Fri, February 12, 2016

Type in English and Give Space to Convert to Telugu

'వైజ్ఞానిక మైలురాయి''విశ్రమించిన వీరుడు''మేయర్‌ ఎన్నిక ఏకగ్రీవం''కారెక్కిన మరో తెదేపా ఎమ్మెల్యే''‘బేర్‌’మన్న స్టాక్‌ మార్కెట్లు''‘ఆధార్‌’ ఇక తప్పనిసరి కాదు''కేంద్ర బడ్జెట్‌లో వ్యవసాయం''ఎంపీల జీతభత్యాలు త్వరలో రెట్టింపు!''మార్చి మొదటి వారంలో ‘పుర’ ఎన్నికలు''మేడారం జాతరను జాతీయ పండుగగా ప్రకటించండి'

తెలంగాణకు 53.89 శాతం
ఆంధ్రప్రదేశ్‌కు 46.11 శాతం
మారిన విద్యుత్‌ కేటాయింపులు
కర్నూలు, అనంతపురం  బదలాయింపుతో మార్పులు
2 రాష్ట్రాల అవతరణ తేదీ నుంచి అమలులోకి
ఉత్తర్వులు జారీ చేసిన ఇంధన శాఖ
ఈనాడు - హైదరాబాద్‌
రాష్ట్ర విభజన నేపథ్యంలో విద్యుత్‌ కేటాయింపుల్లోను మార్పు రానుంది. రెండు రాష్ట్రాల ఏర్పాటు తేదీ అంటే జూన్‌ 2వ తేదీ నుంచి ఈ మార్పు వర్తించే విధంగా ప్రస్తుతం అమలులో ఉన్న ఆదేశాలకు సవరణ చేస్తూ ఇంధనశాఖ గురువారం ఉత్తర్వులు జారీ చేసింది. మధ్య విద్యుత్‌ పంపిణీ సంస్థ (సీపీడీసీఎల్‌) పరిధిలో ఉన్న అనంతపురం, కర్నూలు జిల్లాలు దక్షిణ విద్యుత్‌ పంపిణీ సంస్థ (ఎస్పీడీసీఎల్‌) పరిధిలోకి వెళుతున్నాయి. ఈ కారణంగా ఆ రెండు జిల్లాలు వినియోగించే విద్యుత్‌ను సీపీడీసీఎల్‌లో తగ్గించి ఎస్పీడీసీఎల్‌కు బదలాయిస్తున్నారు. తాజా ఆదేశాల్లో ఇందుకు అనుగుణంగా సవరణలు చేశారు. విద్యుత్‌ సంస్కరణల నేపథ్యంలో రాష్ట్రంలో నాలుగు విద్యుత్‌ పంపిణీ సంస్థలు ఏర్పాటయ్యాయి. తెలంగాణలో సీపీడీసీఎల్‌, ఉత్తర విద్యుత్‌ పంపిణీ సంస్థ (ఎన్పీడీసీఎల్‌) ఉండగా ఆంధ్రప్రదేశ్‌లో ఎస్పీడీసీఎల్‌తోపాటు తూర్పు విద్యుత్‌ పంపిణీ సంస్థ (ఈపీడీసీఎల్‌) ఉంది. ఆయా విద్యుత్‌ పంపిణీ సంస్థల్లో అంతకు ముందు ఉన్న విద్యుత్‌ వినియోగాన్ని పరిగణనలోకి తీసుకుని రాష్ట్రంలో అందుబాటులో ఉన్న విద్యుత్‌ను వాటికి కేటాయించారు. ఇందుకు సంబంధించి 2005, ఆ తరువాత 2008లో ప్రభుత్వం గెజిట్‌ నోటిఫికేషన్‌ కూడా జారీ చేసింది. ఆ ఆదేశాలే అమలులో ఉన్నాయి. దీని ప్రకారం విద్యుత్‌ కేటాయింపు... ఈపీడీసీఎల్‌-15.80 శాతం, ఎస్పీడీసీఎల్‌-22.27 శాతం, సీపీడీసీఎల్‌-46.06 శాతం, ఎన్పీడీసీఎల్‌-15.87 శాతం ఉంది. రాష్ట్ర గ్రిడ్‌లోకి వచ్చిన విద్యుత్‌ను అదే దామాషాలో ఆయా సంస్థలకు ఇస్తూ వస్తున్నారు. సీపీడీసీఎల్‌లోని రెండు జిల్లాలు- అనంతపురం, కర్నూలు ఎస్పీడీసీఎల్‌ పరిధిలోకి వెళుతున్నాయి. ఆ మేరకు ఇక్కడ విద్యుత్‌ వినియోగం తగ్గి అక్కడ పెరుగుతుంది. ఈ విషయాన్ని దృష్టిలో పెట్టుకునే 8.37 శాతం విద్యుత్‌ను సీపీడీసీఎల్‌ నుంచి తిరుపతి కేంద్రంగా ఉండే ఎస్పీడీసీఎల్‌కు బదలాయిస్తూ ఆదేశాలు ఇవ్వాలని ఏపీట్రాన్స్‌కో ప్రభుత్వాన్ని కోరింది. తాజా ఆదేశాల ప్రకారం సీపీడీసీఎల్‌ వాటా 38.02 శాతానికి తగ్గి ఎస్పీడీసీఎల్‌కు 30.31 శాతానికి చేరింది. ఈ ప్రకారం తెలంగాణ పరిధిలోని రెండు విద్యుత్‌ పంపిణీ సంస్థల వాటా 53.89 శాతం అవుతుండగా ఆంధ్రప్రదేశ్‌లోని రెండు సంస్థలకు కేటాయిస్తున్నది 46.11 శాతంగా ఉండనుంది.

