Mon, February 08, 2016

Type in English and Give Space to Convert to Telugu

'పట్టణాభిషేకం''వాస్తవాల ప్రతిబింబంగా బడ్జెట్‌''నీటిపై నిప్పుల వాన''సీఎం మొండి అయితే.. నేను జగమొండి''తీరప్రాంత దేశాల మధ్య సహకారం పెరగాలి''ఉత్తర కొరియా రాకెట్‌ ప్రయోగం''చిరుతకు చిక్కి .. ప్రాణాలతో బయటపడి''మౌఖికంలో మార్కులు ఖాయం''ఎయిమ్స్‌కు 220 ఎకరాలు కేటాయింపు''‘అంకుర’ భయాలొద్దు'
ఉపాధే అతిపెద్ద సవాల్‌
ఉమ్మడి ఆంధ్రప్రదేశ్‌లో నిరుద్యోగం.. జాతీయ సగటు కన్నా అధికం
కేంద్ర ఆర్థిక సర్వేలో విశేషాలు
ఈనాడు - హైదరాబాద్‌
ఉమ్మడి ఆంధ్రప్రదేశ్‌లో నిరుద్యోగ సమస్య జాతీయ సగటు కన్నా ఎక్కువ.
అక్షరాస్యతలో ఛత్తీస్‌గఢ్‌ కంటే వెనుకబాటే..
శిశు మరణాల రేటు ప్రతి వెయ్యికీ ఏకంగా 41..
ఉపాధి కల్పనలోనూ తీసికట్టే...
నేపథ్యంలో యువతలో నైపుణ్యం పెంచటం, వారి సేవలను సమర్థంగా వినియోగించుకోవడం ఆంధ్రప్రదేశ్‌, తెలంగాణ రాష్ట్రాల ముందున్న పెద్ద సవాల్‌.. ప్రధానంగా వారి ఆరోగ్యం, విద్య, ప్రమాణాలను పెంచడం, భద్రత అనేవి అతి ప్రాధాన్య అంశాలు... రాష్ట్రాల్లోని జనాభా సగటు వయసును దృష్టిలో ఉంచుకుని సామాజిక మౌలిక సదుపాయాలు, ఉపాధి అవకాశాల కల్పనతో పాటు మహిళా సాధికారతకు పెద్దపీట వేయాలి..కేంద్ర ప్రభుత్వం లోక్‌సభలో ప్రవేశపెట్టిన ఆర్థిక సర్వే నివేదికలో ఆంధ్రప్రదేశ్‌ రాష్ట్ర పునర్విభజన బిల్లులోని పై అంశాలను ప్రముఖంగా ప్రస్తావించింది. ఆ బిల్లులో చెప్పినట్లు 14వ ఆర్థిక సంఘం రెండు రాష్ట్రాలకు వనరులు సమకూర్చేందుకు అవసరమైన సిఫార్సులు చేస్తుందని పేర్కొంది.

గుజరాత్‌లో నిరుద్యోగం అత్యల్పం.. మన వద్ద అత్యధికం
గ్రామీణ, పట్టణ ప్రాంతాల్లో అతి తక్కువ నిరుద్యోగ సమస్య ఉన్న రాష్ట్రం గుజరాత్‌. అక్కడి గ్రామీణ ప్రాంతాల్లో నిరుద్యోగం రేటు 1000కి మూడు; పట్టణ ప్రాంతాల్లో అది కేవలం 8. గుజరాత్‌ తర్వాతి స్థానాన్ని మధ్యప్రదేశ్‌, రాజస్థాన్‌ ఆక్రమించాయి. ఉమ్మడి ఆంధ్రప్రదేశ్‌లో నిరుద్యోగ సమస్య జాతీయ సగటు కంటే ఎక్కువ. జాతీయ స్థాయిలో సగటు నిరుద్యోగం గ్రామీణ ప్రాంతాల్లో వెయ్యికి ఏడు, పట్టణ ప్రాంతాల్లో 36. ఉమ్మడి రాష్ట్రంలో గ్రామీణ నిరుద్యోగం వెయ్యికి 12, పట్టణ నిరుద్యోగ రేటు ఏకంగా 43గా ఉంది.

‘ఉమ్మడి’గా అక్షరాస్యత 67 శాతం.. ఛత్తీస్‌గఢ్‌ కన్నా హీనం
ఉమ్మడి ఆంధ్రప్రదేశ్‌ అక్షరాస్యత శాతం 67. ఇది జాతీయ అక్షరాస్యత శాతం 73 కంటే తక్కువ. జార్ఖండ్‌లో ఈ శాతం 66.4. ఛŒత్తీస్‌గఢ్‌లో అది 70.3; దక్షిణాదిన కేరళ(94), కర్ణాటక(75.4), తమిళనాడు(80.1)ల కంటే ఉమ్మడి రాష్ట్రం ఎంతో వెనుకబడింది.
శిశు మరణాల రేటు 41: శిశుమరణాలు కేరళలో అతి తక్కువ (1000కి 12 మాత్రం). మధ్యప్రదేశ్‌లో ఈ సంఖ్య 56. ఉమ్మడి రాష్ట్రంలో 2012 గణాంకాల మేరకు ప్రతి వెయ్యి శిశువుల్లో 41 మరణాలు నమోదయ్యాయి.

