latestnews
సినిమా కట్‌... యూట్యూబ్‌లో పేస్ట్‌!
‘సీతమ్మ వాకిట్లో సిరిమల్లెచెట్టు’ సినిమాలో మహేష్‌బాబు, వెంకటేష్‌ కలిసి ఫైట్‌ చేశారంటే ఎవరూ నమ్మరు. అంతెందుకు... ఆ సినిమాలో బ్రహ్మానందం ఉన్న సంగతి కూడా చాలా మందికి తెలీదు. ‘అత్తారింటికి దారేది’లో పవన్‌ సమంతకు పంచ్‌ ఇచ్చిన సన్నివేశాన్ని ఎవరూ చూసుండరు. ‘టెంపర్‌’లో ఎన్టీఆర్‌ విలన్లను జైలుకు పంపే సీను తెలుసు కానీ ఆ తరవాత ప్రకాష్‌రాజ్‌తో కులాసాగా కబుర్లు చెప్పే విషయం మాత్రం తెలీదు. ఎందుకంటే... ఇవన్నీ సినిమాలో కనిపించవు. సూపర్‌హిట్‌ చిత్రాల్లోంచి అలా తొలగించిన ఎన్నో సన్నివేశాలు ఇప్పుడు యూట్యూబ్‌లో సందడి చేస్తున్నాయి.
తెరమీద చూడ్డానికి ఇబ్బందిగా ఉండే సన్నివేశాలను సెన్సారు బోర్డే తొలగిస్తుంది. కానీ కథ వేగానికి అడ్డుపడుతున్నాయనో, నిడివి ఎక్కువైందనో అందంగా వచ్చిన సన్నివేశాలను కూడా చాలాసార్లు సినిమాల్లోంచి తీసేస్తుంటారు. ట్రెయిలర్లలో, పోస్టర్లలో కనిపించే సీన్లు సినిమాలో లేకపోవడానికీ కారణం అదే. కానీ అంత ఖర్చుపెట్టి తీశామనో, లేక మంచి సన్నివేశాలను అందరూ చూస్తే బావుంటుందన్న ఆలోచనతోనో ఈ మధ్య చాలామంది నిర్మాతలూ దర్శకులూ సినిమాల్లో లేని సన్నివేశాలను నేరుగా యూట్యూబ్‌లో పెట్టి అందరికీ చూపిస్తున్నారు. పూరీ జగన్నాథ్‌, దిల్‌ రాజు, నాగార్జున, స్రవంతి రవికిశోర్‌ లాంటి ప్రముఖులు తమ సినిమాల్లోని సీన్లను అలా బయటికి తీసుకొస్తున్నారు. సినిమాలో ఉండే నాణ్యతతోనే ఆ సీన్లూ ఉండటంతో ఆ చిత్రాల్ని చూసిన వాళ్లకే అవి తొలగించినవని తెలుస్తాయి. అందుకే అందరికీ తెలిసేలా ‘డిలీటెడ్‌ సీన్స్‌’, ‘అన్‌సీన్‌ సీన్స్‌’ అని విడుదల చేస్తోన్న వీటికీ లక్షల్లో హిట్లు వస్తున్నాయి.

