Sun, February 07, 2016

Type in English and Give Space to Convert to Telugu

'కడలి వేదికగా కదన విన్యాసం''కల్తీల నుంచి కాపాడాలి''ఎస్సై కొలువులకు సై''వాట్సన్‌ @ రూ. 9.5 కోట్లు''హామీలు నెరవేర్చే వరకు దీక్ష''అన్నయ్యే వారసుడు..''ప్రజల మనసులు చూరగొంటూ..''సాగర జలాల్లో స్నేహబంధం''కాగిత రహిత టికెట్ల దిశగా రైల్వే''అనుమతి లేకుండా ప్రాజెక్టులు'
ఇందూ నుంచి అందులోకి..
జగన్‌కు చెందిన కార్మెల్‌ ఏషియాలోకి నిధుల మళ్లింపు
సీబీఐ విచారణలో వెల్లడి .. ఛార్జి షీటులో స్పష్టీకరణ
ఈనాడు - హైదరాబాద్‌
ర్హత లేని ఇందూ ప్రాజెక్ట్స్‌.. అనేక గృహ నిర్మాణ ప్రాజెక్టులు పొందింది. అంతేకాక, కూకట్‌పల్లి హౌసింగ్‌ ప్రాజెక్టు నిర్మాణం కోసం హెచ్‌డిఎఫ్‌సి బ్యాంకు సమకూర్చిన రుణం నుంచి వై.ఎస్‌.జగన్మోహన్‌రెడ్డికి చెందిన కార్మెల్‌ ఏషియా హోల్డింగ్స్‌ ప్రైవేటు లిమిటెడ్‌లోకి నిధులు మళ్లించినట్లు సీబీఐ విచారణలో తేలింది. అప్పటి ముఖ్యమంత్రి వై.ఎస్‌.తో జగన్‌, వై.వి.సుబ్బారెడ్డి కుమ్మక్కై అర్హతలేని ఇందూ ప్రాజెక్ట్స్‌కు, శ్యాంప్రసాద్‌రెడ్డికి గృహనిర్మాణ ప్రాజెక్టులు దక్కేలా చేసి అక్రమంగా ఆర్జించారని సీబీఐ తన ఛార్జిషీటులో స్పష్టంచేసింది. విశ్వసనీయవర్గాల సమాచారం ప్రకారం అందులోని ముఖ్యాంశాలు..

హౌసింగ్‌ ప్రాజెక్టు కోసం ఆసక్తి చూపుతూ మొదట కన్సార్టియంగా దరఖాస్తు చేసినప్పుడు, అందులో భాగంగా ఉన్న ఎంబసీ రియల్టర్స్‌ 30 శాతం, యూనిటీ ఇన్‌ఫ్రా ప్రాజెక్ట్స్‌ 25 శాతం, సోమా 25 శాతం, ఇందూ ప్రాజెక్ట్స్‌ 20 శాతం వాటా కలిగి ఉన్నాయి. తర్వాత ఇందులో సవరణలు చేసి వరుసగా 25, 20, 20, 20 శాతం వాటాలుగా మార్పు చేయడంతోపాటు కొత్తగా అవినాష్‌బోస్లేకు 15 శాతం వాటా చూపారు. చివరకు యూనిటీ ఇన్‌ఫ్రా వాటా ఒక శాతానికి, సోమా ఎంటర్‌ప్రైజెస్‌ వాటా 14 శాతానికి తగ్గిపోయి ఇందూ ప్రాజెక్ట్స్‌ వాటా 51 శాతానికి చేరింది. యూనిటీ ఇన్‌ఫ్రా ప్రాజెక్ట్స్‌, సోమా ఎంటర్‌ప్రైజెస్‌ ఆర్థిక అర్హతల ఆధారంగా కన్సార్టియానికి గృహ నిర్మాణ ప్రాజెక్టు దక్కితే, చివరకు ఈ రెండు సంస్థలు నామమాత్రం కావడంతో పాటు ప్రధాన వాటా శ్యాంప్రసాద్‌రెడ్డికి చెందిన ఇందూ ప్రాజెక్ట్స్‌ చేతిలోకి వెళ్లింది. తర్వాత కూకట్‌పల్లిలోని 50 ఎకరాల్లో గృహనిర్మాణ ప్రాజెక్ట్‌ కోసం స్పెషల్‌ పర్పస్‌ వెహికల్‌(ఎస్‌పీవీ) సైబరాబాద్‌ హైటెక్‌ ఇంటిగ్రేటెడ్‌ టౌన్‌షిప్‌ డెవలప్‌మెంట్‌ కార్పొరేషన్‌ ప్రైవేట్‌ లిమిటెడ్‌ (చిడ్కో ప్రై. లిమిటెడ్‌)ను ఏర్పాటుచేసినట్లు 2005 జనవరి 22న గృహనిర్మాణ మండలికి శ్యాంప్రసాద్‌రెడ్డి లేఖ రాశారు. అందులో ఇందూ ప్రాజెక్ట్స్‌ వాటా 51.25 శాతం, ఎంబసీ రియల్టర్స్‌ వాటా 34.75 శాతం, అవినాష్‌.ఎస్‌.బోస్లే వాటా 14 శాతంగా పేర్కొన్నారు. సోమ, యూనిట్‌ ఇన్‌ఫ్రా ప్రాజెక్టులను కన్సార్టియం నుంచి తప్పించారు. ఏ సంస్థల అర్హతలపై ప్రాజెక్టు వచ్చిందో ఆ సంస్థలు పక్కకు పోయాయి.

