోట్ల రాధకు, తనకు భేదం లేదని, రాధను విడిచి తనను మాత్రమే పూజించినందు వల్ల ఫలితం ఉండదని స్పష్టంగా చెప్పాడు. కనుక రాధాకృష్ణుల ప్రేమతత్త్వాన్ని అందరూ అనుసరిస్తూ రాధాకృష్ణులిద్దరినీ పూజించడమే ఉచితమైనదని పరమేశ్వరుడు పార్వతికి రాధ ఆవిర్భావాన్ని, ఆమె గొప్పతనాన్ని గురించి వివరించాడు.

- డాక్టర్‌ యల్లాప్రగడ మల్లికార్జునరావు
Puranam
మరిన్ని మన పురాణాలు...
41








31
32
33
34
35
 36
 37
 38
39
40
21
22
23
24
25
26
27
28
29
30
11
12
13
14
15
16
17
18
19
20
01
02
03
04
05
06
07
08
09
10

మరిన్ని జాతీయాలు...
21
22
23
24
25
 26
       
11
12
13
14
15
16
17
18
19
20
01
02
03
04
05
06
07
08
09
10

మా వూరికి మంచి నీళ్లు...

బాగా ఆస్తిపాస్తులున్న వాళ్లని శ్రీమంతులంటారు.మహేశ్‌బాబు నటించిన ‘శ్రీమంతుడు’ చూశాక ఆ అర్థం మారిపోయిందనే చెప్పవచ్చు. ఎక్కడ పెరిగినా, స్థిరపడినా సొంతూరి...

ప్రేమలు మెరిసే.. తారలు మురిసే!

ప్రేమ ఓ అనీర్వచనీయమైన అనుభూతి. ప్రేమలో పడితేనే దాని మాధుర్యం ఏంటో తెలిసేది. నిజ జీవితాల్లోనే కాదు వెండితెరపైనా ప్రేమ అద్భుతమైన విజయాలు అందించింది....

 
 
 
 
 
Copyright © 2014 Ushodaya Enterprises Pvt. Ltd., All Rights Reserved.
For Digital Marketing enquiries contact 9000180611 or Mail :Marketing@eenadu.net