Tue, February 09, 2016

Type in English and Give Space to Convert to Telugu

'ఔషధనగరిలో ప్రపంచశ్రేణి విశ్వవిద్యాలయం''భూసేకరణ, పునరావాసాలకేరూ. 8,000 కోట్లు''నెట్‌ సమానత్వానికే ట్రాయ్‌ మొగ్గు!''ముద్రగడ దీక్ష విరమణ''తెలంగాణ ప్రణాళిక భేష్‌''విద్వేషాలు రెచ్చగొడుతూ రాజకీయాలా?''డాక్టర్‌.. ధనాధన్‌..''రసాయన పరిశ్రమలో పేలుడు''నడి వీధిలో పైశాచికం''పాక్‌ నుంచే కుట్ర'
అన్నదాతలతో చేలగాటం
ఈనాడు, హైదరాబాద్‌: ఉద్యానశాఖ, విత్తన కంపెనీల నాటకాలతో కూరగాయల రైతులు అల్లాడుతున్నారు. ఖరీఫ్‌ ముంచుకొస్తున్నా ఇంతవరకూ రాయితీ విత్తనాల జాడే లేదు. ఉద్యానశాఖ చెప్పిన ధరకు విత్తనాలు ఇవ్వలేమని కంపెనీలు తేల్చి చెబుతుంటే.. అవే ఇస్తాయిలే అని అధికారులు నిర్లప్తంగా వ్యవహరిస్తున్నారు. గతేడాదీ ఇలాగే చేయడంతో, జులై వరకు రైతులకు విత్తనాలు అందలేదు. రాష్ట్రంలో కూరగాయల సాగును ప్రోత్సహించేందుకు కేంద్ర ప్రభుత్వం ఏటా రూ.17 కోట్ల వరకు రాయితీ ఇస్తోంది. ఉద్యానశాఖ ఇక్కడ 95 విత్తన కంపెనీలను ఎంపికచేసి, వాటితో ఏటా ఖరీఫ్‌లో ఒప్పందాలు కుదుర్చుకోవడానికి రంగం సిద్ధం చేయడం ఆనవాయితీ. ఈ ఒప్పందాలకు ముందు ఏ విత్తనాలను ఎంత ధరకు రైతులకు విక్రయించాలో ఉద్యానశాఖ, కంపెనీలు కలసి నిర్ణయించాలి. 2011-12లో ధరలను పెంచారు. అప్పట్నుంచి మళ్లీ విత్తనాల ధరలను పెంచాలంటూ కంపెనీలు ప్రభుత్వంపై ఒత్తిడి తెస్తున్నాయి. గతేడాది కూడా పెంచకపోవడంతో 30 ప్రధాన కంపెనీలు అసలు ఒప్పందాలకే రాలేదు.

రాయితీ విత్తనాల సరఫరా నుంచి అవి తప్పుకోవడం వల్ల, రైతులు అధికంగా సాగుచేసే సంకరజాతి విత్తనాలు రాయితీ జాబితాలో లేకుండా పోయాయి. 2011 నాటి ధరలకే వాటిని సరఫరా చేయాలంటూ ఉద్యానశాఖ కమిషనర్‌ పాపిరెడ్డి తాజాగా కంపెనీలను అడిగారు. రాష్ట్ర విభజన జరుగుతున్నందున 3 నెలల కాలానికి ఒప్పందాలు చేసుకుని పాత ధరలకే రైతులకు అమ్మాలని, జూన్‌ తరవాత వచ్చే కొత్త ప్రభుత్వాలు ధరల పెంపుపై నిర్ణయం తీసుకుంటాయని చెప్పారు. ఇందుకు కంపెనీలు అంగీకరించలేదు. అయినా అవే వస్తాయిలే అని అధికారులు నింపాదిగా ఉన్నారు.

మెదక్‌ జిల్లా ఉద్యాన అధికారులను ‘ఈనాడు’ వివరణ కోరగా... ఇంతవరకూ ఒక్క కంపెనీ కూడా విత్తనాలు ఇవ్వడానికి ముందుకురాలేదని, ప్రభుత్వం నుంచి ఎలాంటి ఉత్తర్వులు అందలేదని చెప్పారు. ఈ విషయమై ఉద్యానశాఖ ముఖ్యకార్యదర్శి రంజీవ్‌ ఆచార్య సమాధానమిస్తూ... ఎప్పట్లాగే కంపెనీలు విత్తనాలను ఇస్తాయని, అందుకు కమిషనర్‌ చర్యలు తీసుకుంటున్నారని చెప్పారు.

పదుగురి కోసం ఆరుగురం!

కాలేజీ స్నేహితులకో వాట్స్‌యాప్‌ గ్రూప్‌ చిన్నప్పటి మిత్రులకో ఫేస్‌బుక్‌ గ్రూప్‌ బంధువులందరినీ కలిపేందుకు గూగుల్‌ ప్లస్‌.. ఇలా నేటి సామాజిక మాధ్యమాలని మస్తుగా వాడుకుంటోంది...

ఆటో నడిపిన సినీనటుడు అఖిల్‌

సినీనటుడు అఖిల్‌ మంగళవారం ఖమ్మం నగరంలో ఆటో నడిపి సందడి చేశాడు. స్థానిక నరసింహస్వామి దేవాలయ సమీపంలో కిడ్నీ వ్యాధితో.....

 
 
 
 
 
Copyright © 2014 Ushodaya Enterprises Pvt. Ltd., All Rights Reserved.
For Digital Marketing enquiries contact 9000180611 or Mail :Marketing@eenadu.net