Tue, February 09, 2016

Type in English and Give Space to Convert to Telugu

'ఔషధనగరిలో ప్రపంచశ్రేణి విశ్వవిద్యాలయం''భూసేకరణ, పునరావాసాలకేరూ. 8,000 కోట్లు''నెట్‌ సమానత్వానికే ట్రాయ్‌ మొగ్గు!''ముద్రగడ దీక్ష విరమణ''తెలంగాణ ప్రణాళిక భేష్‌''విద్వేషాలు రెచ్చగొడుతూ రాజకీయాలా?''డాక్టర్‌.. ధనాధన్‌..''రసాయన పరిశ్రమలో పేలుడు''నడి వీధిలో పైశాచికం''పాక్‌ నుంచే కుట్ర'
తేలని ఉద్యోగుల లెక్కలు
అంతా.. అయోమయం
సంక్లిష్టంగా మారిన సిబ్బంది విభజన
ఈనాడు, హైదరాబాద్‌: ఉద్యోగుల విభజన ప్రక్రియ ప్రాథమిక స్థాయిలోనే సంక్లిష్టంగా మారింది. ఉద్యోగుల లెక్కల చిక్కుముడులు ఇప్పట్లో వీడేలా కనిపించటంలేదు. ఉద్యోగుల వివరాలకు సంబంధించిన లెక్కల్లో గందరగోళం నెలకొంది. కేవలం 12 శాతం శాఖల నుంచే సరైన వివరాలు అందగా.. మరో 88 శాతం శాఖలు పక్కా వివరాలను అందించాల్సి ఉంది. దీంతో ఉద్యోగుల వివరాలకు సంబంధించి సరైన లెక్కలు పంపాలని ప్రభుత్వం అత్యవసరంగా పలు శాఖలకు అంతర్గత ఉత్తర్వులు పంపింది. మొత్తం 181 శాఖాధిపతు(హెచ్‌వోడీ)ల నుంచి ఉద్యోగుల వివరాలు ప్రభుత్వానికి అందాల్సి ఉండగా.. వాటిలో 12 శాతం మంది హెచ్‌వోడీల నుంచే సరైన వివరాలు వచ్చాయి. మిగతా హెచ్‌వోడీల నుంచి వచ్చిన లెక్కలు గందరగోళంగా ఉన్నాయి. ఈ లెక్కల్లో ఆర్థిక శాఖ మంజూరు చేసిన పోస్టులకు, పనిచేస్తున్న ఉద్యోగుల సంఖ్యకు పొంతలేకుండా ఉంది. ఉద్యోగుల సీనియార్టీలూ తెలియడం లేదు. రాష్ట్ర స్థాయి పోస్టుల్లో తప్పులు చోటు చేసుకొంటే విభజనపై ఆ ప్రభావం పడుతుందని ఆర్థిక శాఖ తీవ్ర అందోళన వ్యక్తంచేస్తోంది. దీంతో సరైన వివరాలు కావాలంటూ ఒక అత్యవసర అంతర్గత ఉత్తర్వును అన్ని శాఖలకు పంపింది.

వివిధ శాఖల్లో విభగాల వారీగా ఇంతవరకు మంజూరైన పోస్టులకు, వాటిలో పనిచేస్తున్నట్టుగా ఆయా శాఖాధిపతులు చూపిస్తున్న ఉద్యోగుల సంఖ్యకు పొంతన కుదరటంలేదు. మొత్తం 10.40 లక్షల పోస్టులకు సంబంధించిన వివరాలు ఆర్థిక శాఖకు రావాల్సి ఉండగా వీటిలో 9.89 లక్షల పోస్టుల్లో పనిచేస్తున్న ఉద్యోగుల వివరాలు వచ్చాయి. వీటిని శాఖలవారీగా, క్యాటగిరీల వారీగా సరిపోల్చినప్పుడు అనేక వైరుధ్యాలు కనిపిస్తున్నాయి. దీంతో ఈ నెల 13 నుంచి మూడు రోజుల పాటు తుది విడత సమావేశాలను నిర్వహించి ఉద్యోగుల వివరాలను ఏ విధంగానైనా సరే ఖరారు చేసుకోవాలని ఆర్థిక శాఖ నిర్ణయించింది.

ఇవీ వైరుధ్యాలు..!
* మొత్తం శాఖాధిపతులు 181 మంది

* పోస్టుల మంజూరీ కన్నా ఎక్కువగా ఉద్యోగుల సంఖ్య చూపుతోంది 51 మంది శాఖాధిపతులు

* తక్కువగా చూపుతోంది 107 శాఖలు

* సరైన వివరాలు సమర్పించింది 23 శాఖలు (ఇది మొత్తంలో 12.70 శాతం)

* ఉద్యోగుల వివరాలు శాఖల వారీగా మాత్రమే కాకుండా క్యాటగిరీల వారీగా కూడా సరిపోవాలి

* వ్యవశాయ శాఖలో 87 క్యాటగిరీలు ఉండగా హెచ్‌వోడీ మాత్రం 108 క్యాటగిరీల వివరాలు పంపారు

* ఖాళీల సంఖ్యను సరిగ్గా అంచనావేయాల్సిన అవసరం ఉంది. వీటిని కూడా విభజించాల్సి ఉన్నందున ఈ సమాచారం చాలా కీలకం.

* క్యాటగిరీ వారీగా ఉద్యోగుల సీనియార్టీ సమాచారం కూడా చాలా అవసరం.

* చాలా శాఖలు ఒకే సినియార్టీలో ఒకరికంటే ఎక్కువమంది ఉద్యోగుల వివరాలను చూపిస్తున్నాయి

* కొన్ని శాఖలు జీరో సీనియార్టీని చూపించాయి

పదుగురి కోసం ఆరుగురం!

కాలేజీ స్నేహితులకో వాట్స్‌యాప్‌ గ్రూప్‌ చిన్నప్పటి మిత్రులకో ఫేస్‌బుక్‌ గ్రూప్‌ బంధువులందరినీ కలిపేందుకు గూగుల్‌ ప్లస్‌.. ఇలా నేటి సామాజిక మాధ్యమాలని మస్తుగా వాడుకుంటోంది...

పచ్చబొట్టేసి...జోలీకి నచ్చేసి!

ఏంజెలీనా జోలీకి రెండంటే మహా ఇష్టం. ఒకటి పిల్లలు, రెండు టాటూలు. ముగ్గురు కన్నబిడ్డలతో పాటు మరో ముగ్గురు అనాథలను దత్తత తీసుకుని పెంచుకుంటోంది జోలీ...

 
 
 
 
 
Copyright © 2014 Ushodaya Enterprises Pvt. Ltd., All Rights Reserved.
For Digital Marketing enquiries contact 9000180611 or Mail :Marketing@eenadu.net