యథాతథమే!..
విద్యుత్‌ కేటాయింపులో విభజన అనంతరం కూడా ఇదే దామాషా కొనసాగుతుంది. తాజా ఉత్తర్వుల్లోను ఈ విషయం స్పష్టంగా ఉంది. ప్రస్తుతం అమలులో ఉన్న విద్యుత్‌ కొనుగోలు ఒప్పందాలే(పీపీఏ)గాక 2008 ఏప్రిల్‌ తరువాత పీపీఏలు చేసుకుని నిర్మాణంలో ఉన్న విద్యుత్‌ ప్రాజెక్టులకు ఈ దామాషా వర్తిస్తుందని ప్రభుత్వం ఉత్తర్వుల్లో తెలియజేసింది. విద్యుత్‌ కొనుగోలుపై ఏపీజెన్‌కో, ఏపీట్రాన్స్‌కో మధ్య తొలుత ఒప్పందం ఉండేది. అయితే ప్రభుత్వం పీపీఏలను విద్యుత్‌ పంపిణీ సంస్థలకు బదలాయించింది. నాలుగు విద్యుత్‌ సంస్థలు ఉమ్మడిగానే పీపీఏలు చేసుకున్నాయి. ఒక సంస్థకు ఎక్కువ, మరో సంస్థకు తక్కువ విద్యుత్‌ అనేది లేదు. ఆ నేపథ్యంలోనే దామాషా పద్ధతి అనుసరిస్తూ వస్తున్నారు. విద్యుత్‌ ప్లాంట్లు ఎక్కడ ఉన్నాయని గాక పీపీఏల కాలపరిమితి పూర్తయ్యే వరకు ఇదే పద్ధతి కొనసాగవచ్చని భావిస్తున్నారు. థర్మల్‌ విద్యుత్‌ కేంద్రాల్లో 80 శాతం ప్లాంట్‌ లోడ్‌ ఫ్యాక్టర్‌ (పీఎల్‌ఎఫ్‌)పైన ఇది నిర్ణయమైంది. ఒక వేళ పీఎల్‌ఎఫ్‌ 85 శాతం ఉంటే ఆ అదనపు విద్యుత్‌ సంబంధిత రాష్ట్రం హక్కు కానుందని తెలిసింది. అది తన అవసరాలకు వాడుకోవచ్చు. లేకపోతే పక్క రాష్ట్రానికి అమ్ముకోవచ్చు. ఆంధ్రప్రదేశ్‌లో ఈ రకంగా విద్యుత్‌ మిగులు ఉంటే చట్ట ప్రకారం తొలి ప్రాధాన్యత తెలంగాణకు ఇవ్వాలి. అయితే ఎంత రేటుకు అమ్ముకోవచ్చనేది లేదు. అందుకే గరిష్ఠ ధరను నిర్ణయించాల్సిన అవసరముందని విద్యుత్‌ నియంత్రణ మండలి ఇటీవల అభిప్రాయపడింది.

సమంత@100 కేజీలు

మొదటి సినిమాలో సన్నగా సన్నజాజి తీగలా కనిపించి..రెండో చిత్రానికి వచ్చేసరికి బొద్దుగుమ్మగా దర్శనమిచ్చారు ఎంతో మంది కథానాయికలు....

మణిరత్నం వీరాభిమానిని!

హను రాఘవపూడి... తీసింది ‘అందాల రాక్షసి’ ఒక్కటే. దాని చుట్టూ బోలెడు కామెంట్లు.. కాంప్లిమెంట్లు. ‘మణిరత్నం ప్రభావం కుర్రాడిపై చాలా ఎక్కువ ఉంది’ అనుకొన్నారు చాలామంది....

 
 
 
 
 
Copyright © 2014 Ushodaya Enterprises Pvt. Ltd., All Rights Reserved.
For Digital Marketing enquiries contact 9000180611 or Mail :Marketing@eenadu.net