Mon, February 08, 2016

Type in English and Give Space to Convert to Telugu

'కడలి వేదికగా కదన విన్యాసం''కల్తీల నుంచి కాపాడాలి''ఎస్సై కొలువులకు సై''వాట్సన్‌ @ రూ. 9.5 కోట్లు''హామీలు నెరవేర్చే వరకు దీక్ష''అన్నయ్యే వారసుడు..''ప్రజల మనసులు చూరగొంటూ..''సాగర జలాల్లో స్నేహబంధం''కాగిత రహిత టికెట్ల దిశగా రైల్వే''అనుమతి లేకుండా ప్రాజెక్టులు'
బోధన... వేదన
పేరుకుపోతున్న బోధనా రుసుములు
రూ.2500 కోట్లకు చేరిన బకాయిలు
ఖర్చులకు డబ్బులు లేక యాజమాన్యాల విలవిల
పట్టాలు అందక విద్యార్థులకూ వెతలే!
ఈనాడు, హైదరాబాదు: ప్రభుత్వం నుంచి రావలసిన బోధనా రుసుముల బకాయిలు రూ.కోట్లల్లో పేరుకుపోవడంతో కళాశాలలు అల్లాడిపోతున్నాయి. ఉభయ రాష్ట్రాల్లోని ఇంజినీరింగ్‌, ఇతర వృత్తి విద్య కళాశాలలదీ ఇదే పరిస్థితి. బకాయిల కింద కోట్లాది రూపాయలు పేరుకుపోవడంతో దైనందిన కార్యకలాపాలకూ చేతిలో డబ్బులేక కళాశాలల యాజమాన్యాలు ఇబ్బందులు పడుతున్నాయి. అప్పులిచ్చేవారు లేక కళాశాలల మనుగడే ప్రశ్నార్థకంగా మారింది. గత నాలుగైదు నెలల నుంచి వేతనాలు అందక కళాశాలల బోధన, బోధనేతర సిబ్బంది ఆర్థిక ఇబ్బందుల్లో కూరుకుపోతున్నారు.

పథకం రాకతో...!: ఆంధ్రప్రదేశ్‌లో 369, తెలంగాణలో 330 వరకు ఇంజినీరింగ్‌ కళాశాలలు నడుస్తున్నాయి. బీఫార్మసీ, ఎంబీఏ, ఎంసీఏ, ఎంటెక్‌, ఇతర కోర్సులతో నడిచే కళాశాలలు ఇరురాష్ట్రాల్లోనూ అధిక సంఖ్యలోనే ఉన్నాయి. బోధనా రుసుముల చెల్లింపుల పథకం అమల్లోనికి రాకముందు... పరిమిత సంఖ్యలోనే విద్యార్థులకు ప్రభుత్వం నుంచి చెల్లింపులు జరిగేవి. పథకం అమల్లోనికి వచ్చాక 70శాతం నుంచి 80 శాతం మంది విద్యార్థులు బోధనా రుసుముల చెల్లింపుల పథకం కింద చేరిపోతున్నారు. మిగిలిన 20శాతం మంది నుంచి మాత్రమే కళాశాలల యాజమాన్యాలకు ఫీజులు అందుతున్నాయి.

రూ.2500 కోట్ల బకాయిలు!: 2013-14 విద్యా సంవత్సరానికి సుమారు రూ.2500 కోట్ల రూపాయల వరకు చెల్లింపులు జరగాల్సి ఉండగా, ఇంతవరకు అతీగతీ లేనందున యాజమాన్యాలు బెంబెలెత్తిపోతున్నాయి. నాలుగైదు విద్యా సంస్థలు కలిగిన యాజమాన్యాలు ఏదోలా నెట్టుకొస్తుండగా, ఒకే కళాశాలను నడిపే వారి పరిస్థితి దారుణంగా ఉంది. హైదరాబాదు పరిసర ప్రాంతాల్లో ఓ యాజమాన్య పరిధిలోని విద్యా సంస్థలకు రూ.7.5 కోట్ల రూపాయల వరకు బకాయిల కింద చెల్లించాల్సి ఉంది. రూ.కోటి నుంచి మూడు కోట్ల వరకు చెల్లింపులు అందుకోవల్సిన కళాశాలలు అధిక సంఖ్యలో ఉన్నాయి. కళాశాలల యాజమాన్యాలు అనుబంధ గుర్తింపు పునరుద్ధరణ కోసం సంబంధిత విశ్వవిద్యాలయానికి ఫీజు చెల్లించాలి. ఈ మొత్తాన్ని సైతం కళాశాలల యాజమాన్యాలు చెల్లించలేకపోతున్నాయి. ఓ విశ్వవిద్యాలయానికి రూ.40 కోట్లు రావాల్సి ఉంది.