మహేష్‌ వెంకీల ఫైట్‌
‘సీతమ్మ వాకిట్లో సిరిమల్లె చెట్టు’ సినిమా చూసిన వాళ్లెవరికైనా అందులో బ్రహ్మానందం ఉంటే బావుండేదనో, మహేష్‌, వెంకటేష్‌ లాంటి స్టార్లున్నా ఒక్క ఫైటు కూడా పెట్టకపోవడం వెలితిగానో అనిపించడం సహజం. నిజానికి ఆ సినిమాలో బ్రహ్మానందం రెండు మూడు సన్నివేశాల్లో కనిపించి నవ్వులు పూయిస్తాడు. మహేష్‌, వెంకటేష్‌లు కూడా చెరోవైపు నుంచి ఆకతాయిలను ఉతికేస్తారు. కానీ ఆ సన్నివేశాలు తెరమీద కనిపించవు. ప్రేక్షకులలానే నిర్మాతలకూ అది లోటుగా అనిపించిందేమో... ఆ సన్నివేశాల్ని విడిగా మళ్లీ యూట్యూబ్‌లో పెట్టారు. వాటితో పాటు సమంత, రావు రమేష్‌ మధ్య కామెడీ సన్నివేశాలూ, బ్రహ్మాజీ వెంకటేష్‌ల మధ్య సరదా సంభాషణ లాంటి చాలా కనువిందైన దృశ్యాలను అందుబాటులోకి తెచ్చారు. వాటిని లక్షల మంది వీక్షించారు. బోలెడు కామెంట్లు కూడా వచ్చాయి. ఆ అభిప్రాయాలన్నింట్లో కనిపించిన ప్రశ్న ఒక్కటే... ఇంత మంచి సన్నివేశాలను సినిమాలో నుంచి ఎందుకు తొలగించారూ అనే.

నాగార్జున కానుక
అక్కినేని నాగేశ్వరరావు ఆఖరి చిత్రంగా ‘మనం’ తెలుగు వాళ్లకు చాలా ప్రత్యేకం. చూసిన వాళ్లందరికీ తెరమీద నాగేశ్వరరావు ఇంకాసేపు కనిపిస్తే బావుండు కదా అనిపిస్తుంది. ఆ లోటును భర్తీ చేస్తూ, ‘మనం’ సినిమా విడుదలై ఏడాది పూర్తయిన సందర్భంగా నాగార్జున అభిమానులకు ఓ అందమైన కానుకిచ్చారు. తండ్రికీ తనకూ మధ్య ‘మనం’ కోసం తీసిన సన్నివేశాన్ని స్వయంగా యూట్యూబ్‌లో పెట్టారు. అందులో నాగేశ్వరరావు చాలా హుషారుగా నాగార్జునను ఆట పట్టిస్తూ కనిపిస్తారు. శ్రియ, నాగార్జున మధ్య కూడా సినిమాలో కనిపించని సన్నివేశాలను అందులో ఉంచారు.

రామ్‌ సందడి...
ఈ మధ్య విడుదలైన ‘నేను... శైలజ’ తొలి ఆట నుంచే హిట్‌ టాక్‌ తెచ్చుకుంది. సినిమా చూసిన చాలామందికి ‘అప్పుడే అయిపోయిందా’ అనిపిస్తుంది. సినిమా రెండున్నర గంటలు కూడా లేకపోవడమే అందుకు కారణం. నిజానికి తీసిన సన్నివేశాలన్నీ పెట్టుంటే దాని నిడివి మూడు గంటలు దాటుండేదేమో. కానీ మంచి సన్నివేశాల్ని వృథా చేయడం ఎందుకనుకున్నారో ఏమో, సినిమా కోసం తీసిన ఐదారు సన్నివేశాల్ని యూట్యూబ్‌లో పెట్టారు. హీరో రామ్‌ ఇంట్లో పెళ్లి చర్చ, రామ్‌, సుధీర్‌ల కామెడీ, హీరో హీరోయిన్‌ల మధ్య సంభాషణ... ఇలాంటి కొన్ని ఆసక్తికర సన్నివేశాల్ని థియేటర్లలోంచి సినిమా వెళ్లకముందే యూట్యూబ్‌లో పెట్టడం విశేషం.
ఎన్టీఆర్‌ పాట
‘టెంపర్‌’ సినిమా చివర్లో విలన్‌ తమ్ముళ్లు జైలుకెళ్లిపోయాక బయటున్న ప్రకాష్‌రాజ్‌ పరిస్థితి ఏంటన్న సందేహం రావడం సహజం. అందుకే ఆ కొనసాగింపును స్వయంగా పూరీ జగన్నాథే యూట్యూబ్‌ ద్వారా పంచుకున్నాడు. ఎన్టీఆర్‌, ప్రకాష్‌రాజ్‌ హాయిగా కబుర్లు చెప్పుకోవడం, ప్రకాష్‌రాజ్‌కి పెళ్లి సంబంధం చూస్తానని ఎన్టీఆర్‌ చెప్పడం, జైల్లో విలన్లు వార్నింగ్‌ ఇస్తుంటే ఎన్టీఆర్‌ సరదాగా పాటలు పాడటం లాంటి సన్నివేశాలు అందులో కనిపిస్తాయి. ‘అరుంధతి’లో జేజమ్మగా అనుష్కను ఎంతసేపు చూసినా తనివి తీరదు. అలా తెరమీద అనుష్క నటనను చూసి సరిపెట్టుకోలేని వాళ్ల కోసం యూట్యూబ్‌లో మరికొన్ని సన్నివేశాలూ ఉన్నాయి. ‘అరుంధతి’లోకి జేజమ్మ వచ్చే సన్నివేశాన్ని కొన్ని వేలమంది వీక్షించారు.

