Mon, February 08, 2016

Type in English and Give Space to Convert to Telugu

'పట్టణాభిషేకం''వాస్తవాల ప్రతిబింబంగా బడ్జెట్‌''నీటిపై నిప్పుల వాన''సీఎం మొండి అయితే.. నేను జగమొండి''తీరప్రాంత దేశాల మధ్య సహకారం పెరగాలి''ఉత్తర కొరియా రాకెట్‌ ప్రయోగం''చిరుతకు చిక్కి .. ప్రాణాలతో బయటపడి''మౌఖికంలో మార్కులు ఖాయం''ఎయిమ్స్‌కు 220 ఎకరాలు కేటాయింపు''‘అంకుర’ భయాలొద్దు'
బీమాకు.. దక్కని ధీమా
రైతుల నుంచి దరఖాస్తులు తీసుకోని అధికారులు
ప్రభుత్వం గడువు పొడిగించినా పట్టించుకోని వైనం
ఈనాడు - కర్నూలు
రైతుల బీమా చెల్లింపునకు ప్రభుత్వం గడువు పొడిగించినా బీమా కంపెనీ అధికారులు మాత్రం దరఖాస్తులను తీసుకోవడం లేదు. బ్యాంకు నుంచి రుణాలు పొందినవారికి మాత్రమే ఈ గడువు వర్తిస్తుందని నిబంధనలు విధిస్తున్నారు. వాతావరణ ఆధారిత, మోడిఫైడ్‌ నేషనల్‌ అగ్రికల్చర్‌ (ఎంఎన్‌ఏ) బీమా పథకాల గడువు జులై 31తో ముగియాల్సి ఉంది. ప్రభుత్వం ఈ గడువును సెప్టెంబరు 15 వరకు పొడిగించింది. రాష్ట్ర ప్రభుత్వం వ్యవసాయ రుణాల మాఫీ ప్రకటించడంతో చాలామంది రైతులు పాత రుణాలు చెల్లించలేదు. దీంతో కొత్తగా రుణాలు పొందలేకపోయారు. ఈ నేపథ్యంలో బీమా ప్రీమియం మొత్తాన్ని చెల్లించేందుకు రైతులు ముందుకు వస్తున్నా వ్యవసాయ అధికారులు దరఖాస్తులు తీసుకోవడం లేదు. ‘పొలం పిలుస్తోంది’ కార్యక్రమంలో భాగంగా అధికారులు గ్రామాలకు వెళ్లి.. పంటల బీమా చేసుకోవాలని రైతులకు సూచించారు. స్పందించిన చాలా మంది రైతులు బీమా ప్రీమియం చెల్లించేందుకు ముందుకొచ్చారు. ప్రీమియం చెల్లించిన కొంతమంది రైతుల దరఖాస్తులను తీసుకొని వ్యవసాయాధికారులు హైదరాబాద్‌ బషీర్‌బాగ్‌లోని బీమా కంపెనీ కార్యాలయానికి వెళ్లగా జులై 31 తర్వాత తేదీతో చెల్లించిన వాటిని తిరస్కరించారు. గడువు పొడిగింపుపై తాము ప్రభుత్వానికి లేఖ రాశామని, దీనిపై వివరణ అందాల్సి ఉందని ఉన్నతాధికారులు చెబుతున్నట్లు వ్యవసాయ అధికారులు పేర్కొన్నారు. బీమా గడువు పొడిగించిన ఉత్తర్వులను చూపించినా వెనక్కి పంపించేశారు. దీంతో అధికారులు కూడా రైతుల నుంచి దరఖాస్తులు స్వీకరించడం లేదు.

రాష్ట్రంలో ఎండుమిర్చి, టమోటా, పత్తి, వేరుసెనగ, ఆయిల్‌పామ్‌, బత్తాయి పంటలకు వాతావరణ ఆధారిత బీమాను ప్రభుత్వం ప్రకటించింది. రాయలసీమకు వాతావరణ ఆధారిత పంటల బీమా కింద వేరుసెనగ పంటను చేర్చింది. అనంతపురం, కడప, చిత్తూరుతోపాటు కర్నూలులోనూ వేరుసెనగ పంటను రైతులు ఎక్కువగా సాగు చేస్తారు. వేరుసెనగను వర్షాధారంగానే సాగు చేస్తారు. ప్రస్తుతం వర్షాభావ పరిస్థితులు నెలకొనడంతో కర్నూలు జిల్లాలోని డోన్‌ ప్రాంతంలో రైతులు వేరుసెనగ పంటలను దున్నేస్తున్నారు. ఇలాంటి సమయంలో రైతులను ఆదుకునేది వాతావరణ ఆధారిత పంటల బీమా మాత్రమే. కానీ దానికి సంబంధించిన దరఖాస్తులనూ తీసుకోవడం లేదు. కర్నూలు జిల్లాలోని గోనెగండ్ల మండలం కులుమాలు గ్రామానికి చెందిన రైతు వీరన్న ఆగస్టు 2న ప్రీమియం మొత్తాన్ని డీడీ రూపంలో చెల్లించగా దరఖాస్తును తీసుకొనేందుకు బీమా అధికారులు తిరస్కరించారు. ఇదే గ్రామానికి చెందిన మరో రైతు దరఖాస్తును కూడా తీసుకోలేదు. రాయలసీమలో పత్తి పంటను కూడా అధికంగా సాగు చేస్తారు. దీనికి ఎంఎన్‌ఏ బీమా చెల్లించేందుకు రైతులు సిద్ధంగా ఉన్నా వ్యవసాయ అధికారులు దరఖాస్తులు తీసుకోవడం లేదు.

కమిషనర్‌ దృష్టికి తీసుకెళ్లాం: ఠాగూర్‌, జేడీఏ
హైదరాబాద్‌లోని బీమా కంపెనీ అధికారులు దరఖాస్తులు తీసుకోవడం లేదని తెలిసి వ్యవసాయశాఖ కమిషనర్‌తో మాట్లాడాం. రైతులతోనే ‘మీసేవ’లో బీమా ప్రీమియం చెల్లించి దరఖాస్తులను తీసుకొని దగ్గర ఉంచుకోవాలని కమిషనర్‌ వ్యవసాయ అధికారులకు సూచించారు.

మాధవన్‌ పళ్లురాలగొట్టాను..!

సినిమా కోసం ఉత్తుత్తినే కాదు.. నిజంగానే అంతపని చేసిందట రితిక. గత వారం విడుదలై సంచలన విజయం సాధించిన ‘సాలా ఖడూస్‌’ చిత్రం కథానాయిక. అప్పుడెప్పుడో పరుగుల రాణీ...

‘శ్రీశ్రీ’ డబ్బింగ్‌ పూర్తి

అలనాటి తెలుగు సూపర్‌స్టార్‌ కృష్ణ, ఆయన భార్య విజయ నిర్మల కీలక పాత్రధారులుగా తెరకెక్కిన ‘శ్రీశ్రీ’ చిత్రం దాదాపు పూర్తయ్యింది....

 
 
 
 
 
Copyright © 2014 Ushodaya Enterprises Pvt. Ltd., All Rights Reserved.
For Digital Marketing enquiries contact 9000180611 or Mail :Marketing@eenadu.net