Sun, February 07, 2016

Type in English and Give Space to Convert to Telugu

'గులాబీ.. సునామీ''మాట నిలబెట్టుకుంటాం''నౌకా సంరంభం నేడే''కక్షతోనే పార్లమెంటులో రగడ!''వ్యూహాత్మక విజయం''ఆఖర్లో వచ్చారు.. అదరగొట్టారు!''సమర సేనాని''పర్యాటకులకు మణిహారం''ముద్రగడ ఆమరణ దీక్ష''హైదరాబాద్‌లో మరో రెండు పెద్దాసుపత్రులు'
పంటల పరిస్థితి ఘోరం
ఈ నెలలో వర్షాలు లేకుంటే పోయినట్టే..
చిన్నపాటి వర్షాలకే రైతులు విత్తులేశారు
అవన్నీ చేతికొస్తాయనే నమ్మకం లేదు
కేంద్ర పరిశోధనా సంస్థల నివేదిక
ఈనాడు - హైదరాబాద్‌
తెలంగాణలో వర్షాభావం తీవ్రంగా ఉంది... ఇప్పటివరకూ రైతులు వేసిన విత్తనాలన్నీ సక్రమంగా మొలకెత్తి పంటలు చేతికి రావాలంటే... ఈ నెలలో కురిసే వర్షాలే కీలకం.. లేకుంటే ఖరీఫ్‌ పంటలు పోయినట్టేనని శాస్త్రవేత్తలు స్పష్టం చేశారు. వర్షాభావ పరిస్థితులు, పంటల సాగుతీరుపై హైదరాబాద్‌లోని కేంద్ర వ్యవసాయ పరిశోధనా సంస్థల శాస్త్రవేత్తలు ప్రత్యేక నివేదిక రూపొందించారు. భారత వ్యవసాయ పరిశోధనా మండలి (ఐసీఏఆర్‌) ఆదేశాల మేరకు జాతీయ మెట్ట పంటల పరిశోధనా కేంద్రం, జొన్న పరిశోధనా కేంద్రం, వరి పరిశోధనా సంస్థ, నూనెగింజల పరిశోధనా సంస్థ వంటి జాతీయ పరిశోధనా కేంద్రాలకు చెందిన శాస్త్రవేత్తలు తెలంగాణలో పర్యటించి వాస్తవ పరిస్థితులపై నివేదిక రూపొందించారు. జూన్‌ నుంచి వర్షాలు సరిగా కురవకపోవడం వల్ల ఖరీఫ్‌ పంటల సాగుపై తీవ్ర ప్రభావం పడింది. ఇప్పటివరకూ సాగు కావాల్సిన విస్తీర్ణంలో 97శాతం సాగు అయిందని తెలంగాణ రాష్ట్ర వ్యవసాయ శాఖ చెపుతోంది. నిజానికి ఈ సాగు విస్తీర్ణమంతా దిగుబడులు వచ్చే పరిస్థితులు ఇప్పటికైతే లేవు. చాలా మండలాల్లో 30శాతం కూడా సాగు కాలేదు. పైగా రైతులు చిన్నపాటి వర్షాలకే విత్తనాలు వేశారు. అదంతా పంటలు సాగయినట్లుగా వ్యవసాయశాఖ చెపుతోంది. జూన్‌లో తొలుత వేసిన విత్తనాలు సరిగా మొలకెత్తలేదు. కొన్ని మొలకెత్తినా వర్షాలు లేక ఎండిపోయాయి. అందువల్ల మళ్లీ పంటలు వేశారు. ఇలా రైతులు నానా కష్టాలు పడి పంటలు సాగుచేశారు. ఇటీవల కురిసిన వర్షాలకు ఇవి కాస్త కోలుకున్నాయి. కానీ, అవి నిలదొక్కుకోవాలంటే ఆగస్టు నెలలో కురిసే వర్షాలే అత్యంత కీలకం. ప్రస్తుతం తెలంగాణలో వర్షపాతం లోటు 47శాతం వరకు ఉంది. అది సాధారణ స్థాయికి రావాలంటే ఈ నెలంతా వర్షాలు పడాలి. కానీ, నల్గొండ, నిజామాబాద్‌, ఆదిలాబాద్‌ తదితర జిల్లాల్లో వర్షపాతం లోటు అధికంగా ఉన్నందున పరిస్థితులు బాగా లేవు. రంగారెడ్డి, మెదక్‌, కరీంనగర్‌ జిల్లాల్లో రైతులు రెండుసార్లు విత్తనాలు వేశారు. వాటిని కాపాడుకోవడానికి ఇప్పుడు నానా తంటాలు పడుతున్నారు. ఈ నెలలో వర్షాలు బాగా కురిసి పంటలు నిలదొక్కుకోకపోతే అక్టోబరు నుంచి మొదలయ్యే రబీ సాగుకు రైతులకు సహకరించాలి. ఖరీఫ్‌ సరిగా పండకపోతే ప్రత్యామ్నాయ పంటల సాగుకు రైతులకు అన్ని విధాలుగా సహకరించాలని ఐసీఏఆర్‌కు నివేదించినట్లు సీనియర్‌ శాస్త్రవేత్త ఒకరు ‘ఈనాడు’కు చెప్పారు.

జీన్స్‌ ప్రభ!

కొన్నిరోజులు వాడగానే జీన్స్‌ బిగుతైపోతాయి. అలాగని వాటిని పారేయలేం. ఎందుకంటే చూడ్డానికేమో కొత్తగా ఉంటాయి. అలాంటి జీన్స్‌నే రీసైకిల్‌ చేసి కొత్త ఉత్పత్తులుగా మార్కెట్‌లోకి...

బుల్డోజర్స్‌పై విజయం మాదే: అఖిల్‌

సినీతారల క్రికెట్‌ మ్యాచ్‌లకు అభిమానుల నుంచి విశేష స్పందన లభిస్తోందని తెలుగు వారియర్స్‌ జట్టుకు సారథ్యం వహిస్తున్న యువ కథానాయకుడు అఖిల్‌....

 
 
 
 
 
Copyright © 2014 Ushodaya Enterprises Pvt. Ltd., All Rights Reserved.
For Digital Marketing enquiries contact 9000180611 or Mail :Marketing@eenadu.net