‘ఎవడే సుబ్రహ్మణ్యం’, ‘పాండవులూ పాండవులూ తుమ్మెద’, ‘100% లవ్‌’, ‘కరెంటు తీగ’, ‘రాజారాణి’, ‘లీడర్‌’... ఇలా విజయవంతమైన చాలా సినిమాల్లోంచి తొలగించిన సన్నివేశాలు ఇప్పుడు నెట్టింట్లో సందడి చేస్తున్నాయి. ‘టాలీవుడ్‌ డిలీటెడ్‌ సీన్స్‌’ అని కొడితే వీటిలో చాలావరకూ కనిపిస్తాయి. థియేటర్‌లో విందు భోజనం తిన్న అభిమానులకు ఇవి స్వీట్‌ పాన్‌ లాంటివన్న మాట.


బుకాయింపుల బూటకం!

పట్టుమని అయిదు లక్షల రూపాయల పెట్టుబడి; అలవోకగా దాదాపు అయిదు వేలకోట్ల రూపాయల గిట్టుబడి! సోనియాగాంధీ...

Full Story...

ధనా‘గన్‌’

ముంబయి తరహా కాల్పుల ఘటనలు హైదరాబాద్‌లోనూ జరుగుతున్నాయని సోమవారం చోటుచేసుకున్న ఉదంతం రుజువుచేస్తోంది. కార్పొరేటు ఆసుపత్రి ప్రారంభం, వాటాల పరంగా పొరపచ్చాలు...

డీసీసీ పదవికి క్యామ రాజీనామా

గ్రేటర్‌ హైదరాబాద్‌ నగర పాలక సంస్థ ఎన్నికల్లో పార్టీ ఘోరంగా ఓటమి పాలైనందుకు నైతిక బాధ్యత వహిస్తూ తన పదవికి రాజీనామా చేస్తున్నట్లు...

సమ్మక్కే నాలోకొచ్చింది..!

‘అందాల మా వూరి అక్కాచెల్లెల్లే.. సమక్క సారక్క’ అంటూ వినసొంపైన పాటలు దశాబ్ద కాలం కిందట అందరిలోనూ గొంతుకయ్యాయి. అప్పట్లో ‘సమ్మక్క సారక్క’ చిత్రం...

ఆలస్యం.. అమృతమ్‌..!

కేంద్ర ప్రభుత్వం ఎంపిక చేసిన పట్టణాల్లో మౌలిక వసతులు కల్పించేందుకు అమృత్‌ పథకం ప్రకటించి 8 నెలలు కావస్తోంది.. ఇప్పటికే నిధులు కేటాయించిన కేంద్రం ఆ దిశగా చర్యలు తీసుకుంటుండగా..

పుష్కర ప్రయోజనం సిద్ధిరస్తు!

పాలమూరుకు కృష్ణా పుష్కరాలు నిధుల వరదను మోసుకొస్తున్నాయి. ఈ ఏడాది ఆగస్టులో నిర్వహించనున్న పుష్కరాల కోసం ఘాట్లు, రహదారులు, ఇతర మౌలిక వసతుల కల్పనకు...