ఉపాధి కల్పనలోనూ...
ఉపాధి పనిదినాల కల్పనలో తమిళనాడు, కేరళలవే తొలి రెండు స్థానాలు. తమిళనాడులో ప్రతి కుటుంబానికి 59, కేరళలో 57 రోజుల పని కల్పించారు. ఉమ్మడి రాష్ట్రంలో 2013-14లో సగటున ప్రతి కుటుంబానికి 50 రోజుల పనిదినాలు లభించాయి. ఉపాధిహామీలో మహిళల వాటాల్లోనూ ఉమ్మడి రాష్ట్రం వెనుకబడింది. కేరళలో ఇది 93.4, తమిళనాడులో 84.1శాతంగా ఉంది. ఉమ్మడి రాష్ట్రంలో ఇది కేవలం 58.2 శాతం.
* 2013-14 ఏడాదిలో 15,353 మిలియన్‌ డాలర్ల ఎగుమతులు ఉమ్మడి ఆంధ్రప్రదేశ్‌ నుంచి జరిగాయి. ఇది 2012-13 ఏడాదిలో ఎగుమతుల కన్నా 0.1 శాతం ఎక్కువ. 2011-12లో 5.2 శాతం కాగా, 2012-13లో 4.8శాతం, 2013-14లో 4.9 శాతంగా నమోదైంది. ఎగుమతుల్లో వృద్ధిరేటు 7.3 శాతంగా ఉంది.
* జనాభా పెరుగుదల రేటును నియంత్రిస్తూ బాలబాలికల నిష్పత్తి పెరిగేలా చేసిన రాష్ట్రాల్లో కేరళది అగ్రస్థానం. ఆంధ్రప్రదేశ్‌ది రెండోస్థానం. జనాభా వృద్ధిరేటు ఆంధ్రప్రదేశ్‌లో 11 శాతం ఉండగా, బాలబాలికల నిష్పత్తి 1000:993గా పేర్కొన్నారు.
* జాతీయ ఆరోగ్య మిషన్‌ కింద 24 గంటలు పనిచేసే ప్రాథమిక ఆరోగ్య కేంద్రాల నిర్వహణలో కర్ణాటక ముందుంది. తమిళనాడుది రెండో స్థానం. ఉమ్మడి రాష్ట్రంలో ఎల్లవేళలా పనిచేసే ఆరోగ్య కేంద్రాలు కేవలం 1183 మాత్రమే. కర్ణాటకలో వీటిసంఖ్య ఏకంగా 2328.
* చెన్నై - బెంగళూరు - చిత్రదుర్గ 560 కి.మీ పారిశ్రామిక కారిడార్‌తో కర్ణాటక, ఆంధ్రప్రదేశ్‌, తమిళనాడు రాష్ట్రాలకు ప్రయోజనం కలుగుతుందని సర్వే నివేదికలో వివరించారు. ఈ కారిడార్‌లో 25 ప్రాధాన్య ప్రాజెక్టులను గుర్తించారు.
* విశాఖ-చెన్నై పారిశ్రామిక కారిడార్‌ను నిర్దేశించిన గడువులోగా చేపట్టేందుకు తుది కసరత్తు జరగుతోంది. పునర్విభజన బిల్లులో ఆంధ్రప్రదేశ్‌ రాష్ట్రానికి సంబంధించిన అభివృద్ధి అంశాల్లో ఈ కారిడార్‌ను పేర్కొనగా ఆసియా అభివృద్ధి బ్యాంకు సాయంతో దీన్ని చేపట్టనున్నారు.
* గత ఆర్థిక సంవత్సరంలో ఇందిరా ఆవాస్‌ యోజన కింద 1,72,621 ఇళ్లను నిర్మించారు. నిర్దేశించిన లక్ష్యంలో ఇది 83.3 శాతం.
* రైతులే తమ ఉత్పత్తులను నేరుగా విక్రయించుకునేందుకు కల్పించిన చక్కటి అవకాశంగా కేంద్రం రైతుబజార్లను అభివర్ణించింది.

మాధవన్‌ పళ్లురాలగొట్టాను..!

సినిమా కోసం ఉత్తుత్తినే కాదు.. నిజంగానే అంతపని చేసిందట రితిక. గత వారం విడుదలై సంచలన విజయం సాధించిన ‘సాలా ఖడూస్‌’ చిత్రం కథానాయిక. అప్పుడెప్పుడో పరుగుల రాణీ...

‘శ్రీశ్రీ’ డబ్బింగ్‌ పూర్తి

అలనాటి తెలుగు సూపర్‌స్టార్‌ కృష్ణ, ఆయన భార్య విజయ నిర్మల కీలక పాత్రధారులుగా తెరకెక్కిన ‘శ్రీశ్రీ’ చిత్రం దాదాపు పూర్తయ్యింది....

 
 
 
 
 
Copyright © 2014 Ushodaya Enterprises Pvt. Ltd., All Rights Reserved.
For Digital Marketing enquiries contact 9000180611 or Mail :Marketing@eenadu.net