భర్తీ కాని సీట్లు: ఉమ్మడి రాష్ట్రంలో వందలోపు కళాశాలల్లో మాత్రమే సీట్లు ఆశాజనకంగా భర్తీ అయ్యాయి. మిగిలిన కళాశాలల్లో 25 నుంచి 50శాతం మాత్రమే సీట్ల భర్తీ జరిగింది. పూర్తిగా భర్తీ కాకపోయినా అన్ని సబ్జెక్టులకు బోధకులను నియమించాలి. వేతనాలు చెల్లించాలి. ఓవైపు సీట్లు భర్తీకాకపోవడం, మరో వైపు బోధనా రుసుముల చెల్లింపులు జరగకపోవడంతో అప్పులు చేయలేక... చేద్దామన్నా ఇచ్చేవారు లేక.. వేల రూపాయల కోసం సైతం వెంపర్లాడాల్సిన పరిస్థితులు ఏర్పడినట్లు ఓ కళాశాల యాజమాన్య ప్రతినిధి ఆవేదన వ్యక్తంచేశారు. కొన్ని కళాశాలలకు రుణాలు అందచేసిన బ్యాంకులు వేలం దిశగా చర్యలు మొదలుపెట్టాయి. అధ్యాపకుల పరిస్థితి మరింత ఆందోళనకరంగా ఉంది. గత కొద్దినెలల నుంచి వేతనాలు అందనందున.. మరొక కళాశాలల్లో వెళ్లలేని పరిస్థితులు నెలకొన్నాయని ఓ సీనియర్‌ అధ్యాపకుడు ఆవేదన వ్యక్తంచేశారు.

డిగ్రీ పట్టాలు ఇవ్వరా..!: విద్యార్థుల పరిస్థితి వర్ణనాతీతంగా మారింది. 2013-14లో డిగ్రీ పూర్తి చేసిన లక్ష మంది ఇంజినీరింగ్‌ విద్యార్థుల్లో 70శాతం మంది బోధనా రుసుముల చెల్లింపు కింద అర్హత సాధించిన వారే. డిగ్రీ పట్టాలు ఇస్తే వారు చెల్లించాల్సిన ఫీజులు ఎవరూ కడతారో అర్థంకావడవంలేదని ఓ కళాశాల యాజమాని ఆవేదన వ్యక్తంచేశారు. పట్టాలు లేకుంటే తమ పరిస్థితి ఏమిటని విద్యార్థులు నిలదీస్తున్నారు.

తెలంగాణ ప్రభుత్వ ఆలోచనతో...!: తెలంగాణ ప్రభుత్వం 1956 ముందు నుంచి తెలంగాణాలో ఉన్న వారికి మాత్రమే రుసుములు చెల్లింపు పథకాన్ని వర్తింపచేయాలని యోచిస్తుండడం కొత్త చర్చకు దారితీసింది. హైదరాబాదులోని ఓ కళాశాల యాజమాన్యం తమ వద్ద చదువుతోన్న విద్యార్థుల శాశ్వత, తాత్కాలిక చిరునామాలతో ఎంతమంది ఆంధ్రప్రదేశ్‌కు చెందిన వారు ఉన్నారని పరిశీలించగా 18శాతం ఉన్నట్లు తెలిసింది. కొన్ని కళాశాలల్లో ఈ సంఖ్య 25శాతం వరకు ఉన్నట్లు అంచనా వేస్తున్నారు.

ప్రభుత్వం నుంచి చెల్లింపులు జరగనందున ఇంజినీరింగ్‌, ఎంబీఏ, ఎంసీఏ, ఎంటెక్‌, ఇతర కోర్సులను 2013-14 విద్యా సంవత్సరంలో పూర్తిచేసిన విద్యార్థులకు మార్కులిస్టులు, టీసీలు ఇచ్చే విషయంలో యాజమాన్యాలు సందిగ్ధంలో కొట్టుమిట్టాడుతున్నాయి. వేసవిసెలవుల అనంతరం జూన్‌ 30వ తేదీ (2014-15 విద్యా సంవత్సరం) నుంచి వివిధ తేదీల్లో కళాశాలలు పనిచేయడం ప్రారంభం కావడంతో యాజమాన్యాల్లో కంగారు రోజురోజుకీ ఎక్కువైపోతోంది. దీని ప్రభావం విద్యా ప్రమాణాలపైనా తీవ్రంగా కనిపిస్తోంది.

వెలుగు వైపు నా అడుగులు...

బడిగంట కొట్టగానే పిల్లలందరూ బిలబిలమంటూ బయటకు పరుగుతీశారు. టీచర్లూ ఇంటిదారిపట్టారు. ఒకరిద్దరు తప్ప నిర్మానుష్యంగా మారిన ఆ బడిలో..

అనుక్షణం ఉత్కంఠగా... ‘క్షణం’

అనుక్షణం ఉత్కంఠభరితంగా సాగే కథనంతో తెరకెక్కిన చిత్రం ‘క్షణం’. పీవీపీ సినిమా బ్యానర్‌పై తెరకెక్కిన ఈ చిత్రానికి రవికాంత్‌....

 
 
 
 
 
Copyright © 2014 Ushodaya Enterprises Pvt. Ltd., All Rights Reserved.
For Digital Marketing enquiries contact 9000180611 or Mail :Marketing@eenadu.net