లోలోతుకు..

జిల్లాలో వేగంగా పడిపోతున్న నీటి మట్టాల తీరు చూస్తుంటే ఎవరికైనా ఒళ్లు జలదరించాల్సిందే. తీవ్ర వర్షాభావానికితోడు నీటి పొదుపు విషయంలో నిర్లక్ష్య ధోరణి.. వెరసి భవిష్యత్తును ప్రశ్నార్థకంలోకి నెడుతున్నాయి.

ఎంచక్కాపనులిక

రాష్ట్ర ఆవిర్భావం తర్వాత తొలిసారిగా వస్తున్నకృష్ణా పుష్కరాలను వైభవంగా నిర్వహించడానికి జిల్లా అధికారులు ఏర్పాట్లను ముమ్మరం చేస్తున్నారు. ఈ ఏడాది ఆగస్టులో జరిగే పుష్కర మహోత్సవానికి ...

‘బెల్టు’ దోపిడీ

క్కరూ రూపాయే కదా అని...లక్షమంది వదిలేస్తే రూ.లక్ష అవుతాయి. మద్యం మాఫియా సరిగ్గా ఇదే సూత్రాన్ని పాటిస్తోంది. తాగాలనుకుంటే ఎమ్మార్పీ ధరలకన్నా రూ.5, రూ.10 ఎక్కువయినా ...

బాలికా..భరోసా ఏదిక...!

ఈ చిత్రంలో కనిపిస్తున్న వారు జక్రాన్‌పల్లి మండలం పడకల్‌ గ్రామానికి చెందిన మచ్చర్ల నరేశ్‌, విజయ కూతుళ్లు శ్రీనిధి, సహస్ర. శ్రీనిధి 2009లో జన్మిస్తే, సహస్ర 2011లో జన్మించింది.

ఇక ఆన్‌లైన్‌లో పంట ఉత్పత్తుల విక్రయం

ఏ రోజు ఎంత ధర ఉంటుందో తెలియదు.. పంటను మార్కెట్‌కు తీసుకువెళ్లిన తరువాత వ్యాపారులు ఏ ధర నిర్ణయిస్తే, ఆ రోజు మొత్తానికి అదే ధర. ఒక్కో విపణిలో ఒక్కో ధర ఉంటోంది. ఏడాది పొడవునా కష్టపడి ...

మోకీలుకు ముడి పడింది

గుంటూరు ప్రభుత్వ సమగ్ర వైద్యశాలలో మో‘కీలు’ మార్పిడి శస్త్ర చికిత్సల నిర్వహణకు ‘నిధుల సమస్య’ వచ్చి పడింది. మరోవైపు ఈ శస్త్ర చికిత్సల కోసం అవసరమైన నిరుపేదలు నిత్యం ఆసుపత్రిని సంప్రదిస్తున్నారు.

‘మార్పు’ ఇదేనా ..‘మన భవిత’ భద్రమేనా?

ఈ చిత్రంలోని పెద్దపాళెం పంచాయతీ వీరాంజనేయపురానికి చెందిన పదిరోజుల బాలింత శారద(19) ఆదివారం రాత్రి మృతిచెందారు.

పశ్చిమాన పుష్కలం తూర్పున నిష్ఫలం

కొత్తగా వేలం వేయనున్న రేవులు: ప్రస్తుతం చెవిటికల్లు, కంచెల, శనగపాడు, పొక్కునూరు, కాసరబాద, అల్లూరుపాడు, సూరాయిపాలెం, గుంటుపల్లి, భవానీపురం, పెదపులిపాక, మద్దూరు.

తాగునీటికి... నిధుల ఎద్దడి!

