Sat, February 13, 2016

Type in English and Give Space to Convert to Telugu

'ప్యాకేజీ ఇవ్వండి''విలీనమా.. అనర్హతా?''అదనపు పనులన్నీ పాత గుత్తేదారులకే''భారతమాతను కించపరిస్తే సహించం''‘తెలంగాణ బ్రాండ్‌’ పేరుతో అమ్మకాలు''శాశ్వత ఉత్సవంగా మేడారం జాతర''కేంద్ర బడ్జెట్‌లో వ్యవసాయం''విలీన లేఖపై ఏమి చేయాలి?''వీరసేనానికి కన్నీటి వీడ్కోలు''అమ్మతనానికి అండ'
కేంద్రం చెప్పినా ఇదేం తీరు..!
తెలంగాణ బ్యాంకర్ల వింత వైఖరి
రూ.6,655 కోట్ల మేర సాగు రుణాల తగ్గింపు
లక్ష్యాల పెంపు అనివార్యం
మళ్లీ జిల్లాల నుంచి ప్రతిపాదనలు
ఈనాడు - హైదరాబాద్‌
వ్యవసాయానికి భారీగా పరపతి సౌకర్యాన్ని కల్పించాలనే కేంద్ర ప్రభుత్వ లక్ష్యాన్ని తెలంగాణలోని బ్యాంకులు విస్మరించాయి. కేంద్రం చెప్పినదానికంటే రూ.6,655 కోట్లమేర తక్కువగా వ్యవసాయరుణాలను రైతులకు ఇవ్వాలని నిర్ణయించాయి. కేంద్ర లక్ష్యాన్ని కుదించేసిన విషయాన్ని నాబార్డు వెల్లడించటంతో ఇప్పుడు తాజా వార్షిక రుణప్రణాళికలో మార్పులు అనివార్యమయ్యాయి. జిల్లాల సంప్రదింపుల మండళ్ల(డీసీసీ) నుంచి ప్రతిపాదనలను స్వీకరించి ఆమేరకు రుణపంపిణీని పెంచాల్సిన అవసరం ఏర్పడింది. రుణప్రణాళికలో సవరణలు వస్తే రైతుకు మరింత రుణం అందటానికి వీలవుతుంది.

దేశవ్యాప్తంగా ప్రస్తుత ఆర్థికసంవత్సరంలో రూ.8.5లక్షల కోట్లను వ్యవసాయ రుణాలుగా అందజేయాలని కేంద్రం ఇప్పటికే నిర్ణయించింది. మొత్తాన్ని రాష్ట్రాలవారీగా విభజించి తెలంగాణ వాటాను రూ.37,650కోట్లగా నిర్ధారించింది. రాష్ట్రస్థాయి బ్యాంకర్లసమితి(ఎస్‌ఎల్‌బీసీ) ఇందుకు భిన్నమైన రుణప్రణాళికను తయారుచేసింది. కేంద్రం చెప్పినదానికంటే రూ.6,655కోట్లను తగ్గించి రూ.27,800కోట్ల కేటాయింపులతో మంగళవారం వార్షిక రుణప్రణాళికను వెలువరించింది. దీంతో కేంద్రం చెప్పినదానికంటే పంటరుణాల్లో రూ.4,590 కోట్లు, టర్మ్‌రుణాల్లో రూ.2,065 కోట్లమేర తగ్గిపోయాయి.

మళ్లీ డీసీసీ సమావేశాలు జరపాల్సిందే
వ్యవసాయ రుణలక్ష్యాలను పెంచాలంటే మళ్లీ జిల్లాలవారీగా అంచనాలు వేయకతప్పదు. దీంతో జిల్లాల్లో బ్యాంకర్లు, అధికారులతో కలసివుండే డీసీసీలు భేటీకావాల్సివుంటుంది. ఈ నేపథ్యంలో లోటు భారీగా ఉన్నందున మళ్లీ డీసీసీల నుంచి ప్రతిపాదనలను స్వీకరించాలని బ్యాంకర్లసమితి భావిస్తోంది.

రైతు అవసరాలకంటే తక్కువ
జిల్లాలవారీగా రైతులకు ఈఏడాది ఏమేరకు రుణవితరణ అవసరమో పేర్కొంటూ నాబార్డు వేసిన అంచనాలను సైతం బ్యాంకులు పక్కన పెట్టినట్టు తేలింది. ఇలా నాబార్డు ఏటా రుణావసరాలపై అందజేసే నివేదికనే సామర్ధ్య అనుసంధాన ప్రణాళిక(పీఎల్‌పీ)గా వ్యవహరిస్తారు. దీని ప్రకారమైతే వ్యవసాయరుణాలుగా రూ.35,179 కోట్లను నిర్దేశించాలి. ఇందులో పంటరుణాలుగా రూ.25,779 కోట్లు వెళ్లాలి. ఈ పీఎల్‌పీతో పోలిస్తే బ్యాంకులు రూ.4,184 కోట్లను తగ్గించేసినట్లయ్యింది.

మా వూరికి మంచి నీళ్లు...

బాగా ఆస్తిపాస్తులున్న వాళ్లని శ్రీమంతులంటారు.మహేశ్‌బాబు నటించిన ‘శ్రీమంతుడు’ చూశాక ఆ అర్థం మారిపోయిందనే చెప్పవచ్చు. ఎక్కడ పెరిగినా, స్థిరపడినా సొంతూరి...

ప్రేమలు మెరిసే.. తారలు మురిసే!

ప్రేమ ఓ అనీర్వచనీయమైన అనుభూతి. ప్రేమలో పడితేనే దాని మాధుర్యం ఏంటో తెలిసేది. నిజ జీవితాల్లోనే కాదు వెండితెరపైనా ప్రేమ అద్భుతమైన విజయాలు అందించింది....

 
 
 
 
 
Copyright © 2014 Ushodaya Enterprises Pvt. Ltd., All Rights Reserved.
For Digital Marketing enquiries contact 9000180611 or Mail :Marketing@eenadu.net