Mon, February 08, 2016

Type in English and Give Space to Convert to Telugu

'కడలి వేదికగా కదన విన్యాసం''కల్తీల నుంచి కాపాడాలి''ఎస్సై కొలువులకు సై''వాట్సన్‌ @ రూ. 9.5 కోట్లు''హామీలు నెరవేర్చే వరకు దీక్ష''అన్నయ్యే వారసుడు..''ప్రజల మనసులు చూరగొంటూ..''సాగర జలాల్లో స్నేహబంధం''కాగిత రహిత టికెట్ల దిశగా రైల్వే''అనుమతి లేకుండా ప్రాజెక్టులు'
సాగర్‌ ఖాళీకి ‘గ్రీన్‌’ బ్రేక్‌
శుద్ధి చేయకుండా కాలుష్య నీటిని మూసీలోకి ఎలా వదులుతారు?
చట్టాలను ఉల్లంఘించటమేనని సోల్‌ పిటీషన్‌ దాఖలు
తదుపరి ఉత్తర్వుల వరకు నీటి విడుదల ఆపాలి
చెన్నై సదరన్‌ గ్రీన్‌ ట్రైబ్యునల్‌ ఆదేశం
ఈనాడు, హైదరాబాద్‌: హుస్సేన్‌ సాగర్‌ నుంచి నీటి విడుదలను నిలిపివేయాలని చైన్నెలోని నేషనల్‌ గ్రీన్‌ ట్రైబ్యునల్‌ సదరన్‌ జోన్‌ తెలంగాణ రాష్ట్ర ప్రభుత్వాన్ని ఆదేశిస్తూ మధ్యంతర ఉత్తర్వులు జారీ చేసింది. ప్రణాళిక లేకుండా...ప్రజాభిప్రాయం తెలుసుకోకుండాసాగర్‌ను అశాస్త్రీయంగా ఖాళీ చేస్తున్నారని హైదరాబాద్‌కు చెందిన సేవ్‌ అవర్‌ అర్బన్‌ లేక్స్‌(సోల్‌) సంస్థ పిటీషన్‌ దాఖలు చేసింది. ఈ నేపథ్యంలో మళ్లీ ఉత్తర్వులు ఇచ్చేవరకు పనులన్నింటిని ఆపాలని ఇద్దరు సభ్యుల ధర్మాసనం ఆదేశాలిచ్చింది.

హుస్సేన్‌ సాగర్‌ను ఖాళీ చేయాలని తెలంగాణ ప్రభుత్వం నిర్ణయం తీసుకున్న నేపథ్యంలో అది అశాస్త్రీయమని, పూర్తి ప్రాజెక్టు నివేదిక(డీపీఆర్‌) లేకుండా...ప్రజలతో సంప్రదింపులు జరపకుండా...తలెత్తే విపరిణామాలను ఆలోచించకుండా ఎలా చేస్తారని కొద్దికాలంగా సోల్‌ సంస్థ ఆందోళన వ్యక్తంచేస్తున్న విషయం తెలిసిందే. ఒకవైపు హుస్సేన్‌ సాగర్‌లో ప్రమాదకర వ్యర్థాలున్నాయని...నీరు తీవ్రంగా కలుషితమైందని నివేదికలు చెబుతుంటే శుద్ధి చేయకుండా నేరుగా మూసీలోకి వదులుతున్నారని, నీటిలోని జీవరాసులు పూర్తిగా చనిపోతాయని ఆ సంస్థ కో కన్వీనర్‌ లుబ్నా సర్వత్‌ ఎన్‌జీటీ సదరన్‌ జోన్‌లో పిటీషన్‌ దాఖలు చేశారు. ఈ చర్య పర్యావరణ చట్టం(1986), జల కాలుష్య నివారణ చట్టం(1974)తోపాటు జీవ వైవిధ్య చట్టం(2002)ను ఉల్లంఘించడమే అవుతుందని పిటీషన్‌లో పేర్కొన్నారు. దీనికి బాధ్యులుగా తెలంగాణ ప్రభుత్వం, జీహెచ్‌ఎంసీ, హెచ్‌ఎండీఏ, టీఎస్‌పీసీబీలను పేర్కొన్నారు. శుద్ధి చేయకుండా నీటిని వదలవద్దని, అది చేయకుండా కాలుష్య నియంత్రణ మండలిని పర్యవేక్షించేలా ఆదేశించాలని సోల్‌ వాదించింది. దీనిపై రెండ్రోజులపాటు వాదనలు విన్న ఇద్దరు సభ్యుల ధర్మాసనం తదుతరి ఉత్తర్వులు ఇచ్చే వరకు సాగర్‌ ఖాళీ చేసే పనులను నిలిపివేయాలని ఆదేశాలిచ్చారు. తదుపరి విచారణను ఈనెల 28వ తేదీకి వాయిదా చేశారు. ఉత్తర్వుల కాపీలను శనివారం సోల్‌ ప్రతినిధులు ఆయా ప్రభుత్వ విభాగాలతోపాటు గవర్నర్‌ నరసింహన్‌కు అందజేశారు.

మాధవన్‌ పళ్లురాలగొట్టాను..!

సినిమా కోసం ఉత్తుత్తినే కాదు.. నిజంగానే అంతపని చేసిందట రితిక. గత వారం విడుదలై సంచలన విజయం సాధించిన ‘సాలా ఖడూస్‌’ చిత్రం కథానాయిక. అప్పుడెప్పుడో పరుగుల రాణీ...

ఉప్పల్‌లో పరుగుల పండగ

మ్యాచ్‌ అంటే ఇదీ.. ఆడేది సినిమావాళ్లే అయినా, అంతర్జాతీయ మ్యాచ్‌కి ఏమాత్రం తీసిపోదు. టీ ట్వంటీలో ఉండే అసలైన మజా... మరోసారి తెలిసొచ్చింది....

 
 
 
 
 
Copyright © 2014 Ushodaya Enterprises Pvt. Ltd., All Rights Reserved.
For Digital Marketing enquiries contact 9000180611 or Mail :Marketing@eenadu.net