కణేకల్లు మండలం హనకనహాల్‌లో చాలా కాలంగా తాగునీటి సమస్య పరిష్కారం కాకపోవడంతో ప్రజలకు కన్నీటి కష్టాలు తప్పడం లేదు. వేదావతి హగరి నుంచి సొల్లాపురం మీదుగా పైపులైను ద్వారా నీరు సరఫరా అవుతోంది.

దీక్షాఫలం

తొమ్మిది రోజుల ఉత్కంఠకు తెరపడింది.. కాపులకు రిజర్వేషన్‌.. ఇతర సమస్యల పరిష్కారానికి ప్రభుత్వం తరఫున మాజీ మంత్రి ముద్రగడ పద్మనాభంతో రాష్ట్ర మంత్రి అచ్చెన్నాయుడు...

గడువు మీద గడువు.. ముందుకు పడదే అడుగు

గాలేరు - నగరి సుజల స్రవంతి పథకం.. సీమ నడిగడ్డ రైతుల చిరకాల స్వప్నం. కీలకమైన వరదకాల్వ పనులు ఏళ్ల తరబడి సాగు..తూనే ఉన్నాయి.

పరీక్షమార్హం.. కాదు

నగరంలోని గాయిత్రీ ఎస్టేట్‌లో మూడు సంవత్సరాల క్రితం వెలిసిన డయాగ్నోస్టిక్‌ సెంటర్‌కు నగరంలోని సింహభాగం పరీక్షలు రాస్తుంటారు. కారణం ప్రతి వైద్యునికి వారి క్లినిక్‌ను బట్టి నెలకు...

వరద పనుల్లో నాణ్యతకు పరదా

గూడూరు నియోజకవర్గం కోట మండలం గూడలి- మెట్టు మార్గంలో ర.భ. శాఖకు చెందిన రోడ్డు ఇటీవల వరదలకు తెగిపోయింది. ఈ పనులను తుతు మంత్రంగా చేశారు.

భూ షకలక...

రాష్ట్రంలో ఎక్కడా లేనన్ని ప్రభుత్వ భూములు కనిగిరి ప్రాంతంలో ఉన్నాయి. ఇదే అదనుగా భూ మాయగాళ్లు రెచ్చిపోతున్నారు. తప్పుడు పత్రాలతో ప్రభుత్వ భూములనూ ఆక్రమించుకుని తెగనమ్ముకుంటున్నారు.

‘మహోదయ’ స్నానం... భక్తజన పావనం

రాకరాక వచ్చిన అరుదైన రోజు. ఎన్నాళ్లుగానో ఎదురు చూస్తున్న సుదినం. భక్తజనం కదిలింది. సాగరం చెంత నదీ సంగమ ప్రాంతాల్లో సోమవారం ‘మహోదయ’ స్నానాలాచరించారు.

విశాఖ కెవ్యుకేక

‘భారతీయుల గుండెల్లో విశాఖకు ప్రత్యేక స్థానం ఉంది. ప్రతి ఒక్కరూ సందర్శించాల్సిన నగరం ఇది. హుద్‌హుద్‌ వంటి విలయాన్ని ఎదుర్కొని కేవలం 14 నెలల వ్యవధిలోనే పూర్వస్థితికి చేరుకుంది. విశాఖ ప్రజలస్ఫూర్తికి సెల్యూట్‌’

భక్తజన మహోదయం!

చంపావతి నదీ సాగర సంగంలో పుణ్యస్నానాలు చేసే భక్తులకు నిజంగానే దేవుడు కనిపించాడు. ప్రభుత్వ సౌకర్యాలు కానరాకపోవడం.. కనీస సదుపాయాలు కొరవడడంతో వచ్చిన భక్తులకు ...

కమీషన్‌ ఏజెంట్లకే ‘మద్దతు’

మద్దతు ధరపై ఈసారి విస్తృత ప్రచారం చేసి అధికారులు పూర్తిస్థాయిలో ధాన్యం కొనుగోళ్లు చేపట్టారు. రూ. 1849 కోట్ల మేర రైతుల నుంచి ధాన్యం కొన్నారు. అంకెల ప్రకారం చూస్తే ఇది...