నిబంధనలకు నీళ్లు...: ఒప్పందానికి సంబంధించిన అన్ని నిబంధనలను తుంగలో తొక్కారు. దీనికి తోడు మొదట ఇచ్చిన 50 ఎకరాలే కాక మరో 15 ఎకరాలను హౌసింగ్‌బోర్డు అదనంగా కేటాయించింది. ఇందూ ప్రాజెక్ట్స్‌కు గృహనిర్మాణ ప్రాజెక్టులు దక్కడానికి అవసరమైన ప్రతి సందర్భంలోనూ అప్పటి ముఖ్యమంత్రి రాజశేఖర్‌రెడ్డి జోక్యం చేసుకొన్నారు. గచ్చిబౌలిలోని 4.23 ఎకరాల్లో వసంత ప్రాజెక్ట్స్‌కు కేటాయించిన ప్రాజెక్టులో రూ.25.42 కోట్ల విలువ గల 50 శాతం వాటాను వై.ఎస్‌.తోడల్లుడు సుబ్బారెడ్డి పొందారని, ఇందులో కూడా శ్యాంప్రసాద్‌ రెడ్డి పాత్ర ఉందని సీబీఐ పేర్కొంది. కూకట్‌పల్లి హౌసింగ్‌ ప్రాజెక్టు కోసం 2006 సెప్టెంబరు 12న చిడ్కోకు హెచ్‌.డి.ఎఫ్‌.సి రూ.80 కోట్లు మంజూరు చేసింది. ఇందులోంచి రూ.20 కోట్లు అదే ఏడాది డిసెంబరు 28న చిడ్కో వినతి మేరకు ఈ సంస్థకు బంజారా హిల్స్‌లోని యుకో బ్యాంక్‌లో ఉన్న కరెంట్‌ ఖాతాలోకి హెచ్‌.డి.ఎఫ్‌.సి బదిలీ చేసింది. అదే రోజు శ్యాం ప్రసాద్‌రెడ్డి రూ.20 కోట్లను ఖైరతాబాద్‌లోని బ్యాంక్‌ ఆఫ్‌ ఇండియాలో గల వాల్డెన్‌ ప్రాపర్టీస్‌కు బదిలీ చేశారు. వాల్డెన్‌ ప్రాపర్టీస్‌ కూడా శ్యాం ప్రసాద్‌రెడ్డి, ఆయన భార్య పేరు మీదే ఉంది. 2007 జనవరి రెండున శ్యాంప్రసాద్‌రెడ్డి రూ.ఐదుకోట్లకు నిమ్మగడ్డ ప్రసాద్‌కు చెందిన వీన్‌ ప్రమోటర్స్‌ పేరుతో చెక్కు ఇచ్చారు. అదే రోజు ఈ రూ.ఐదు కోట్లను వీన్‌ ప్రమోటర్స్‌ నుంచి నిమ్మగడ్డ ప్రసాద్‌కే చెందిన బెటా అవెన్యూ ప్రైవేట్‌ లిమిటెడ్‌కు బదలాయించారు. బెటా అవెన్యూ నుంచి వై.ఎస్‌.జగన్‌కి చెందిన కార్మెల్‌ ఏషియా హోల్డింగ్స్‌ ప్రైవేట్‌ లిమిటెడ్‌లోకి ఈ రూ.ఐదు కోట్లను బదలాయించారంటూ ఇందులో జరిగిన నేరపూరిత కుట్రను, క్విడ్‌ ప్రోకోను సీబీఐ బహిర్గతం చేసింది. ఆ తర్వాత జగన్మోహన్‌రెడ్డి, శ్యాంప్రసాద్‌రెడ్డిల మధ్య సంబంధాలు కొనసాగాయని స్పష్టంచేసింది. శ్యాం ప్రసాద్‌రెడ్డి కుట్రపూరితంగా వ్యవహరించి కూకట్‌పల్లిలో రూ.398.68 కోట్లు, బండ్లగూడలో రూ.434.86 కోట్ల విలువగల ప్రాజెక్టులను పొందారని సీబీఐ తేల్చింది. గచ్చిబౌలిలో 4.23 ఎకరాల భూమిని గృహ నిర్మాణ ప్రాజెక్టుకు తీసుకొన్న శ్యాంప్రసాద్‌రెడ్డి దీనిని వై.వి.సుబ్బారెడ్డి, వి.వి.కృష్ణప్రసాద్‌లకు నిబంధనలకు విరుద్ధంగా ఎలా బదలాయించిందో సీబీఐ వెల్లడించింది.

వెలుగు వైపు నా అడుగులు...

బడిగంట కొట్టగానే పిల్లలందరూ బిలబిలమంటూ బయటకు పరుగుతీశారు. టీచర్లూ ఇంటిదారిపట్టారు. ఒకరిద్దరు తప్ప నిర్మానుష్యంగా మారిన ఆ బడిలో..

పరిశ్రమ వదిలి వెళ్లిపోదామనుకున్నా!

మానవీయ కోణాల్ని స్పృశిస్తూ సినిమాలు తీయడంలో దర్శకుడు మదన్‌ది ప్రత్యేక శైలి. మనిషి, మనసు, అనుబంధాల మధ్య సంఘర్షణల్ని ఆయన తెరపైకి తీసుకొచ్చే విధానం బాగుంటుంది.

 
 
 
 
 
Copyright © 2014 Ushodaya Enterprises Pvt. Ltd., All Rights Reserved.
For Digital Marketing enquiries contact 9000180611 or Mail :Marketing@eenadu.net